ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດກ່າວວ່າ, ການຕໍ່ຕ້ານການຄ້າອາວຸດຂະໜາດເບົາຢ່າງຜິດກົດໝາຍຄວນແກ້ໄຂດ້ວຍການກວດກາແລະປ້ອງກັນໄປພ້ອມ
(GMT+08:00) 2013-09-27 16:48:03 cri
ວັນທີ 26 ກັນຍານີ້, ຢູ່ສຳນັກງານໃຫຍ່ອົງການສະຫະປະຊາຊາດທີ່ນະຄອນນີວຢອກຂອງອາເມລິກາ, ທ່ານຫຼິວເຈຢີ່ ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດກ່າວວ່າ, ການຕໍ່ຕ້ານການຄ້າອາວຸດຂະໜາດເບົາຢ່າງຜິດກົດໝາຍ ຄວນແກ້ໄຂດ້ວຍການກວດກາແລະປ້ອງກັນໄປພ້ອມກັນ, ຈີນຍິນດີຮ່ວມກັບປະຊາຄົມໂລກ,ສືບຕໍ່ທຳຄວາມພະຍາຍາມຢ່າງບໍ່ລົດລະເພື່ອຊຸກຍູ້ການແກ້ໄຂບັນຫາກ່ຽວກັບການຄ້າອາວຸດຂະໜາດເບົາຢ່າງຜິດກົດໝາຍ. ພ້ອມດຽວກັນ,ທ່ານຫຼິວເຈຢີ່ກ່າວເນັ້ນວ່າ, ການຕໍ່ຕ້ານການຄ້າອາວຸດຂະໜາດເບົາຢ່າງຜິດກົດໝາຍຄວນເສີມຂະຫຍາຍບົດບາດຂອງອົງການສະຫະປະຊາຊາດທີ່ເປັນຊ່ອງທາງຕົ້ນຕໍ, ເພີ່ມທະວີການຮ່ວມມືສາກົນ, ລັດຖະບານຂອງປະເທດຕ່າງໆຄວນເພີ່ມທະວີການສ້າງຄວາມສາມາດໃນດ້ານນີ້.
ທ່ານຫຼິວເຈຢີ່ກ່າວວ່າ, ລັດຖະບານຈີນເດັດດ່ຽວຄັດຄ້ານການຄ້າອາວຸດຂະໜາດເບົາຢ່າງຜິດກົດໝາຍຕະຫຼອດມາ, ຈີນເຂົ້າໃຈແລະເຫັນໃຈຢ່າງສຸດຊຶ້ງຕໍ່ຄວາມເປັນຫ່ວງຂອງປະເທດແລະເຂດແຄວ້ນທີ່ກ່ຽວຂ້ອງ. ຫຼາຍປີຜ່ານມາ, ຈີນໄດ້ຕັ້ງໜ້າເຂົ້າຮ່ວມການຮ່ວມມືສາກົນທີ່ກ່ຽວຂ້ອງຕະຫຼອດມາ, ແລະເພີ່ມທະວີການຄຸ້ມຄອງພາຍໃນປະເທດຊຶ່ງໄດ້ປະກອບສ່ວນໃນການຕໍ່ຕ້ານການຄ້າອາວຸດຂະໜາດເບົາຢ່າງຜິດກົດໝາຍຢ່າງແທ້ຈິງ.
ທ່ານຫຼິວເຈຢີ່ກ່າວວ່າ, ລັດຖະບານຈີນເດັດດ່ຽວຄັດຄ້ານການຄ້າອາວຸດຂະໜາດເບົາຢ່າງຜິດກົດໝາຍຕະຫຼອດມາ, ຈີນເຂົ້າໃຈແລະເຫັນໃຈຢ່າງສຸດຊຶ້ງຕໍ່ຄວາມເປັນຫ່ວງຂອງປະເທດແລະເຂດແຄວ້ນທີ່ກ່ຽວຂ້ອງ. ຫຼາຍປີຜ່ານມາ, ຈີນໄດ້ຕັ້ງໜ້າເຂົ້າຮ່ວມການຮ່ວມມືສາກົນທີ່ກ່ຽວຂ້ອງຕະຫຼອດມາ, ແລະເພີ່ມທະວີການຄຸ້ມຄອງພາຍໃນປະເທດຊຶ່ງໄດ້ປະກອບສ່ວນໃນການຕໍ່ຕ້ານການຄ້າອາວຸດຂະໜາດເບົາຢ່າງຜິດກົດໝາຍຢ່າງແທ້ຈິງ.
