ຈີນສະແດງຄວາມຊົມເຊີຍຕໍ່ການໄຂກອງປະຊຸມສະພາແຫ່ງຊາດຊຸດໃໝ່ຂອງກຳປູເຈຍແລະທ່ານຮຸນແຊນໄດ້ຮັບການເລືອກຕັ້ງເປັນນາຍົກລັດຖະມົນຕີຊຸດໃໝ່ຕື່ມອີກວາລະໜຶ່ງ
(GMT+08:00) 2013-09-25 15:27:03 cri
ວັນທີ 24 ກັນຍານີ້, ທ່ານຫົງເຫຼີຍ, ໂຄສົກກະຊວງການຕ່າງປະເທດຈີນກ່າວວ່າ, ຈີນສະແດງຄວາມຊົມເຊີຍຕໍ່ການໄຂກອງປະຊຸມສະພາແຫ່ງຊາດຊຸດໃໝ່ຂອງກຳປູເຈຍແລະທ່ານຮຸນແຊນໄດ້ຮັບການເລືອກຕັ້ງເປັນນາຍົກລັດຖະມົນຕີຊຸດໃໝ່ຕື່ມອີກວາລະໜຶ່ງ. ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ສົ່ງໂທລະເລກຊົມເຊີຍໄປໃຫ້ທ່ານຮຸນແຊນ ນາຍົກລັດຖະມົນຕີກຳປູເຈຍແລ້ວ,ຈີນແລະກຳປູເຈຍແມ່ນປະເທດບ້ານໃກ້ເຮືອນຄຽງທີ່ມີມິດຕະພາບກັນມາແຕ່ດົນນານ. ໃນຊຸມປີຜ່ານມານີ້, ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຈີນ-ກຳປູເຈຍໄດ້ຮັບຄວາມຄືບໜ້າໃຫຍ່, ໄດ້ນຳມາເຊິ່ງຜົນປະໂຫຍດທີ່ແທ້ຈິງແກ່ປະຊາຊົນສອງຊາດ. ຈີນຍິນດີສືບຕໍ່ເພີ່ມທະວີການຮ່ວມມືທີ່ມີໄມຕີຈິດມິດຕະພາບກັບລັດຖະບານແລະສະພາແຫ່ງຊາດຊຸດໃໝ່ຂອງກຳປູເຈຍ, ຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍໄປໜ້າຢ່າງບໍ່ຢຸດຢັ້ງ.