ຈີນສົ່ງກອງຕຳຫຼວດປ້ອງກັນຄວາມຮຸນແຮງຮັກສາສັນຕິພາບໄປປະຕິບັດໜ້າທີ່ຢູ່ອາຟິຼກກາເປັນຄັ້ງທຳອິດ
(GMT+08:00) 2013-09-30 14:32:34 cri
ໂດຍຕອບສະໜອງຕາມການຮ້ອງຂໍຈາກອົງການສະຫະປະຊາຊາດ, ລັດຖະບານຈີນຈະສົ່ງກອງຕຳຫຼວດປ້ອງກັນຄວາມຮຸນແຮງຮັກສາສັນຕິພາບຈຳນວນ 140 ຄົນໄປເຂດປະຕິບັດໜ້າທີ່ຂອງອົງການສະຫະປະຊາຊາດປະຈຳຢູ່ລີບີໃນອະນາຄົດໃກ້ໆນີ້. ຕອນຮຸ່ງເຊົ້າວັນທີ 30 ກັນຍານີ້, ກອງນຳໜ້າໄດ້ອອກເດີນທາງຈາກສະໜາມບິນສາກົນນະຄອນຫຼວງປັກກິ່ງ. ນີ້ແມ່ນເທື່ອທຳອິດທີ່ຈີນສົ່ງກອງຕຳຫຼວດປ້ອງກັນຄວາມຮຸນແຮງຮັກສາສັນຕິພາບໄປປະຕິບັດໜ້າທີ່ຢູ່ອາຟິຼກກາ.
ກອງນຳໜ້າມີທັງໝົດ 14 ຄົນ,ຊຶ່ງປະກອບມີຮອງຫົວໜ້າກອງປ້ອງກັນຄວາມຮຸນແຮງ, ເຈົ້າໜ້າທີ່ຕິດຕໍ່ພົວພັນ, ເຈົ້າໜ້າທີ່ພະລາທິການ, ພົນສູ້ຮົບຈຳນວນໜຶ່ງ, ເຈົ້າໜ້າທີ່ການແພດແລະເຈົ້າໜ້າທີ່ຮັບປະກັນວຽກງານພະລາທິການ. ນອກນັ້ນ, ຍັງມີໜ່ວຍຊີ້ນຳກອງຕຳຫຼວດປ້ອງກັນຄວາມຮຸນແຮງຮັກສາສັນຕິພາບຂອງກະຊວງປ້ອງກັນຄວາມສະຫງົບກໍ່ໄດ້ຕິດຕາມກອງນຳໜ້າເດີນທາງໄປອາຟິຼກກາໃນຄັ້ງນີ້. ພາຍຫຼັງກອງນຳໜ້າເດີນທາງໄປເຂດປະຕິບັດໜ້າທີ່ຢູ່ລີບີແລ້ວ, ຕົ້ນຕໍຈະຮັບຜິດຊອບວຽກງານຕ່າງໆເປັນຕົ້ນແມ່ນຮັບເອົາເຄື່ອງຂອງແລະອຸປະກອບຮັກສາສັນຕິພາບ, ສ້ອມແປງຄ້າຍທະຫານ, ແລະການສື່ສານພົວພັນກັບພາຍນອກເຫຼົ່ານີ້ເປັນຕົ້ນ,ເພື່ອສ້າງພື້ນຖານທີ່ດີໃຫ້ແກ່ກອງຕຳຫຼວດປ້ອງກັນຄວາມຮຸນແຮງຮັກສາສັນຕິພາບທີ່ຈະເຂົ້າປະຈຳການຢູ່ເຂດປະຕິບັດໜ້າທີ່ໃນອະນາຄົດ.
ກອງຕຳຫຼວດປ້ອງກັນຄວາມຮຸນແຮງຮັກສາສັນຕິພາບກອງທຳອິດຈະອອກເດີນທາງໄປເຂດປະຕິບັດໜ້າທີ່ຢູ່ລີບີໃນບໍ່ເທົ່າໃດມື້ຂ້າງໜ້ານີ້.
ກອງນຳໜ້າມີທັງໝົດ 14 ຄົນ,ຊຶ່ງປະກອບມີຮອງຫົວໜ້າກອງປ້ອງກັນຄວາມຮຸນແຮງ, ເຈົ້າໜ້າທີ່ຕິດຕໍ່ພົວພັນ, ເຈົ້າໜ້າທີ່ພະລາທິການ, ພົນສູ້ຮົບຈຳນວນໜຶ່ງ, ເຈົ້າໜ້າທີ່ການແພດແລະເຈົ້າໜ້າທີ່ຮັບປະກັນວຽກງານພະລາທິການ. ນອກນັ້ນ, ຍັງມີໜ່ວຍຊີ້ນຳກອງຕຳຫຼວດປ້ອງກັນຄວາມຮຸນແຮງຮັກສາສັນຕິພາບຂອງກະຊວງປ້ອງກັນຄວາມສະຫງົບກໍ່ໄດ້ຕິດຕາມກອງນຳໜ້າເດີນທາງໄປອາຟິຼກກາໃນຄັ້ງນີ້. ພາຍຫຼັງກອງນຳໜ້າເດີນທາງໄປເຂດປະຕິບັດໜ້າທີ່ຢູ່ລີບີແລ້ວ, ຕົ້ນຕໍຈະຮັບຜິດຊອບວຽກງານຕ່າງໆເປັນຕົ້ນແມ່ນຮັບເອົາເຄື່ອງຂອງແລະອຸປະກອບຮັກສາສັນຕິພາບ, ສ້ອມແປງຄ້າຍທະຫານ, ແລະການສື່ສານພົວພັນກັບພາຍນອກເຫຼົ່ານີ້ເປັນຕົ້ນ,ເພື່ອສ້າງພື້ນຖານທີ່ດີໃຫ້ແກ່ກອງຕຳຫຼວດປ້ອງກັນຄວາມຮຸນແຮງຮັກສາສັນຕິພາບທີ່ຈະເຂົ້າປະຈຳການຢູ່ເຂດປະຕິບັດໜ້າທີ່ໃນອະນາຄົດ.
ກອງຕຳຫຼວດປ້ອງກັນຄວາມຮຸນແຮງຮັກສາສັນຕິພາບກອງທຳອິດຈະອອກເດີນທາງໄປເຂດປະຕິບັດໜ້າທີ່ຢູ່ລີບີໃນບໍ່ເທົ່າໃດມື້ຂ້າງໜ້ານີ້.
