ລັດຖະມົນຕີການຕ່າງປະເທດຈີນແລະອາເມລິກາໄດ້ພົບປະເຈລະຈາກັນ
(GMT+08:00) 2013-09-28 14:07:34 cri
ຕາມຂ່າວCRI, ວັນທີ27ກັນຍານີ້, ຢູ່ນະຄອນຫຼວງປັກກິ່ງ, ທ່ານຮົງເຫຼີຍ ໂຄສົກກະຊວງການຕ່າງປະເທດຈີນກ່າວວ່າ, ໃນໄລຍະທີ່ທ່ານວາງອີ້ ລັດຖະມົນຕີວ່າການກະຊວງການຕ່າງປະເທດຈີນເຂົ້າຮ່ວມກອງປະຊຸມໃຫຍ່ສະຫະປະຊາຊາດ, ທ່ານໄດ້ພົບປະເຈລະຈາກັບທ່ານຈອນ ເກຣີ ລັດຖະມົນຕີວ່າການກະຊວງການຕ່າງປະເທດອາເມລິກາຕາມການສະເໜີໃນວັນທີ26ກັນຍານີ້, ສອງຝ່າຍໄດ້ແລກປ່ຽນຄວາມເຫັນຢ່າງກົງໄປກົງມາ, ຕິດແທດຕົວຈິງແລະມີລັກສະນະສ້າງສັນ ຕໍ່ບັນຫາຊີຣີ, ບັນຫານິວເຄຼຍຂອງແຫຼມເກົາຫຼີ, ບັນຫານິວເຄຼຍອີຣານແລະບັນຫາທະເລຈີນໃຕ້.
ໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນ, ທ່ານຮົງເຫຼີຍກ່າວວ່າ, ໃນການພົບປະຄັ້ງນີ້, ກ່ຽວກັບບັນຫາຊີຣີ, ສອງຝ່າຍລ້ວນແຕ່ຫວັງໃຫ້ສະພາຄວາມໝັ້ນຄົງສະຫະປະຊາຊາດສາມາດຜ່ານມະຕິກ່ຽວກັບບັນຫາອາວຸດເຄມີຂອງຊີຣີໂດຍໄວ, ແລະກ່າວເນັ້ນວ່າ, ຄວນປົກປັກຮັກສາຄວາມສາມັກຄີຂອງສະພາຄວາມໝັ້ນຄົງ. ຝ່າຍຈີນຍິນດີສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນເພື່ອເລື່ອງນີ້, ແລະໄດ້ເນັ້ນໜັກເຖິງຄວາມສຳຄັນຂອງການແກ້ໄຂບັນຫາຊີຣີໂດຍທາງການເມືອງ. ໃນບັນຫານິວເຄຼຍຂອງແຫຼມເກົາຫຼີ, ສອງຝ່າຍລ້ວນແຕ່ພະຍາຍາມເພື່ອເຮັດໃຫ້ແຫຼມເກົາຫຼີປອດນິວເຄຼຍ, ປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ. ຝ່າຍຈີນເຫັນວ່າ, ຄວາມເອົາໃຈໃສ່ທີ່ສົມເຫດສົມຜົນຂອງສປປເກົາຫຼີຄວນໄດ້ຮັບການແກ້ໄຂ, ຫວັງໃຫ້ອາເມລິກາຈົ່ງມີການຕິດຕໍ່ພົວພັນຫຼາຍກວ່າເກົ່າກັບສປປເກົາຫຼີ. ມີແຕ່ບັນດາຝ່າຍລ້ວນແຕ່ປະຕິບັດຕາມຖະແຫຼງການຮ່ວມ19ກັນຍາ, ປະຕິບັດຕາມພັນທະແລະໜ້າທີ່ຂອງໃຜລາວ, ບັນຫານິວເຄຼຍແຫຼມເກົາຫຼີຈິ່ງຈະໄດ້ຮັບການແກ້ໄຂຢ່າງແທ້ຈິງ.
ໃນການພົບປະ, ຝ່າຍຈີນຍັງໄດ້ບັນຍາຍຄວາມເຫັນຂອງຈີນທີ່ມີຕໍ່ບັນຫານິວເຄຼຍອີຣານໃນປັດຈຸບັນ, ຫວັງໃຫ້ຝ່າຍຕ່າງໆຈົ່ງກຳໂອກາດໃນປັດຈຸບັນ. ໃນບັນຫາທະເລຈີນໃຕ້, ຝ່າຍຈີນຫວັງໃຫ້ຝ່າຍອາເມລິກາຈົ່ງພິຈາລະນາແລະຊຳລະແກ້ໄຂບັນຫາທີ່ກ່ຽວຂ້ອງຢ່າງທ່ຽງທຳ, ຢ່າມີຄວາມເວົ້າແລະການກະທຳໃດໆທີ່ອາດຈະພາໃຫ້ຄວາມຂັດແຍ່ງຮຸນແຮງຂຶ້ນຫຼືເຮັດໃຫ້ສະພາບການດຸເດືອດຂຶ້ນ.
ໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນ, ທ່ານຮົງເຫຼີຍກ່າວວ່າ, ໃນການພົບປະຄັ້ງນີ້, ກ່ຽວກັບບັນຫາຊີຣີ, ສອງຝ່າຍລ້ວນແຕ່ຫວັງໃຫ້ສະພາຄວາມໝັ້ນຄົງສະຫະປະຊາຊາດສາມາດຜ່ານມະຕິກ່ຽວກັບບັນຫາອາວຸດເຄມີຂອງຊີຣີໂດຍໄວ, ແລະກ່າວເນັ້ນວ່າ, ຄວນປົກປັກຮັກສາຄວາມສາມັກຄີຂອງສະພາຄວາມໝັ້ນຄົງ. ຝ່າຍຈີນຍິນດີສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນເພື່ອເລື່ອງນີ້, ແລະໄດ້ເນັ້ນໜັກເຖິງຄວາມສຳຄັນຂອງການແກ້ໄຂບັນຫາຊີຣີໂດຍທາງການເມືອງ. ໃນບັນຫານິວເຄຼຍຂອງແຫຼມເກົາຫຼີ, ສອງຝ່າຍລ້ວນແຕ່ພະຍາຍາມເພື່ອເຮັດໃຫ້ແຫຼມເກົາຫຼີປອດນິວເຄຼຍ, ປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີ. ຝ່າຍຈີນເຫັນວ່າ, ຄວາມເອົາໃຈໃສ່ທີ່ສົມເຫດສົມຜົນຂອງສປປເກົາຫຼີຄວນໄດ້ຮັບການແກ້ໄຂ, ຫວັງໃຫ້ອາເມລິກາຈົ່ງມີການຕິດຕໍ່ພົວພັນຫຼາຍກວ່າເກົ່າກັບສປປເກົາຫຼີ. ມີແຕ່ບັນດາຝ່າຍລ້ວນແຕ່ປະຕິບັດຕາມຖະແຫຼງການຮ່ວມ19ກັນຍາ, ປະຕິບັດຕາມພັນທະແລະໜ້າທີ່ຂອງໃຜລາວ, ບັນຫານິວເຄຼຍແຫຼມເກົາຫຼີຈິ່ງຈະໄດ້ຮັບການແກ້ໄຂຢ່າງແທ້ຈິງ.
ໃນການພົບປະ, ຝ່າຍຈີນຍັງໄດ້ບັນຍາຍຄວາມເຫັນຂອງຈີນທີ່ມີຕໍ່ບັນຫານິວເຄຼຍອີຣານໃນປັດຈຸບັນ, ຫວັງໃຫ້ຝ່າຍຕ່າງໆຈົ່ງກຳໂອກາດໃນປັດຈຸບັນ. ໃນບັນຫາທະເລຈີນໃຕ້, ຝ່າຍຈີນຫວັງໃຫ້ຝ່າຍອາເມລິກາຈົ່ງພິຈາລະນາແລະຊຳລະແກ້ໄຂບັນຫາທີ່ກ່ຽວຂ້ອງຢ່າງທ່ຽງທຳ, ຢ່າມີຄວາມເວົ້າແລະການກະທຳໃດໆທີ່ອາດຈະພາໃຫ້ຄວາມຂັດແຍ່ງຮຸນແຮງຂຶ້ນຫຼືເຮັດໃຫ້ສະພາບການດຸເດືອດຂຶ້ນ.
