ລັດຖະມົນຕີການຄ້າຈີນກ່າວວ່າ, ການກໍ່ສ້າງເຂດທົດລອງການຄ້າເສລີຊຽງໄຮຈະສາມາດຍົກລະດັບການໄຂປະຕູສູ່ພາຍນອກຂອງຈີນໃຫ້ສູງຂຶ້ນ
(GMT+08:00) 2013-09-30 14:40:46 cri
ວັນທີ 29 ກັນຍານີ້, ໃນພິທີເປີດເຂດການຄ້າເສລີຊຽງໄຮ, ທ່ານກ່າວຫູ້ເສິງ ລັດຖະມົນຕີວ່າການກະຊວງການຄ້າຈີນກ່າວວ່າ, ການກໍ່ສ້າງເຂດທົດລອງການຄ້າເສລີຈີນຈະສົ່ງຜົນສະທ້ອນຕໍ່ສະພາບການໄຂປະຕູສູ່ພາຍນອກຂອງຈີນຈາກດ້ານຕ່າງໆເຊັ່ນ ການເປີດກວ້າງເປີດຂະແໜງການບໍລິການສູ່ພາຍນອກ, ການປະຕິຮູບລະບົບຄຸ້ມຄອງບໍລິຫານແລະອື່ນໆ,ຊຶ່ງເປັນການຍົກລະດັບການໄຂປະຕູສູ່ພາຍນອກຂອງຈີນໃຫ້ສູງຂຶ້ນ.
ທ່ານກ່າວຫູ້ເສິງຊີ້ອອກວ່າ, ການເລືອກຊຽງໄຮເປັນຈຸດສຸມຂອງເຂດທົດລອງການຄ້າເສລີຈີນແມ່ນໄດ້ພິຈາລະນາເຖິງສາເຫດຕ່າງໆເປັນຕົ້ນແມ່ນພື້ນຖານແຫ່ງການໄຂປະຕູສູ່ພາຍນອກ,ແລະທ່າແຮງດ້ານທີ່ຕັ້ງພູມສາດຂອງຊຽງໄຮ້. ຄະນະກຳມະການປະຈຳສະພາປະຊາຊົນແຫ່ງຊາດຈີນໄດ້ມອບສິດໃຫ້ຄະນະລັດຖະບານຈີນຍຸຕິການພິຈາລະນາອະນຸມັດໂຄງການຕາມລະບຽບກົດໝາຍທີ່ກ່ຽວຂ້ອງຢູ່ເຂດທົດລອງການຄ້າເສລີຊຽງໄຮ. ນະຄອນຊຽງໄຮກໍ່ຈະຜ່ານຈາກການສ້າງກົດໝາຍທ້ອງຖິ່ນເພື່ອສ້າງລະບຽບການຄຸ້ມຄອງເຂດທົດລອງທີ່ສອດຄ່ອງກັບຄວາມຮຽກຮ້ອງຕ້ອງການຂອງວຽກງານຈຸດສຸມ.
ທ່ານກ່າວຫູ້ເສິງກ່າວວ່າ, ກະຊວງການຄ້າຈີນຈະຮ່ວມກັບພາກສ່ວນທີ່ກ່ຽວຂ້ອງຂອງຄະນະລັດຖະບານ, ສືບຕໍ່ສະໜັບສະໜູນການກໍ່ສ້າງເຂດທົດລອງການຄ້າເສລີຊຽງໄຮ, ຄົ້ນຄວ້າແລະແກ້ໄຂສະພາບການໃໝ່ແລະບັນຫາໃໝ່ທີ່ເກີດຂຶ້ນຢ່າງທັນການ. ເຊື່ອວ່າ, ເຂດທົດລອງຈະສາມາດເປັນເຂດທົດລອງສຳລັບຈີນໃນການຊຸກຍູ້ການປະຕິຮູບແລະຍົກສູງລະດັບການໄຂປະຕູສູ່ພາຍນອກ, ເສີມຂະຫຍາຍບົດບາດເປັນຕົວແບບນຳໜ້າແລະຮັບໃຊ້ທົ່ວປະເທດ, ຊຸກຍູ້ໃຫ້ເຂດແຄວ້ນຕ່າງໆໃນທົ່ວປະເທດພັດທະນາໄປພ້ອມກັນ.
ທ່ານກ່າວຫູ້ເສິງຊີ້ອອກວ່າ, ການເລືອກຊຽງໄຮເປັນຈຸດສຸມຂອງເຂດທົດລອງການຄ້າເສລີຈີນແມ່ນໄດ້ພິຈາລະນາເຖິງສາເຫດຕ່າງໆເປັນຕົ້ນແມ່ນພື້ນຖານແຫ່ງການໄຂປະຕູສູ່ພາຍນອກ,ແລະທ່າແຮງດ້ານທີ່ຕັ້ງພູມສາດຂອງຊຽງໄຮ້. ຄະນະກຳມະການປະຈຳສະພາປະຊາຊົນແຫ່ງຊາດຈີນໄດ້ມອບສິດໃຫ້ຄະນະລັດຖະບານຈີນຍຸຕິການພິຈາລະນາອະນຸມັດໂຄງການຕາມລະບຽບກົດໝາຍທີ່ກ່ຽວຂ້ອງຢູ່ເຂດທົດລອງການຄ້າເສລີຊຽງໄຮ. ນະຄອນຊຽງໄຮກໍ່ຈະຜ່ານຈາກການສ້າງກົດໝາຍທ້ອງຖິ່ນເພື່ອສ້າງລະບຽບການຄຸ້ມຄອງເຂດທົດລອງທີ່ສອດຄ່ອງກັບຄວາມຮຽກຮ້ອງຕ້ອງການຂອງວຽກງານຈຸດສຸມ.
ທ່ານກ່າວຫູ້ເສິງກ່າວວ່າ, ກະຊວງການຄ້າຈີນຈະຮ່ວມກັບພາກສ່ວນທີ່ກ່ຽວຂ້ອງຂອງຄະນະລັດຖະບານ, ສືບຕໍ່ສະໜັບສະໜູນການກໍ່ສ້າງເຂດທົດລອງການຄ້າເສລີຊຽງໄຮ, ຄົ້ນຄວ້າແລະແກ້ໄຂສະພາບການໃໝ່ແລະບັນຫາໃໝ່ທີ່ເກີດຂຶ້ນຢ່າງທັນການ. ເຊື່ອວ່າ, ເຂດທົດລອງຈະສາມາດເປັນເຂດທົດລອງສຳລັບຈີນໃນການຊຸກຍູ້ການປະຕິຮູບແລະຍົກສູງລະດັບການໄຂປະຕູສູ່ພາຍນອກ, ເສີມຂະຫຍາຍບົດບາດເປັນຕົວແບບນຳໜ້າແລະຮັບໃຊ້ທົ່ວປະເທດ, ຊຸກຍູ້ໃຫ້ເຂດແຄວ້ນຕ່າງໆໃນທົ່ວປະເທດພັດທະນາໄປພ້ອມກັນ.
