ກຳປັ່ນໂຮງໝໍ "ເຮີຜິງຟ່າງໂຈ່ວ"ຂອງກອງທັບເຮືອຈີນເດີນທາງໄປຮອດກຳປູເຈຍແລະເລີ່ມດຳເນີນການບໍລິການດ້ານການປິ່ນປົວ
(GMT+08:00) 2013-09-25 16:04:35 cri
ການສະແດງຟ້ອນສິງໂຕທີ່ໜ້າຊົມໃນພິທີຕ້ອນຮັບ
ຕອນເຊົ້າວັນທີ 24 ກັນຍານີ້, ກຳປັ່ນໂຮງໝໍ "ເຮີຜິງຟ່າງໂຈ່ວ"ຂອງກອງທັບເຮືອຈີນທີ່ກຳລັງປະຕິບັດໜ້າທີ່ "ພາລະກິດເພື່ອຄວາມກົມກຽວກັນ2013"ໄດ້ເດີນທາງໄປເຖິງທ່າກຳປັ່ນສີຫານຸກຂອງກຳປູເຈຍ ຊຶ່ງເປັນບ່ອນສຸດທ້າຍໃນການປະຕິບັດໜ້າທີ່ໃນຄັ້ງນີ້, ເລີ່ມຢ້ຽມຢາມສັນຖະວະໄມຕີກຳປູເຈຍແລະດຳເນີນການບໍລິການດ້ານການປິ່ນປົວຊຶ່ງເປັນການຊ່ວຍເຫຼືອດ້ານມະນຸດສະທຳເປັນເວລາ 6 ວັນ.
ປະຊາຊົນໄປຕ້ອນຮັບກຳປັ່ນ "ເຮີຜິງຟ່າງໂຈ່ວ"ຢູ່ທ່າກຳປັ່ນສີຫານຸກກຳປູເຈຍ
ໃນຂະນະທີ່ສະໜອງການບໍລິການດ້ານການປິ່ນປົວໃຫ້ແກ່ປະຊາຊົນທ້ອງຖິ່ນກຳປູເຈຍໃນກຳປັ່ນໂຮງໝໍ, ກຳປັ່ນໂຮງໝໍ "ເຮີຜິງຟ່າງໂຈ່ວ"ຂອງກອງທັບເຮືອຈີນຍັງຈະແຕ່ງຕັ້ງໜ່ວຍປິ່ນປົວໄປດຳເນີນການບໍລິການດ້ານການປິ່ນປົວຢູ່ຖານທັບເຮືອປີຊາເຣມຂອງກຳປູເຈຍ, ແລະບົ່ງມະຕິເລືອກຜູ້ເຈັບປ່ວຍໄປປິ່ນປົວຢູ່ກຳປັ່ນໂຮງໝໍ. ແພດໝໍໃນກຳປັ່ນໂຮງໝໍຍັງຈະໄປຮອດໂຮງຮຽນປະຖົມແລະໂຮງຮຽນມັດທະຍົມແຫ່ງຕ່າງໆຂອງທ້ອງຖິ່ນເພື່ອດຳເນີນການບໍລິການດ້ານການປິ່ນປົວ, ແລະຮ່ວມກັບພະນັກງານການແພດຂອງກຳປູເຈຍດຳເນີນການຜ່າຕັດຮ່ວມແລະດຳເນີນການແລກປ່ຽນທາງວິຊາການດ້ານການປິ່ນປົວ. ນອກນີ້, ກຳປັ່ນໂຮງໝໍ "ເຮີຜິງຟ່າງໂຈ່ວ"ຍັງຈະຈັດງານລ້ຽງຕ້ອນຮັບຢູ່ດາດຟ້າກຳປັ່ນ, ຈັດການແຂ່ງຂັນເຕະບານມິດຕະພາບກັບກອງທັບເຮືອກຳປູເຈຍ, ແລະແຕ່ງຕັ້ງໜ່ວຍປິ່ນປົວໄປໂຮງເດັກກຳພ້າກຳພອຍທ້ອງຖິ່ນເພື່ອດຳເນີນການໂຄສະນາແລະສຶກສາດ້ານສຸຂະພາບ.
