ລັດຖະມົນຕີການຕ່າງປະເທດຈີນກ່າວວ່າ ສະພາຄວາມໝັ້ນຄົງສະຫະປະຊາຊາດຄວນຜ່ານມະຕິຕົກລົງກ່ຽວກັບບັນຫາຊີຣີໂດຍໄວ
(GMT+08:00) 2013-09-26 10:56:44 cri
ວັນທີ 25 ກັນຍານີ້, ຢູ່ສຳນັກງານໃຫຍ່ສະຫະປະຊາຊາດທີ່ນິວຢອກ ທ່ານຫວາງອີ້ ລັດຖະມົນຕີວ່າການກະຊວງການຕ່າງປະເທດຈີນໄດ້ເຂົ້າຮ່ວມງານລ້ຽງອາຫານທ່ຽງແລະເຮັດວຽກຂອງລັດຖະມົນຕີການຕ່າງປະເທດຂອງປະເທດສະມາຊິກຖາວອນສະພາຄວາມໝັ້ນຄົງແລະເລຂາທິການໃຫຍ່ອົງການສະຫະປະຊາຊາດ.
ທ່ານຫວາງອີ້ກ່າວວ່າ, ປະຈຸບັນ ສະພາຄວາມໝັ້ນຄົງອົງການສະຫະປະຊາຊາດຄວນບັນລຸຄວາມຮັບຮູ້ທີ່ເປັນເອກະສັນກັນໂດຍໄວ, ຜ່ານມະຕິຕົກລົງກ່ຽວກັບບັນຫາອາວຸດເຄມີຂອງຊີຣີ, ສົ່ງສັນຍານທີ່ສາມັກຄີກັນເຂົ້າໃຫ້ເປັນເອກະສັນກັນຕໍ່ໂລກ, ເພື່ອໃຫ້ການສະໜັບສະໜູນທາງການເມືອງໃຫ້ແກ່ວຽກງານກວດກາ ຢັ້ງຢືນແລະທຳລາຍອາວຸດເຄມີຂອງຊີຣີ. ນີ້ກໍ່ແມ່ນເລື່ອງທີ່ປະຊາຄົມໂລກຄອງຄອຍມາແຕ່ດົນແລ້ວ. ທ່ານຫວາງອີ້ໄດ້ກ່າວຢ້ຳວ່າການແກ້ໄຂບັນຫາຊີຣີພຽງແຕ່ສາມາດຜ່ານຊ່ອງທາງການເມືອງເທົ່ານັ້ນ, ເພາະຊ່ອງທາງການທະຫານບໍ່ສາມາດຈະແກ້ໄຂບັນຫາໄດ້. ວຽກງານ ທຳລາຍອາວຸດເຄມີຂອງຊີຣີຄວນໄດ້ຮັບການຊຸກຍູ້ໄປພ້ອມກັບຂະບວນການທາງການເມືອງ. ປະຊາຄົມໂລກຄວນອອກແຮງຊຸກຍູ້ຂະບວນການແກ້ໄຂບັນຫາຊີຣີໂດຍຜ່ານຊ່ອງທາງການເມືອງ, ຈັດກອງປະຊຸມເຊີແນວຄັ້ງທີ 2 ໂດຍໄວ, ຝ່າຍຕ່າງໆທີ່ກ່ຽວຂ້ອງຂອງຊີຣີແລະປະເທດສຳຄັນໃນພາກພື້ນລ້ວນແຕ່ຄວນເຂົ້າຮ່ວມຂະບວນການແກ້ໄຂບັນຫາໂດຍຜ່ານຊ່ອງທາງການເມືອງ.
ທ່ານຫວາງອີ້ກ່າວເນັ້ນວ່າ, ວິກິດການຊີຣີໄດ້ແກ່ຍາວມາເປັນເວລາດົນນານແລ້ວ, ຈີນສະແດງຄວາມເສຍໃຈຕໍ່ສະພາບການດ້ານສິດທິມະນຸດທີ່ໜັກໜ່ວງຢູ່ຊີຣີ. ປະຊາຄົມໂລກຄວນສືບຕໍ່ໃຫ້ການຊ່ວຍເຫຼືອດ້ານມະນຸດສະທຳໃຫ້ແກ່ຊີຣີພ້ອມດ້ວຍປະເທດອ້ອມຂ້າງ. ຈີນໄດ້ສະໜອງເຄື່ອງຊ່ວຍເຫຼືອດ້ານມະນຸດສະທຳໃຫ້ແກ່ປະຊາຊົນຊີຣີກໍ່ຄືບັນດາປະເທດໃກ້ຄຽງຂອງຊີຣີ, ແລະຍັງຈະໃຊ້ມາດຕະການຊ່ວຍເຫຼືອຕື່ມອີກຕາມຄວາມສາມາດຂອງຕົນ.
ຕອນທ່ຽງວັນທີ 25 ກັນຍານີ້ ໜ່ວຍກວດກາອາວຸດເຄມີຂອງສະຫະປະຊາຊາດໄດ້ເດີນທາງໄປຮອດນະຄອນຫຼວງດາມັສຂອງຊີຣີ, ສະມາຊິກຂອງໜ່ວຍກວດກາທີ່ກັບຄືນສູ່ຊີຣີຈະສືບຕໍ່ສືບສວນຂ່າວລືທີ່ຊີຣີໄດ້ໃຊ້ອາວຸດເຄມີພາຍໃນປະເທດຕົນ.
ທ່ານຫວາງອີ້ກ່າວວ່າ, ປະຈຸບັນ ສະພາຄວາມໝັ້ນຄົງອົງການສະຫະປະຊາຊາດຄວນບັນລຸຄວາມຮັບຮູ້ທີ່ເປັນເອກະສັນກັນໂດຍໄວ, ຜ່ານມະຕິຕົກລົງກ່ຽວກັບບັນຫາອາວຸດເຄມີຂອງຊີຣີ, ສົ່ງສັນຍານທີ່ສາມັກຄີກັນເຂົ້າໃຫ້ເປັນເອກະສັນກັນຕໍ່ໂລກ, ເພື່ອໃຫ້ການສະໜັບສະໜູນທາງການເມືອງໃຫ້ແກ່ວຽກງານກວດກາ ຢັ້ງຢືນແລະທຳລາຍອາວຸດເຄມີຂອງຊີຣີ. ນີ້ກໍ່ແມ່ນເລື່ອງທີ່ປະຊາຄົມໂລກຄອງຄອຍມາແຕ່ດົນແລ້ວ. ທ່ານຫວາງອີ້ໄດ້ກ່າວຢ້ຳວ່າການແກ້ໄຂບັນຫາຊີຣີພຽງແຕ່ສາມາດຜ່ານຊ່ອງທາງການເມືອງເທົ່ານັ້ນ, ເພາະຊ່ອງທາງການທະຫານບໍ່ສາມາດຈະແກ້ໄຂບັນຫາໄດ້. ວຽກງານ ທຳລາຍອາວຸດເຄມີຂອງຊີຣີຄວນໄດ້ຮັບການຊຸກຍູ້ໄປພ້ອມກັບຂະບວນການທາງການເມືອງ. ປະຊາຄົມໂລກຄວນອອກແຮງຊຸກຍູ້ຂະບວນການແກ້ໄຂບັນຫາຊີຣີໂດຍຜ່ານຊ່ອງທາງການເມືອງ, ຈັດກອງປະຊຸມເຊີແນວຄັ້ງທີ 2 ໂດຍໄວ, ຝ່າຍຕ່າງໆທີ່ກ່ຽວຂ້ອງຂອງຊີຣີແລະປະເທດສຳຄັນໃນພາກພື້ນລ້ວນແຕ່ຄວນເຂົ້າຮ່ວມຂະບວນການແກ້ໄຂບັນຫາໂດຍຜ່ານຊ່ອງທາງການເມືອງ.
ທ່ານຫວາງອີ້ກ່າວເນັ້ນວ່າ, ວິກິດການຊີຣີໄດ້ແກ່ຍາວມາເປັນເວລາດົນນານແລ້ວ, ຈີນສະແດງຄວາມເສຍໃຈຕໍ່ສະພາບການດ້ານສິດທິມະນຸດທີ່ໜັກໜ່ວງຢູ່ຊີຣີ. ປະຊາຄົມໂລກຄວນສືບຕໍ່ໃຫ້ການຊ່ວຍເຫຼືອດ້ານມະນຸດສະທຳໃຫ້ແກ່ຊີຣີພ້ອມດ້ວຍປະເທດອ້ອມຂ້າງ. ຈີນໄດ້ສະໜອງເຄື່ອງຊ່ວຍເຫຼືອດ້ານມະນຸດສະທຳໃຫ້ແກ່ປະຊາຊົນຊີຣີກໍ່ຄືບັນດາປະເທດໃກ້ຄຽງຂອງຊີຣີ, ແລະຍັງຈະໃຊ້ມາດຕະການຊ່ວຍເຫຼືອຕື່ມອີກຕາມຄວາມສາມາດຂອງຕົນ.
ຕອນທ່ຽງວັນທີ 25 ກັນຍານີ້ ໜ່ວຍກວດກາອາວຸດເຄມີຂອງສະຫະປະຊາຊາດໄດ້ເດີນທາງໄປຮອດນະຄອນຫຼວງດາມັສຂອງຊີຣີ, ສະມາຊິກຂອງໜ່ວຍກວດກາທີ່ກັບຄືນສູ່ຊີຣີຈະສືບຕໍ່ສືບສວນຂ່າວລືທີ່ຊີຣີໄດ້ໃຊ້ອາວຸດເຄມີພາຍໃນປະເທດຕົນ.
