ທ່ານຈ່າງເຕີ໋ຈ່ຽງພົບປະທ່ານຈູມມະລີ ໄຊຍະສອນ
ວັນທີ 27 ສິງຫານີ້, ຢູ່ຫໍຮັບແຂກເມືອງຕ້ຽວອີທາຍ, ທ່ານຈ່າງເຕີ໋ຈ່ຽງກຳມະການປະຈຳກົມການເມືອງສູນກາງພັກກອມມູນິດຈີນ,ປະທານສະພາປະຊາຊົນແຫ່ງຊາດຈີນໄດ້ພົບປະທ່ານຈູມມະລີ ໄຊຍະສອນ ເລຂາທິການໃຫຍ່ສູນກອງພັກປະຊາຊົນປະຕິວັດລາວ,ປະທານປະເທດລາວ.
ທ່ານຈ່າງເຕີ໋ຈ່ຽງກ່າວວ່າ, ຈີນ ກັບ ລາວເຄົາລົບເຊິ່ງກັນແລະກັນ, ໄວ້ເນື້ອເຊື່ອໃຈເຊິ່ງກັນແລະກັນ, ແລະສະໜັບສະໜູນເຊິ່ງກັນແລະກັນ, ພາຍໃຕ້ຄວາມພະຍາຍາມຮ່ວມຂອງສອງຝ່າຍ, ການພົວພັນລະຫວ່າງສອງພັກສອງລັດໄດ້ຮັກສາທ່ວງທ່າພັດະທະນາທີ່ປອດໄສ. ເລັງໃສ່ໄລຍະປັດຈຸບັນ, ມຸ້ງໜ້າໄປສູ່ອະນາຄົດ, ການເພິ່ມທະວີຄວາມສາມັກຄີ ແລະ ການຮ່ວມມືລະຫວ່າງສອງພັກສອງລັດຕື່ມອີກແມ່ນສຳຄັນເປັນພິເສດ. ການພົວພັນລະຫວ່າງສະພາປະຊາຊົນແຫ່ງຊາດຈີນ ກັບ ສະພາແຫ່ງຊາດລາວມີໄມຕີຈິດ ແລະ ສະໜິດສະໜົມ ແລະ ມີການຮ່ວມມືອັນກວ້າງຂວາງ ແລະ ເລິກເຊິ່ງ, ຫວັງວ່າສະພາສອງປະເທດສາມາດຕັ້ງໜ້າຈັດຕັ້ງປະຕິບັດຄວາມຮັບຮູ້ຄືກັນອັນສຳຄັນທີ່ສອງພັກສອງລັດໄດ້ກ້າວເຖິງຂັ້ນຕົກລົງກັນເທື່ອນີ້, ເປີດກວ້າງເນື້ອໃນການແລກປ່ຽນ, ຍົກສູງປະສິດທິພາບຂອງການຮ່ວມມື, ຊຸກຍູ້ການພົວພັນໝູ່ຄູ່ຮ່ວມມືຍຸດທະສາດຮອບດ້ານລະຫວ່າງຈີນ ກັບ ລາວຂະຫຍາຍໄປສູ່ຂົງເຂດທີ່ກວ້າງຂວາງກວ່າເກົ່າ, ວັກຕອນທີ່ເລິກເຊິ່ງກວ່າເກົ່າ ແລະ ລະດັບທີ່ສູງກວ່າເກົ່າ.
ທ່ານຈູມມະລີ ໄຊຍະສອນກ່າວວ່າ, ການຢ້ຽມຢາມເທື່ອນີ້ໄດ້ຮັບຜົນງານອັນອຸດົມສົມບູນ, ໄດ້ເສີມພະລັງແຮ່ງອັນໃຫຍ່ຫຼວງໃສ່ການພົວພັນລາວ-ຈີນ. ສະພາແຫ່ງຊາດລາວຍິນດີລົງເລິກການແລກປ່ຽນ ແລະ ການຮ່ວມມືກັບສະພາປະຊາຊົນແຫ່ງຊາດຈີນຢ່າງຮອບດ້ານ.
