ງານມະຫະກຳກິລາເພື່ອຄວາມສາມັກຄີຊາວມຸສລິມຄັ້ງທີ 3 ໄຂຂຶ້ນຢູ່ອິນໂດເນເຊຍ
(GMT+08:00) 2013-09-23 13:47:11 cri
ວັນທີ 22 ກັນຍານີ້, ງານມະຫະກຳກິລາເພື່ອຄວາມສາມັກຄີຊາວມຸສລິມຄັ້ງທີ 3 ໄດ້ໄຂຂຶ້ນຢູ່ນະຄອນປາລິມບັງແຂວງສຸມາຕາໃຕ້ຂອງອິນໂດເນເຊຍ, ນັກກິລາຫຼາຍພັນຄົນທີ່ມາຈາກ 44 ປະເທດຈະເຂົ້າຮ່ວມການແຂ່ງຂັນຄັ້ງນີ້. ແຕ່ກ່ອນໄຂງານມະຫະກຳກິລາຄັ້ງນີ້, ຍ້ອນບາງປະເທດທີ່ເຂົ້າຮ່ວມການແຂ່ງຂັນໄດ້ຮຽກຮ້ອງໃຫ້ຫ້າມບໍ່ໃຫ້ນັກກິລາໃສ່ຊຸດບີກີນີເຂົ້າຮ່ວມການແຂ່ງຂັນ, ແຕ່ໄດ້ຮັບການປະຕິເສດຈາກອິນໂດເນເຊຍທີ່ເປັນເຈົ້າພາບຈັດການແຂ່ງຂັນຄັ້ງນີ້,ແລ້ວເຮັດໃຫ້ມີຄວາມຂັດແຍ້ງກັນເກີດຂຶ້ນ.
ງານມະຫະກຳກິລາເພື່ອຄວາມສາມັກຄີຂອງຊາວມຸສລິມແມ່ນງານມະຫະກຳກິລາແບບສັງລວມໃນເຂດມຸສລິມ, ໄລຍະ4 ປີຈັດຂຶ້ນເທື່ອໜຶ່ງ. ປີ 2005, ງານກິລາມະຫະກຳເພື່ອຄວາມສາມັກຄີຊາວມຸສລິມຄັ້ງທຳອິດໄດ້ຈັດຂຶ້ນຢູ່ອາຣັບບີຊາອຸດິດ. ປີ 2009 ງານມະຫະກຳກິລາຄັ້ງທີ 2 ໄດ້ຕົກລົງຈະຈັດຂຶ້ນຢູ່ອີຣານຕາມແຜນການ, ແຕ່ໄດ້ຖືກຍົກເລີກໄປ.
ງານມະຫະກຳກິລາເພື່ອຄວາມສາມັກຄີຂອງຊາວມຸສລິມແມ່ນງານມະຫະກຳກິລາແບບສັງລວມໃນເຂດມຸສລິມ, ໄລຍະ4 ປີຈັດຂຶ້ນເທື່ອໜຶ່ງ. ປີ 2005, ງານກິລາມະຫະກຳເພື່ອຄວາມສາມັກຄີຊາວມຸສລິມຄັ້ງທຳອິດໄດ້ຈັດຂຶ້ນຢູ່ອາຣັບບີຊາອຸດິດ. ປີ 2009 ງານມະຫະກຳກິລາຄັ້ງທີ 2 ໄດ້ຕົກລົງຈະຈັດຂຶ້ນຢູ່ອີຣານຕາມແຜນການ, ແຕ່ໄດ້ຖືກຍົກເລີກໄປ.
