ເກີດເຫດຫຼອນໂຈມຕີມະຫາວິທະຍາໄລແຫ່ງໜຶ່ງຢູ່ພາກຕາເວັນອອກສຽງເໜືອຂອງນີເຊຣີ ມີນັກສຶກສາ 40 ຄົນຖືກຍິງເສຍຊີວິດໃນຂະນະທີ່ຍັງຫຼັບນອນຢູ່
(GMT+08:00) 2013-09-30 14:43:18 cri
ເວລາປະມານ 1 ໂມງ ຂອງວັນທີ 29 ກັນຍານີ້ ຕາມເວລາທ້ອງຖິ່ນ, ກຸ່ມປະກອບອາວຸດທີ່ບໍ່ຊາບຝ່າຍໄດ້ໂຈມຕີວິທະຍາໄລກະສິກຳແຫ່ງໜຶ່ງທີ່ຢູ່ລັດໂຢເບ ທາງພາກຕາເວັນອອກສຽງເໜືອນີເຊຣີ. ຕາມຂ່າວສານທາງການນີເຊຣີແຈ້ງໃຫ້ຊາບວ່າ, ມາຮອດປະຈຸບັນ, ເຫດການໂຈມຕີໃນຄັ້ງນີ້ຢ່າງໜ້ອຍໄດ້ເຮັດໃຫ້ມີນັກສຶກສາເສຍຊີວິດ 40 ຄົນ, ຫຼາຍຄົນໄດ້ຮັບບາດເຈັບ. ຈຳນວນຜູ້ເສຍຊີວິດຍັງອາດຈະເພີ່ມຂຶ້ນຕື່ມອີກ. ພາຍຫຼັງເຫດການໂຈມຕີເກີດຂຶ້ນແລ້ວ, ນັກສຶກສາຈຳນວນຫຼວງຫຼາຍໄດ້ໜີອອກຈາກໂຮງຮຽນ. ຂ່າວຈາກເຈົ້າໜ້າທີ່ທະຫານລັດໂຢເບໃຫ້ຮູ້ວ່າ, ກຸ່ມປະກອບອາວຸດຍັງໄດ້ຈູດເຜົາອາຄານຈຳນວນໜຶ່ງຂອງໂຮງຮຽນດັ່ງກ່າວອີກດ້ວຍ.
ພາຍຫຼັງເຫດການເກີດຂຶ້ນແລ້ວ, ກອງຕີພິເສດປະສົມນີເຊຣີຂອງລັດໂຢເບໄດ້ເດີນທາງໄປໂຮງຮຽນດັ່ງກ່າວເປັນການດ່ວນເພື່ອດຳເນີນການສືບສວນ,ແລະກ່າວວ່າຈະອອກແຮງຈົນສຸດຄວາມສາມາດໃນການນຳຈັບຜູ້ກໍ່ເຫດໃຫ້ໄດ້. ປະຈຸບັນ, ຍັງບໍ່ທັນມີອົງການໃດໆອອກມາອ້າງຄວາມຮັບຜິດຊອບຕໍ່ເຫດການໂຈມຕີໃນຄັ້ງນີ້ເທື່ອ.
ພາຍຫຼັງເຫດການເກີດຂຶ້ນແລ້ວ, ກອງຕີພິເສດປະສົມນີເຊຣີຂອງລັດໂຢເບໄດ້ເດີນທາງໄປໂຮງຮຽນດັ່ງກ່າວເປັນການດ່ວນເພື່ອດຳເນີນການສືບສວນ,ແລະກ່າວວ່າຈະອອກແຮງຈົນສຸດຄວາມສາມາດໃນການນຳຈັບຜູ້ກໍ່ເຫດໃຫ້ໄດ້. ປະຈຸບັນ, ຍັງບໍ່ທັນມີອົງການໃດໆອອກມາອ້າງຄວາມຮັບຜິດຊອບຕໍ່ເຫດການໂຈມຕີໃນຄັ້ງນີ້ເທື່ອ.
