ກະຊວງພາຍໃນເຄັນຢາກ່າວວ່າ ການຊ່ວຍເຫຼືອຕົວປະກັນໃນເຫດການຫຼອນໂຈມຕີໃກ້ຈະສິ້ນສຸດລົງແລ້ວ
(GMT+08:00) 2013-09-24 15:55:54 cri
ວັນທີ 23 ກັນຍານີ້, ກະຊວງພາຍໃນເຄັນຢາກ່າວວ່າ, ນັບມາຮອດວັນທີ 23 ກັນຍານີ້, ເຫດການຫຼອນໂຈມຕີສູນການຄ້າໃນນະຄອນຫຼວງໄນໂຣບີໄດ້ເຮັດໃຫ້ມີຜູ້ເສຍຊີວິດ 62 ຄົນ, ການເຄື່ອນໄຫວຊ່ວຍເຫຼືອຕົວປະກັນໃກ້ຈະສິ້ນສຸດລົງແລ້ວ, ຂະນະທີ່ມີການປະທະກັບພວກກໍ່ການຮ້າຍນັ້ນ,ເຈົ້າໜ້າທີ່ຍັງສາມາດຊ່ວຍເຫຼືອຕົວປະກັນໄດ້ຈຳນວນໜຶ່ງ.
ວັນທີ 23 ກັນຍານີ້, ທ່ານໂຈເຊັຟ ໂອເລ ເລັນຄູ ລັດຖະມົນຕີວ່າການກະຊວງພາຍໃນແລະປະສານງານລັດຖະບານກາງເຄັນຢາກ່າວວ່າ, ກອງກຳລັງລັດຖະບານໄດ້ຄວບຄຸມພື້ນທີ່ທຸກຊັ້ນອາຄານສູນການຄ້າແລ້ວ, ພວກກໍ່ການຮ້າຍບໍ່ມີທາງ ທີ່ຈະຫຼົບໜີອອກໄດ້. ໃນການບຸກໂຈມຕີໃນຕອນເຊົ້າມື້ດຽວກັນ, ຢ່າງໜ້ອຍມີຜູ້ປະກອບອາວຸດສອງຄົນຖືກຍິງຕາຍ, ອີກຫຼາຍຄົນຖືກຍິງໄດ້ຮັບບາດເຈັບ. ທ່ານເດວິດ ຄີໄມໂຢ ຫົວໜ້າກົມໃຫຍ່ຕຳຫຼວດເຄັນຢາກ່າວວ່າ, ຕາມຂ່າວລັບໃຫ້ຮູ້ວ່າ, ຜູ້ປະກອບອາວຸດທີ່ຢູ່ໃນສູນການຄ້າແມ່ນມາຈາກຫຼາຍປະເທດ, ນີ້ເປັນເຫດການກໍ່ການຮ້າຍສາກົນຄັ້ງໜຶ່ງ.
ຕອນເຊົ້າວັນທີ 21 ກັນຍານີ້, ຜູ້ປະກອບອາວຸດຫຼາຍຄົນໄດ້ບຸກເຂົ້າສູນການຄ້າເວັສທ໌ເກັດ,ແລະໄດ້ຍິງປືນແລະແກວ່ງໝາກແຕກໃສ່ປະຊາຊົນ, ຊຶ່ງເຮັດໃຫ້ມີຄົນເສຍຊີວິດແລະບາດເຈັບຢ່າງຫຼວງຫຼາຍ. ຫຼັງຈາກນັ້ນ, ຜູ້ປະກອບອາວຸດເຫຼົ່ານີ້ໄດ້ຍິງປະທະກັນກັບເຈົ້າໜ້າທີ່ຕຳຫຼວດແລະທະຫານທີ່ເດີນທາງໄປເຖິງສູນການຄ້າເປັນການດ່ວນ. ນັບມາຮອດປະຈຸບັນ, ເຫດການໃນຄັ້ງນີ້ໄດ້ແກ່ຍາວມາເປັນເວລາ 50 ກວ່າຊົ່ວໂມງແລ້ວ, ເຈົ້າໜ້າທີ່ຕຳຫຼວດແລະທະຫານຍັງປະເຊີນໜ້າກັບຜູ້ປະກອບອາວຸດຢູ່.
ວັນທີ 23 ກັນຍານີ້, ທ່ານໂຈເຊັຟ ໂອເລ ເລັນຄູ ລັດຖະມົນຕີວ່າການກະຊວງພາຍໃນແລະປະສານງານລັດຖະບານກາງເຄັນຢາກ່າວວ່າ, ກອງກຳລັງລັດຖະບານໄດ້ຄວບຄຸມພື້ນທີ່ທຸກຊັ້ນອາຄານສູນການຄ້າແລ້ວ, ພວກກໍ່ການຮ້າຍບໍ່ມີທາງ ທີ່ຈະຫຼົບໜີອອກໄດ້. ໃນການບຸກໂຈມຕີໃນຕອນເຊົ້າມື້ດຽວກັນ, ຢ່າງໜ້ອຍມີຜູ້ປະກອບອາວຸດສອງຄົນຖືກຍິງຕາຍ, ອີກຫຼາຍຄົນຖືກຍິງໄດ້ຮັບບາດເຈັບ. ທ່ານເດວິດ ຄີໄມໂຢ ຫົວໜ້າກົມໃຫຍ່ຕຳຫຼວດເຄັນຢາກ່າວວ່າ, ຕາມຂ່າວລັບໃຫ້ຮູ້ວ່າ, ຜູ້ປະກອບອາວຸດທີ່ຢູ່ໃນສູນການຄ້າແມ່ນມາຈາກຫຼາຍປະເທດ, ນີ້ເປັນເຫດການກໍ່ການຮ້າຍສາກົນຄັ້ງໜຶ່ງ.
ຕອນເຊົ້າວັນທີ 21 ກັນຍານີ້, ຜູ້ປະກອບອາວຸດຫຼາຍຄົນໄດ້ບຸກເຂົ້າສູນການຄ້າເວັສທ໌ເກັດ,ແລະໄດ້ຍິງປືນແລະແກວ່ງໝາກແຕກໃສ່ປະຊາຊົນ, ຊຶ່ງເຮັດໃຫ້ມີຄົນເສຍຊີວິດແລະບາດເຈັບຢ່າງຫຼວງຫຼາຍ. ຫຼັງຈາກນັ້ນ, ຜູ້ປະກອບອາວຸດເຫຼົ່ານີ້ໄດ້ຍິງປະທະກັນກັບເຈົ້າໜ້າທີ່ຕຳຫຼວດແລະທະຫານທີ່ເດີນທາງໄປເຖິງສູນການຄ້າເປັນການດ່ວນ. ນັບມາຮອດປະຈຸບັນ, ເຫດການໃນຄັ້ງນີ້ໄດ້ແກ່ຍາວມາເປັນເວລາ 50 ກວ່າຊົ່ວໂມງແລ້ວ, ເຈົ້າໜ້າທີ່ຕຳຫຼວດແລະທະຫານຍັງປະເຊີນໜ້າກັບຜູ້ປະກອບອາວຸດຢູ່.
