ສະຫະປະຊາຊາດຈັດກອງປະຊຸມສະໄໝວິສາມັນກ່ຽວກັບຂະບວນການບັນລຸເປົ້າໝາຍສະຫັດສະວັດແຫ່ງການພັດທະນາ
(GMT+08:00) 2013-09-26 16:44:38 cri
ທ່ານບັນກີມູນ ເລຂາທິການໃຫຍ່ອົງການສະຫະປະຊາຊາດທີ່ເຂົ້າຮ່ວມກອງປະຊຸມກ່າວວ່າ, ສະພາບການບັນລຸເປົ້າໝາຍສະຫັດສະວັດແຫ່ງການພັດທະນາຂອງປະເທດຕ່າງໆ ມີຄວາມແຕກຕ່າງກັນຢ່າງຈະແຈ້ງ, ສະນັ້ນຕ້ອງເຮັດວຽກຫຼາຍກວ່າເກົ່າໃນຫຼາຍດ້ານຕື່ມອີກ.
ທ່ານຫວາງອີ້ ລັດຖະມົນຕີວ່າການກະຊວງການຕ່າງປະເທດຈີນທີ່ເຂົ້າຮ່ວມກອງປະຊຸມໃນຄັ້ງນີ້ກ່າວວ່າ, ໃນຂະບວນການບັນລຸເປົ້າໝາຍດັ່ງກ່າວ, ຄວນພະຍາຍາມຮັບຟັງຄວາມເຫັນຂອງປະເທດທີ່ພວມພັດທະນາແລະເຄົາລົບສະພາບຕົວຈິງຂອງປະເທດຕ່າງໆ.
ທ່ານຫວາງອີ້ຍັງແຈ້ງໃຫ້ຊາບວ່າ, ຈີນແມ່ນຜູ້ຈັດຕັ້ງປະຕິບັດຢ່າງຕັ້ງໜ້າໃນການບັນລຸເປົ້າໝາຍສະຫັດສະວັດແຫ່ງການພັດທະນາ, ແມ່ນປະເທດທີ່ພວມພັດທະນາປະເທດທຳອິດທີ່ໄດ້ບັນລຸເປົ້າໝາຍຫຼຸດຜ່ອນຄວາມທຸກຍາກກ່ອນເວລາກຳນົດ.
ປະຈຸບັນ, "ບົດລາຍງານສະພາບການບັນລຸເປົ້າໝາຍສະຫັດສະວັດແຫ່ງການພັດທະນາຂອງຈີນ" ສະບັບປີ 2013 ທີ່ກະຊວງການຕ່າງປະເທດຈີນແລະອົງການສະຫະປະຊາຊາດປະຈຳຈີນຮ່ວມກັນຮຽບຮຽງນັ້ນ ໄດ້ພິມຈຳໜ່າຍຢ່າງເປັນທາງການແລ້ວ.
