ຈັດກອງປະຊຸມນັກທຸລະກິດເຊື້ອສາຍຈີນຂອງໂລກຄັ້ງທີ 12
ກອງປະຊຸມນັກທຸລະກິດເຊື້ອສາຍຈີນຂອງໂລກຄັ້ງທີ 12 ໄດ້ໄຂຂຶ້ນ ໃນວັນທີ 25 ກັນຍານີ້ທີ່ນະຄອນເສິງຕູ່ແຂວງເສສວນຂອງຈີນ, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນໄດ້ສົ່ງຈົດໝາຍອວຍພອນການໄຂກອງປະຊຸມຄັ້ງນີ້. ທ່ານຢູເຈີ້ງເສິ່ງ ກຳມະການປະຈຳກົມການເມືອງສູນກາງພັກຄອມມູນິດຈີນ ປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ເຂົ້າຮ່ວມພິທີເປີດງານແລະກ່າວຄຳປາໄສພາຍໃຕ້ຫົວຂໍ້ວ່າ "ກຳໂອກາດແຫ່ງການພັດທະນາ,ຮ່ວມກັນສ້າງອະນາຄົດທີ່ດີງາມ".
ຕາມໄດ້ຊາບວ່າ, ກອງປະຊຸມນັກທຸລະກິດເຊື້ອສາຍຈີນຂອງໂລກໃນຄັ້ງນີ້ແມ່ນສະມາຄົມວິສາຫະກິດທຶນນັກທຸກິດຊາວຈີນຕ່າງດ້າວຂອງຈີນເປັນເຈົ້າພາບ, ອົງການປົກຄອງນະຄອນເສິງຕູ່ເປັນຜູ້ຮັບຜິດຊອບການຈັດຕັ້ງປະຕິບັດຕົວຈິງ, ສະຫະພັນອຸດສາຫະກຳການຄ້າແຫ່ງຊາດຈີນ, ສະພາສົ່ງເສີມການຄ້າສາກົນຈີນເປັນຜູ້ປະສານງານ, ຫ້ອງການວຽກງານຊາວຈີນຕ່າງດ້າວລັດຖະບານຈີນແລະອົງການປົກຄອງແຂວງເສສວນເປັນຜູ້ສະໜັບສະໜູນໃນການຈັດກອງປະຊຸມ. ກອງປະຊຸມຄັ້ງນີ້ໄດ້ຈັດຂຶ້ນພາຍໃຕ້ຫົວຂໍ້ວ່າ "ການພັດທະນາຂອງຈີນ,ໂອກາດຂອງນັກທຸລະກິດເຊື້ອສາຍຈີນ" ມີແຂກຜູ້ມີກຽດທັງພາຍໃນແລະຕ່າງປະເທດທີ່ມາຈາກ104ປະເທດແລະເຂດແຄວ້ນລວມທັງໝົດ 3000ຄົນໄດ້ເຂົ້າຮ່ວມ, ຊຶ່ງໃນນັ້ນ ມີຜູ້ນຳນັກທຸລະກິດເຊື້ອສາຍຈີນທີ່ມີຊື່ສຽງໃນໂລກຈຳນວນຫຼາຍ. ລັດວິສາຫະກິດສູນກາງ 19 ແຫ່ງ,ວິສາຫະກິດເອກະຊົນ 89 ແຫ່ງແລະນັກທຸລະກິດຈາກ 15 ແຂວງ,ກຳແພງນະຄອນແລະເຂດປົກຄອງຕົນເອງ ພາຍໃນປະເທດຈີນໄດ້ຈັດຕັ້ງຄະນະຜູ້ແທນຂອງຕົນເຂົ້າຮ່ວມກອງປະຊຸມຄັ້ງນີ້, ຊຶ່ງໄດ້ສ້າງສະຖິຕິໃໝ່ໃນດ້ານຈຳນວນປະເທດແລະເຂດແຄວ້ນແລະຈຳນວນແຂກຜູ້ມີກຽດທີ່ສຳຄັນມາເຂົ້າຮ່ວມງານເມື່ອທຽບໃສ່ກອງປະຊຸມທຸກຄັ້ງທີ່ຜ່ານມາ.
ກອງປະຊຸມນັກທຸລະກິດເຊື້ອສາຍຈີນຂອງໂລກຄັ້ງນີ້ແມ່ນຈັດຂຶ້ນຢູ່ຈີນໃນຮອບ 12 ປີຜ່ານມາ.
