ເວທີປຶກສາຫາລືສັນຕິພາບສອງຝັ່ງຊ່ອງແຄບໄຕ້ຫວັນຄັ້ງປະຖົມມະເລີກຈະຈັດຂຶ້ນໃນເດືອນຕຸລາໜ້ານີ້ທີ່ນະຄອນຊຽງໄຮ
(GMT+08:00) 2013-09-25 16:57:44 cri
ເວທີປຶກສາຫາລືສັນຕິພາບສອງຝັ່ງຊ່ອງແຄບໄຕ້ຫວັນຄັ້ງປະຖົມມະເລີກຈະຈັດຂຶ້ນແຕ່ວັນທີ 11 ຫາ ວັນທີ 12 ຕຸລາໜ້ານີ້ທີ່ນະຄອນຊຽງໄຮ ພາຍໃຕ້ຫົວຂໍ້ວ່າ "ສັນຕິພາບສອງຝັ່ງ, ພັດທະນາຮ່ວມກັນ" ໂດຍຈະສຸມໃສ່ປຶກສາຫາລືໃນ4ຫົວຂໍ້ຄື ການພົວພັນດ້ານການເມືອງລະຫວ່າງສອງຝັ່ງ, ວຽກງານຕໍ່ຕ່າງປະເທດຂອງສອງຝັ່ງ, ຄວາມໄວ້ເນື້ອເຊື່ອໃຈກັນດ້ານຄວາມໝັ້ນຄົງລະຫວ່າງສອງຝັ່ງແລະໂຄງສ້າງສັນຕິພາບຂອງສອງຝັ່ງ.
ຕາມທ່ານຢາງຢີ້ ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນແຈ້ງໃຫ້ຊາບໃນໂອກາດງານຖະແຫຼງຂ່າວທີ່ຈັດຂຶ້ນໃນວັນທີ 25 ກັນຍານີ້ວ່າ, ເວທີປຶກສາຫາລືໃນຄັ້ງນີ້ມີສະມາຄົມຄົ້ນຄວ້າໄຕ້ຫວັນແຫ່ງຊາດຈີນ, ມູນນິທິສະຕະວັດທີ 21 ໄຕ້ຫວັນແລະອົງການຈັດຕັ້ງປະຊາຊົນແລະອົງການວິຊາການຂອງສອງຝັ່ງຊ່ອງແຄບໄຕ້ຫວັນລວມທັງໝົດ 14 ອົງການຮ່ວມກັນເປັນເຈົ້າພາບ, ແລະຈະເຊື້ອເຊີນນັກວິຊາການແລະຜູ້ຕາງໜ້າຂອງວົງການຕ່າງໆຂອງທັງສອງຝັ່ງຈຳນວນ 120ກວ່າທ່ານເຂົ້າຮ່ວມເວທີປຶກສາຫາລືໃນຄັ້ງນີ້.
ທ່ານຢາງຢີ້ກ່າວວ່າ, ການຈັດເວທີປຶກສາຫາລືສັນຕິພາບສອງຝັ່ງຊ່ອງແຄບໄຕ້ຫວັນຄັ້ງປະຖົມມະເລີກເປັນການຕອບສະໜອງຕາມຄວາມຮຽກຮ້ອງຕ້ອງການທີ່ການພົວພັນລະຫວ່າງສອງຝັ່ງຂະຫຍາຍຕົວກ້າວໜ້າຕໍ່ໄປ, ແລະໄດ້ສ້າງເວທີອັນສຳຄັນສຳລັບການແລກປ່ຽນແລະສົນທະນາກັນລະຫວ່າງປະຊາຊົນສອງຝັ່ງສ່ອງແຄບໄຕ້ຫວັນໃນສະພາບການໃໝ່. ຝ່າຍຈີນແຜ່ນ ດິນໃຫຍ່ສະໜັບສະໜູນແລະສົ່ງເສີມການສົນທະນາທາງການເມືອງລະຫວ່າງປະຊາຊົນເພື່ອຄົ້ນຄວ້າວິທີແກ້ໄຂບັນຫາຕ່າງໆໃນການພົວພັນລະຫວ່າງສອງຝັ່ງໃນດ້ານການເມືອງ, ການທະຫານແລະວຽກງານການຕ່າງປະເທດເຫຼົ່ານີ້ເປັນຕົ້ນ, ແລະສະສົມຄວາມຮັບຮູ້ທີ່ເປັນເອກກະສັນກັນແລະສ້າງເງື່ອນໄຂໃຫ້ແກ່ສອງຝັ່ງດຳເນີນການປຶກສາຫາລືດ້ານການເມືອງ ໃນຕໍ່ໜ້າ.
ຕາມທ່ານຢາງຢີ້ ໂຄສົກຫ້ອງການວຽກງານໄຕ້ຫວັນຂອງລັດຖະບານຈີນແຈ້ງໃຫ້ຊາບໃນໂອກາດງານຖະແຫຼງຂ່າວທີ່ຈັດຂຶ້ນໃນວັນທີ 25 ກັນຍານີ້ວ່າ, ເວທີປຶກສາຫາລືໃນຄັ້ງນີ້ມີສະມາຄົມຄົ້ນຄວ້າໄຕ້ຫວັນແຫ່ງຊາດຈີນ, ມູນນິທິສະຕະວັດທີ 21 ໄຕ້ຫວັນແລະອົງການຈັດຕັ້ງປະຊາຊົນແລະອົງການວິຊາການຂອງສອງຝັ່ງຊ່ອງແຄບໄຕ້ຫວັນລວມທັງໝົດ 14 ອົງການຮ່ວມກັນເປັນເຈົ້າພາບ, ແລະຈະເຊື້ອເຊີນນັກວິຊາການແລະຜູ້ຕາງໜ້າຂອງວົງການຕ່າງໆຂອງທັງສອງຝັ່ງຈຳນວນ 120ກວ່າທ່ານເຂົ້າຮ່ວມເວທີປຶກສາຫາລືໃນຄັ້ງນີ້.
ທ່ານຢາງຢີ້ກ່າວວ່າ, ການຈັດເວທີປຶກສາຫາລືສັນຕິພາບສອງຝັ່ງຊ່ອງແຄບໄຕ້ຫວັນຄັ້ງປະຖົມມະເລີກເປັນການຕອບສະໜອງຕາມຄວາມຮຽກຮ້ອງຕ້ອງການທີ່ການພົວພັນລະຫວ່າງສອງຝັ່ງຂະຫຍາຍຕົວກ້າວໜ້າຕໍ່ໄປ, ແລະໄດ້ສ້າງເວທີອັນສຳຄັນສຳລັບການແລກປ່ຽນແລະສົນທະນາກັນລະຫວ່າງປະຊາຊົນສອງຝັ່ງສ່ອງແຄບໄຕ້ຫວັນໃນສະພາບການໃໝ່. ຝ່າຍຈີນແຜ່ນ ດິນໃຫຍ່ສະໜັບສະໜູນແລະສົ່ງເສີມການສົນທະນາທາງການເມືອງລະຫວ່າງປະຊາຊົນເພື່ອຄົ້ນຄວ້າວິທີແກ້ໄຂບັນຫາຕ່າງໆໃນການພົວພັນລະຫວ່າງສອງຝັ່ງໃນດ້ານການເມືອງ, ການທະຫານແລະວຽກງານການຕ່າງປະເທດເຫຼົ່ານີ້ເປັນຕົ້ນ, ແລະສະສົມຄວາມຮັບຮູ້ທີ່ເປັນເອກກະສັນກັນແລະສ້າງເງື່ອນໄຂໃຫ້ແກ່ສອງຝັ່ງດຳເນີນການປຶກສາຫາລືດ້ານການເມືອງ ໃນຕໍ່ໜ້າ.
