ພັກສະຫະພັນທີ່ນຳພາໂດຍທ່ານນາງແອນເຈີລາ ເມີເຄວ ນາຍົກລັດຖະມົນຕີເຢຍລະມັນໄດ້ຮັບໄຊຊະນະໃນການເລືອກຕັ້ງທົ່ວໄປ ປະຊາຄົມໂລກສະແດງຄວາມຊົມເຊີຍນຳ
(GMT+08:00) 2013-09-24 11:25:39 cri
ຕາມຂ່າວCRI: ການເລືອກຕັ້ງລັດຖະສະພາສະຫະພັນເຢຍລະມັນໄດ້ສິ້ນສຸດລົງໃນວັນທີ 22 ກັນຍານີ້, ພັກສະຫະພັນທີ່ນຳພາໂດຍທ່ານນາງແອນເຈີລາ ເມີເຄວ, ນາຍົກລັດຖະມົນຕີເຢຍລະມັນໄດ້ຮັບໄຊຊະນະໃນການເລືອກຕັ້ງທົ່ວໄປຄັ້ງນີ້, ແລະອາດຈະກາຍເປັນພັກກຳອຳນາດພຽງໜຶ່ງດຽວຂອງເຢຍລະມັນ. ຕໍ່ເລື່ອງນີ້, ປະຊາຄົມໂລກສະແດງຄວາມຊົມເຊີຍນຳ.
ຕອນຄ່ຳວັນທີ 23 ກັນຍານີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ສົນທະນາຜ່ານທາງໂທລະສັບກັບທ່ານນາງແອນເຈີລາ ເມີເຄວ ນາຍົກລັດຖະມົນຕີເຢຍລະມັນ ແລະໄດ້ສະແດງຄວາມຊົມເຊີຍຕໍ່ທ່ານ, ທ່ານຫຼີເຄີ້ສຽງກ່າວວ່າ ລັດຖະບານຈີນເອົາໃຈໃສ່ໃນລະດັບສູງຕໍ່ການຂະຫຍາຍການພົວພັນລະຫວ່າງຈີນ-ເຢຍລະມັນໃນທາງຍຸດທະສາດແລະວິໄສທັດທີ່ຍາວໄກມາໂດຍຕະຫຼອດ, ຈີນຍິນດີກັບເຢຍລະມັນຮ່ວມກັນປູກຕົ້ນໄມ້ແຫ່ງມິດຕະພາບຈີນ-ເຢຍລະມັນໃຫ້ດີ, ເຮັດໃຫ້ຕົ້ນມິດຕະພາບມີຊີວິດຊີວາແລະກຳລັງແຮງໃໝ່ຂຶ້ນຢ່າງບໍ່ຢຸດຢັ້ງ. ທ່ານນາງແອນເຈີລາ ເມີເຄວກ່າວວ່າ ເຢຍລະມັນຍິນດີຮ່ວມກັບຈີນສຸມກຳລັງເຂົ້າໃນການຮັກສາການພົວພັນລະຫວ່າງຈີນ-ເຢຍລະມັນໃຫ້ຢູ່ໃນລະດັບທີ່ສູງ, ເພີ່ມທະວີການຮ່ວມມືໃນຂົງເຂດຕ່າງໆລະຫວ່າງສອງປະເທດຢ່າງບໍ່ຢຸດຢັ້ງ.
ວັນທີ 22 ກັນຍານີ້, ທ່ານວອນ ໂຣມປຸຍ, ປະທານສະພາມົນຕີເອີລົບໄດ້ອອກຖະແຫຼງການໂດຍກ່າວວ່າ, ເຊື່ອວ່າລັດຖະບານຊຸດໃໝ່ຂອງເຢຍລະມັນທີ່ນຳພາໂດຍທ່ານນາງແອນເຈີລາ ເມີເຄວຈະສືບຕໍ່ປະຕິບັດພັນທະໜ້າທີ່ຂອງຕົນ, ປະກອບສ່ວນເຂົ້າໃນການສ້າງສັນຕິພາບແລະຄວາມຈະເລີນຮຸ່ງເຮືອງຂອງເອີລົບ.
ວັນທີ 23 ກັນຍານີ້, ທ່ານນາງແອນເຈີລາ ເມີເຄວ ນາຍົກລັດຖະມົນຕີເຢຍລະມັນກ່າວຢູ່ສຳນັກງານໃຫຍ່ຂອງພັກສະຫະພັນທີ່ແບັກແລັງວ່າ, ພັກສະຫະພັນໄດ້ສຳຜັດກັບພັກສັງຄົມປະຊາທິປະໄຕໃນເບື້ອງຕົ້ນ, ເພື່ອປຶກສາຫາລືການສ້າງຕັ້ງລັດຖະບານປະສົມ.
ຕອນຄ່ຳວັນທີ 23 ກັນຍານີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ສົນທະນາຜ່ານທາງໂທລະສັບກັບທ່ານນາງແອນເຈີລາ ເມີເຄວ ນາຍົກລັດຖະມົນຕີເຢຍລະມັນ ແລະໄດ້ສະແດງຄວາມຊົມເຊີຍຕໍ່ທ່ານ, ທ່ານຫຼີເຄີ້ສຽງກ່າວວ່າ ລັດຖະບານຈີນເອົາໃຈໃສ່ໃນລະດັບສູງຕໍ່ການຂະຫຍາຍການພົວພັນລະຫວ່າງຈີນ-ເຢຍລະມັນໃນທາງຍຸດທະສາດແລະວິໄສທັດທີ່ຍາວໄກມາໂດຍຕະຫຼອດ, ຈີນຍິນດີກັບເຢຍລະມັນຮ່ວມກັນປູກຕົ້ນໄມ້ແຫ່ງມິດຕະພາບຈີນ-ເຢຍລະມັນໃຫ້ດີ, ເຮັດໃຫ້ຕົ້ນມິດຕະພາບມີຊີວິດຊີວາແລະກຳລັງແຮງໃໝ່ຂຶ້ນຢ່າງບໍ່ຢຸດຢັ້ງ. ທ່ານນາງແອນເຈີລາ ເມີເຄວກ່າວວ່າ ເຢຍລະມັນຍິນດີຮ່ວມກັບຈີນສຸມກຳລັງເຂົ້າໃນການຮັກສາການພົວພັນລະຫວ່າງຈີນ-ເຢຍລະມັນໃຫ້ຢູ່ໃນລະດັບທີ່ສູງ, ເພີ່ມທະວີການຮ່ວມມືໃນຂົງເຂດຕ່າງໆລະຫວ່າງສອງປະເທດຢ່າງບໍ່ຢຸດຢັ້ງ.
ວັນທີ 22 ກັນຍານີ້, ທ່ານວອນ ໂຣມປຸຍ, ປະທານສະພາມົນຕີເອີລົບໄດ້ອອກຖະແຫຼງການໂດຍກ່າວວ່າ, ເຊື່ອວ່າລັດຖະບານຊຸດໃໝ່ຂອງເຢຍລະມັນທີ່ນຳພາໂດຍທ່ານນາງແອນເຈີລາ ເມີເຄວຈະສືບຕໍ່ປະຕິບັດພັນທະໜ້າທີ່ຂອງຕົນ, ປະກອບສ່ວນເຂົ້າໃນການສ້າງສັນຕິພາບແລະຄວາມຈະເລີນຮຸ່ງເຮືອງຂອງເອີລົບ.
ວັນທີ 23 ກັນຍານີ້, ທ່ານນາງແອນເຈີລາ ເມີເຄວ ນາຍົກລັດຖະມົນຕີເຢຍລະມັນກ່າວຢູ່ສຳນັກງານໃຫຍ່ຂອງພັກສະຫະພັນທີ່ແບັກແລັງວ່າ, ພັກສະຫະພັນໄດ້ສຳຜັດກັບພັກສັງຄົມປະຊາທິປະໄຕໃນເບື້ອງຕົ້ນ, ເພື່ອປຶກສາຫາລືການສ້າງຕັ້ງລັດຖະບານປະສົມ.
