ຈີນແລະອາຊຽນຈະເພີ່ມທະວີການປະສານງານແລະການຮ່ວມມືໃນດ້ານການຄວບຄຸມແລະປາບປາມຢາເສບຕິດ
(GMT+08:00) 2013-09-27 12:03:50 cri
ກອງປະຊຸມປະສານງານດ້ານການຄວບຄຸມແລະປາບປາມຢາເສບຕິດອາຊຽນ-ຈີນໄດ້ຈັດຂຶ້ນຢູ່ນະຄອນຢາງກຸ້ງຂອງມຽນມາໃນວັນທີ 26 ກັນຍານີ້. ເຈົ້າໜ້າທີ່ດ້ານການຄວບຄຸມແລະປາບປາມຢາເສບຕິດຂອງຈີນແລະອາຊຽນກ່າວວ່າຄວນເພີ່ມທະວີການປະສານງານແລະການຮ່ວມມືໃນດ້ານການຄວບຄຸມແລະປາບປາມຢາເສບຕິດຢ່າງບໍ່ຢຸດຢັ້ງ.
ທ່ານເວີ້ຍສຽວຈຸ່ນ ຮອງເລຂາທິການໃຫຍ່ຄະນະກຳມະການຄວບຄຸມແລະປາບປາມຢາເສບຕິດແຫ່ງຊາດຈີນໄດ້ກ່າວຄຳປາໄສໃນກອງປະຊຸມໂດຍກ່າວວ່າ, ຈີນໄດ້ເອົາໃຈໃສ່ ສະໜັບສະໜູນແລະຕັ້ງໜ້າເຂົ້າຮ່ວມການຮ່ວມມືດ້ານການຄວບຄຸມແລະປາບປາມຢາເສບຕິດລະຫວ່າງຈີນ-ອາຊຽນມາໂດຍຕະຫຼອດ. ປີ 2012 ຈີນໄດ້ສືບຕໍ່ຮັກສາການພົວພັນຮ່ວມມືດ້ານການຄວບຄຸມແລະປາບປາມຢາເສບຕິດກັບປະເທດອາຊຽນຄື: ມຽນມາ ລາວ ໄທ ຫວຽດນາມແລະກຳປູເຈຍເປັນຢ່າງດີ. ລັດຖະບານຈີນຍັງໄດ້ຮ່ວມກັບ 3 ປະເທດລາວ ມຽນມາ ແລະໄທໃນການຊຸກຍູ້ການພັດທະນາກົນໄກຮ່ວມມືດ້ານການປະຕິບັດກົດໝາຍຢູ່ເຂດລ້ອງແມ່ນ້ຳຂອງ, ໄດ້ທຳລາຍກຸ່ມຄ້າຂາຍຢາເສບຕິດໜໍ່ຄຳ, ໄດ້ລິເລີ່ມແລະດຳເນີນການເຄື່ອນໄຫວປາບປາມຢາເສບຕິດຮ່ວມ "ເຮັດໃຫ້ທາງເດີນເຮືອມີຄວາມສະຫງົບປອດໄພ"ຢູ່ເຂດລ້ອງແມ່ນ້ຳຂອງ, ໄດ້ໂຈມຕີກຸ່ມກໍ່ອາຊະຍາກຳຂ້າມຊາດທີ່ຕິດພັນກັບຢາເສບຕິດຢ່າງແຂງແຮງ.
ໃນກອງປະຊຸມວຽກງານໂຈມຕີຜູ້ກໍ່ອາຊະຍາກຳທີ່ຕິດພັນກັບຢາເສບຕິດລະຫວ່າງອາຊຽນກັບຈີນ ຍີ່ປຸ່ນ ແລະ ສ.ເກົາຫຼີທີ່ຈັດຂຶ້ນໃນວັນທີ 26 ກັນຍານີ້, ທ່ານເວີ້ຍສຽວຈຸ່ນກ່າວເນັ້ນວ່າ, ຈີນໄດ້ເອົາໃຈໃສ່ຕໍ່ວຽກງານຄວບຄຸມການຜະລິດຢາເສບຕິດມາໂດຍຕະຫຼອດ, ປະຕິບັດມາດຕະການຕິດຕາມຄຸ້ມຄອງການບໍລິຫານຕ່າງໆຢ່າງເຄັ່ງຄັດ, ພະຍາຍາມປ້ອງກັນບໍ່ໃຫ້ວັດຖຸເຄມີທີ່ໃຊ້ໃນການຜະລິດຢາເສບຕິດໄດ້ງ່າຍຈໍລະຈອນເຂົ້າສູ່ຊ່ອງທາງທີ່ບໍ່ສອດຄ່ອງກັບກົດໝາຍ. ທ່ານກ່າວວ່າ, ຈີນຍິນດີຮ່ວມກັບບັນດາປະເທດອາຊຽນ ສ.ເກົາຫຼີແລະຍີ່ປຸ່ນເພີ່ມທະວີການຮ່ວມມືດ້ານການປະຕິບັດກົດໝາຍໃນການຄວບຄຸມແລະສະກັດກັ້ນ.
ທ່ານເວີ້ຍສຽວຈຸ່ນ ຮອງເລຂາທິການໃຫຍ່ຄະນະກຳມະການຄວບຄຸມແລະປາບປາມຢາເສບຕິດແຫ່ງຊາດຈີນໄດ້ກ່າວຄຳປາໄສໃນກອງປະຊຸມໂດຍກ່າວວ່າ, ຈີນໄດ້ເອົາໃຈໃສ່ ສະໜັບສະໜູນແລະຕັ້ງໜ້າເຂົ້າຮ່ວມການຮ່ວມມືດ້ານການຄວບຄຸມແລະປາບປາມຢາເສບຕິດລະຫວ່າງຈີນ-ອາຊຽນມາໂດຍຕະຫຼອດ. ປີ 2012 ຈີນໄດ້ສືບຕໍ່ຮັກສາການພົວພັນຮ່ວມມືດ້ານການຄວບຄຸມແລະປາບປາມຢາເສບຕິດກັບປະເທດອາຊຽນຄື: ມຽນມາ ລາວ ໄທ ຫວຽດນາມແລະກຳປູເຈຍເປັນຢ່າງດີ. ລັດຖະບານຈີນຍັງໄດ້ຮ່ວມກັບ 3 ປະເທດລາວ ມຽນມາ ແລະໄທໃນການຊຸກຍູ້ການພັດທະນາກົນໄກຮ່ວມມືດ້ານການປະຕິບັດກົດໝາຍຢູ່ເຂດລ້ອງແມ່ນ້ຳຂອງ, ໄດ້ທຳລາຍກຸ່ມຄ້າຂາຍຢາເສບຕິດໜໍ່ຄຳ, ໄດ້ລິເລີ່ມແລະດຳເນີນການເຄື່ອນໄຫວປາບປາມຢາເສບຕິດຮ່ວມ "ເຮັດໃຫ້ທາງເດີນເຮືອມີຄວາມສະຫງົບປອດໄພ"ຢູ່ເຂດລ້ອງແມ່ນ້ຳຂອງ, ໄດ້ໂຈມຕີກຸ່ມກໍ່ອາຊະຍາກຳຂ້າມຊາດທີ່ຕິດພັນກັບຢາເສບຕິດຢ່າງແຂງແຮງ.
ໃນກອງປະຊຸມວຽກງານໂຈມຕີຜູ້ກໍ່ອາຊະຍາກຳທີ່ຕິດພັນກັບຢາເສບຕິດລະຫວ່າງອາຊຽນກັບຈີນ ຍີ່ປຸ່ນ ແລະ ສ.ເກົາຫຼີທີ່ຈັດຂຶ້ນໃນວັນທີ 26 ກັນຍານີ້, ທ່ານເວີ້ຍສຽວຈຸ່ນກ່າວເນັ້ນວ່າ, ຈີນໄດ້ເອົາໃຈໃສ່ຕໍ່ວຽກງານຄວບຄຸມການຜະລິດຢາເສບຕິດມາໂດຍຕະຫຼອດ, ປະຕິບັດມາດຕະການຕິດຕາມຄຸ້ມຄອງການບໍລິຫານຕ່າງໆຢ່າງເຄັ່ງຄັດ, ພະຍາຍາມປ້ອງກັນບໍ່ໃຫ້ວັດຖຸເຄມີທີ່ໃຊ້ໃນການຜະລິດຢາເສບຕິດໄດ້ງ່າຍຈໍລະຈອນເຂົ້າສູ່ຊ່ອງທາງທີ່ບໍ່ສອດຄ່ອງກັບກົດໝາຍ. ທ່ານກ່າວວ່າ, ຈີນຍິນດີຮ່ວມກັບບັນດາປະເທດອາຊຽນ ສ.ເກົາຫຼີແລະຍີ່ປຸ່ນເພີ່ມທະວີການຮ່ວມມືດ້ານການປະຕິບັດກົດໝາຍໃນການຄວບຄຸມແລະສະກັດກັ້ນ.
