ລັດຖະມົນຕີການຕ່າງປະເທດອາເມລິກາອວຍພອນວັນຊາດຈີນ
ເນື່ອງໃນໂອກາດວັນສ້າງຕັ້ງສາທາລະນະລັດປະຊາຊົນຈີນຄົບຮອບ 64 ປີຈະມາເຖິງນີ້, ວັນທີ 27 ກັນຍານີ້, ທ່ານຈອນ ເກຣີ ລັດຖະມົນຕີວ່າການກະຊວງການຕ່າງປະເທດອາເມລິກາໄດ້ເປີດເຜີຍອວຍພອນ, ຕາງໜ້າທ່ານປະທານາທິບໍດີມາຣັກ ໂອບາມາ ແລະ ປະຊາຊົນອາເມລິກາສະແດງ "ຄວາມອວຍພອນອັນດີງາມທີ່ສຸດ" ໄປຍັງປະຊາຊົນຈີນ. ທ່ານຍັງໄດ້ຍ້ອງຍໍວ່າ, ແຕ່ປີນີ້ເປັນຕົ້ນມາທັງສອງປະເທດ,ຈີນ ກັບ ອາເມລິກາໄດ້ທຳຄວາມພະຍາຍາມເພື່ອເປີດກວ້າງ "ການຮ່ວມມືອັນຕັ້ງໜ້າ ແລະ ຮອບດ້ານ".
ທ່ານເກຣີກ່າວວ່າ, ນັບແຕ່ທ່ານຣີຊາດ ມີຮູສ໌ ນີກເຊີຢ້ຽມຢາມຈີນໃນ 41 ປີກ່ອນມານີ້, ການພົວພັນອາເມລິກາ-ຈີນໄດ້ຮັບການຂະຫຍາຍຕົວທີ່ມີຄວາມໝາຍປະຫວັດສາດ. ສອງປະເທດພ້ອມກັນພະຍາຍາມສ້າງການພົວພັນທີ່ສຸກງອມ, ເພື່ອຮັບປະກັນເສດຖະກິດຈະເລີນຮຸ່ງເຮືອງບໍ່ແມ່ນເກມສ໌ແບບຝ່າຍໃດໜຶ່ງເສຍປຽບ(Zero-sum Game), "ຈີນທີ່ຈະເລີນຮຸ່ງເຮືອງມີຜົນດີຕໍ່ອາເມລິກາ, ອາເມລິກາທີ່ຈະເລີນຮຸ່ງເຮືອງກໍ່ມີຜົນດີຕໍ່ຈີນເຊັນກັນ".
