ຈີນຈະສົ່ງດາວທຽມ "ສາງເອີເລກ 3" ຂຶ້ນສູ່ອະວະກາດໃນເດືອນທັນວາປີນີ້
(GMT+08:00) 2013-09-25 16:55:00 cri
ຈີນຈະສົ່ງດາວທຽມ"ສາງເອີເລກ 3"ຂຶ້ນສູ່ອະວະກາດໃນເດືອນທັນວາປີນີ້, ຊຶ່ງໃນນັ້ນປະກອບມີຍານສຳຫຼວດດວງຈັນຄັນທຳອິດຂອງຈີນທີ່ປະຕິບັດໜ້າທີ່ສຳຫຼວດພື້ນຜິວດວງຈັນ,ເລີ່ມແຕ່ວັນທີ 25 ກັນຍານີ້ເປັນຕົ້ນໄປຈະເປີດໂອກາດໃຫ້ປວງຊົນທົ່ວໂລກຕັ້ງຊື່ໃຫ້ຍານສຳຫຼວດດວງຈັນຄັນດັ່ງກ່າວນີ້ໂດຍຜ່ານທາງອິນເຕີເນັດ.
ຍານສຳຫຼວດດວງຈັນທີ່ປະຕິບັດໜ້າທີ່ສຳຫຼວດພື້ນຜິວດວງຈັນຂອງດາວທຽມ "ສາງເອີເລກ 3" ເປັນຍານສຳຫຼວດດວງຈັນຄັນທຳອິດຂອງຈີນ,ຊຶ່ງຈະຕ້ອງປະຕິບັດໜ້າທີ່ສຳຫຼວດດ້ານຕ່າງໆຢູ່ຕາມພື້ນຜິວດວງຈັນເຊັ່ນການເຄື່ອນທີ່ຕາມພື້ນຜິວດວງຈັນ, ການສື່ສານໂທລະຄົມແລະວິທະຍາສາດເຫຼົ່ານີ້ເປັນຕົ້ນ,ຍານສຳຫຼວດດວງຈັນຄັນນີ້ຕ່າງກັບຍານອະວະກາດໂຄຈອນຕາມວົງໂຄຈອນໜ່ວຍໂລກໃນໄລຍະຜ່ານມາຢ່າງຫຼວງຫຼາຍ,ແລະມີຄວາມກ້າວໜ້າໃນຫຼາຍດ້ານ, ຊຶ່ງມີຄວາມໝາຍສຳຄັນຕໍ່ຈີນໃນການປະຕິບັດໂຄງການສຳຫຼວດດວງຈັນແລະການສຳຫຼວດອະວະກາດຊັ້ນສູງ.
ກິດຈະກຳເປີດໂອກາດໃຫ້ປວງຊົນທົ່ວໂລກຕັ້ງຊື່ໃຫ້ຍານສຳຫຼວດດວງຈັນ"ສາງເອີເລກ 3"ທີ່ຈັດຂຶ້ນໃນວັນທີ 25 ກັນຍານີ້ ມີຈຸດປະສົງເພື່ອສະແດງໃຫ້ເຫັນພາບພົດຂອງຈີນທີ່ເປັນປະເທດປະຕິບັດໂຄງການສຳຫຼວດດວງຈັນແລະການບິນອະວະກາດ. ກິດຈະກຳໃນຄັ້ງນີ້ຈະດຳເນີນໄປໂດຍແບ່ງເປັນສາມໄລຍະຄືໄລຍະທີໜຶ່ງ, ຍື່ນບັນຊີລາຍຊື່ທີ່ປວງຊົນທົ່ວໂລກຕັ້ງຊື່ໃຫ້, ຈາກນັ້ນຈະຄັດເລືອກເອົາ 10 ຊື່ເຂົ້າຮອບ, ໄລຍະທີສອງ, ໃຫ້ປວງຊົນລົງຄະແນນສຽງຜ່ານທາງອິນເຕີເນັດເພື່ອຕົກລົງ 3 ຊື່ສຸດທ້າຍ, ໄລຍະທີສາມແມ່ນອະນຸມັດການຕົກລົງຊື່ສຸດທ້າຍ. ປວງຊົນທັງພາຍໃນປະເທດຈີນແລະຕ່າງປະເທດລ້ວນແຕ່ສາມາດເຂົ້າຮ່ວມກິດຈະກຳໃນຄັ້ງນີ້ໂດຍຜ່ານທາງອິນເຕີເນັດ.
ຍານສຳຫຼວດດວງຈັນທີ່ປະຕິບັດໜ້າທີ່ສຳຫຼວດພື້ນຜິວດວງຈັນຂອງດາວທຽມ "ສາງເອີເລກ 3" ເປັນຍານສຳຫຼວດດວງຈັນຄັນທຳອິດຂອງຈີນ,ຊຶ່ງຈະຕ້ອງປະຕິບັດໜ້າທີ່ສຳຫຼວດດ້ານຕ່າງໆຢູ່ຕາມພື້ນຜິວດວງຈັນເຊັ່ນການເຄື່ອນທີ່ຕາມພື້ນຜິວດວງຈັນ, ການສື່ສານໂທລະຄົມແລະວິທະຍາສາດເຫຼົ່ານີ້ເປັນຕົ້ນ,ຍານສຳຫຼວດດວງຈັນຄັນນີ້ຕ່າງກັບຍານອະວະກາດໂຄຈອນຕາມວົງໂຄຈອນໜ່ວຍໂລກໃນໄລຍະຜ່ານມາຢ່າງຫຼວງຫຼາຍ,ແລະມີຄວາມກ້າວໜ້າໃນຫຼາຍດ້ານ, ຊຶ່ງມີຄວາມໝາຍສຳຄັນຕໍ່ຈີນໃນການປະຕິບັດໂຄງການສຳຫຼວດດວງຈັນແລະການສຳຫຼວດອະວະກາດຊັ້ນສູງ.
ກິດຈະກຳເປີດໂອກາດໃຫ້ປວງຊົນທົ່ວໂລກຕັ້ງຊື່ໃຫ້ຍານສຳຫຼວດດວງຈັນ"ສາງເອີເລກ 3"ທີ່ຈັດຂຶ້ນໃນວັນທີ 25 ກັນຍານີ້ ມີຈຸດປະສົງເພື່ອສະແດງໃຫ້ເຫັນພາບພົດຂອງຈີນທີ່ເປັນປະເທດປະຕິບັດໂຄງການສຳຫຼວດດວງຈັນແລະການບິນອະວະກາດ. ກິດຈະກຳໃນຄັ້ງນີ້ຈະດຳເນີນໄປໂດຍແບ່ງເປັນສາມໄລຍະຄືໄລຍະທີໜຶ່ງ, ຍື່ນບັນຊີລາຍຊື່ທີ່ປວງຊົນທົ່ວໂລກຕັ້ງຊື່ໃຫ້, ຈາກນັ້ນຈະຄັດເລືອກເອົາ 10 ຊື່ເຂົ້າຮອບ, ໄລຍະທີສອງ, ໃຫ້ປວງຊົນລົງຄະແນນສຽງຜ່ານທາງອິນເຕີເນັດເພື່ອຕົກລົງ 3 ຊື່ສຸດທ້າຍ, ໄລຍະທີສາມແມ່ນອະນຸມັດການຕົກລົງຊື່ສຸດທ້າຍ. ປວງຊົນທັງພາຍໃນປະເທດຈີນແລະຕ່າງປະເທດລ້ວນແຕ່ສາມາດເຂົ້າຮ່ວມກິດຈະກຳໃນຄັ້ງນີ້ໂດຍຜ່ານທາງອິນເຕີເນັດ.
