ເຮືອປະມົງ 2 ລຳຂອງແຂວງກວາງຕຸ້ງຈີນຫຼົ້ມລົງຢູ່ເຂດທະເລຊີ່ຊ່າ ຜູ້ນຳຈີນຮຽກຮ້ອງໃຫ້ພະຍາຍາມຈົນສຸດຄວາມສາມາດເພື່ອຊອກຄົ້ນຫາແລະຊ່ວຍເຫຼືອຜູ້ຫາຍສາບສູນແລະຜູ້ປະສົບໄພອື່ນໆ
(GMT+08:00) 2013-09-30 19:34:22 cri
ຕອນຄ່ຳວັນທີ 29 ກັນຍານີ້, ຍ້ອນຖືກຜົນກະທົບຈາກລົມພາຍຸທີ່ຮຸນແຮງຫົວທີ 21 ທີ່ຊື່ວ່າ "ແມງກະເບື້ອ", ເຮືອປະມົງ 5 ລຳຂອງເມືອງໄທຊ່ານແຂວງກວາງຕຸ້ງຈີນໄດ້ປະສົບໄພຢູ່ເຂດທະເລເກາະຫີນປະກາລັງຊີ່ຊ່າແຂວງໄຫຫຼຳ, ຢູ່ເທິງເຮືອມີລູກເຮືອ 171 ຄົນ, ໃນນັ້ນມີເຮືອປະມົງ 2 ລຳໄດ້ຫຼົ້ມລົງກາງທະເລ, ໃນຈຳນວນ 60 ຄົນຢູ່ເທິງເຮືອ 2 ລຳນັ້ນມີ 13 ຄົນໄດ້ຮັບການຊ່ວຍເຫຼືອ, ອີກ 47 ຄົນຫາຍສາບສູນ; ມີເຮືອປະມົງລຳໜຶ່ງຕິດຕໍ່ຫາບໍ່ໄດ້ພົວພັນກັບພາຍນອກ ຊຶ່ງຢູ່ເທິງເຮືອລຳນີ້ມີລູກເຮືອ 28 ຄົນ; ສ່ວນເຮືອປະມົງອີກ 2 ລຳສາມາດຕິດຕໍ່ໄດ້ແລ້ວ ຊຶ່ງຢູ່ເທິງເຮືອ 2 ລຳນີ້ມີລູກເຮືອ 83 ຄົນ ສາມາດຫຼຸດພົ້ນຈາກອັນຕະລາຍໃນເຫດການຄັ້ງນີ້ໄດ້.
ພາຍຫຼັງໄດ້ຮູ້ຂ່າວດັ່ງກ່າວແລ້ວ, ທ່ານສີຈິ້ນຜິງ ເລຂາທິການໃຫຍ່ສູນກາງພັກຄອມມູນິດຈີນ ປະທານປະເທດຈີນ, ປະທານຄະນະກຳມະການການທະຫານສູນກາງຈີນໄດ້ໃຫ້ຄຳຊີ້ນຳທີ່ສຳຄັນໃນກາງຄືນມື້ດຽວກັນ ໂດຍທ່ານໄດ້ຮຽກຮ້ອງໃຫ້ແຂວງກວາງຕຸ້ງ ແຂວງໄຫຫຼຳເລັ່ງລັດຈັດຕັ້ງກຳລັງດ້ານຕ່າງໆທີ່ກ່ຽວຂ້ອງ, ອອກແຮງຈົນສຸດຄວາມສາມາດເພື່ອຊອກຄົ້ນຫາຜູ້ຫາຍສາບສູນແລະຊ່ວຍເຫຼືອຜູ້ປະສົບໄພ, ພະຍາຍາມຈົນສຸດຄວາມສາມາດແລະເຮັດໃຫ້ຈຳນວນຜູ້ເສຍຊີວິດແລະຜູ້ໄດ້ຮັບບາດເຈັບຫຼຸດລົງຮອດຈຳນວນຕ່ຳສຸດ ແລະໃຫ້ກຳລັງໃຈຕໍ່ຄອບຄົວຂອງຜູ້ປະສົບເຄາະຮ້າຍແລະຜູ້ຫາຍສາບສູນ, ພ້ອມທັງຮຽກຮ້ອງໃຫ້ກອງທະຫານທ້ອງຖິ່ນແລະພາກສ່ວນທີ່ກ່ຽວຂ້ອງຂອງສູນກາງຈີນພະຍາຍາມໃຫ້ການຊ່ວຍເຫຼືອ. ນອກນີ້, ທ່ານຫຼີເຄີ້ສຽງ ກຳມະການປະຈຳກົມການເມືອງສູນກາງພັກ ນາຍົກລັດຖະມົນຕີຈີນກໍ່ໄດ້ໃຫ້ຄຳຊີ້ນຳໃນທັນທີ.
ອີງຕາມຄຳຊີ້ນຳຂອງທ່ານສີຈິ້ນຜິງແລະຄຳຮຽກຮ້ອງຂອງທ່ານຫຼີເຄີ້ສຽງ, ແຂວງໄຫຫຼຳ ແຂວງກວາງຕຸ້ງແລະພາກສ່ວນທີ່ກ່ຽວຂ້ອງ ກອງທັບຈີນແລະພາກສ່ວນອື່ນໆໄດ້ຈັດຕັ້ງກອງກຳລັງຕ່າງໆແລະເລີ່ມດຳເນີນການຊອກຄົ້ນຫາແລະຊ່ວຍເຫຼືອຢ່າງວ່ອງໄວ, ກອງກຳລັງຊ່ວຍເຫຼືອຕ່າງໆເຊັ່ນ: ກອງຊ່ວຍເຫຼືອກູ້ໄພເທິງທະເລ ກອງຄຸ້ມຄອງການປະມົງ ກອງຕຳຫຼວດທາງທະເລແລະກອງທັບເຮືອຈີນເປັນຕົ້ນລ້ວນແຕ່ໄດ້ຮີບຮ້ອນເດີນທາງໄປເຂດທະເລທີ່ເກີດເຫດແລະພະຍາຍາມຊ່ວຍເຫຼືອກູ້ໄພຢ່າງຮີບດ່ວນ.
ພາຍຫຼັງໄດ້ຮູ້ຂ່າວດັ່ງກ່າວແລ້ວ, ທ່ານສີຈິ້ນຜິງ ເລຂາທິການໃຫຍ່ສູນກາງພັກຄອມມູນິດຈີນ ປະທານປະເທດຈີນ, ປະທານຄະນະກຳມະການການທະຫານສູນກາງຈີນໄດ້ໃຫ້ຄຳຊີ້ນຳທີ່ສຳຄັນໃນກາງຄືນມື້ດຽວກັນ ໂດຍທ່ານໄດ້ຮຽກຮ້ອງໃຫ້ແຂວງກວາງຕຸ້ງ ແຂວງໄຫຫຼຳເລັ່ງລັດຈັດຕັ້ງກຳລັງດ້ານຕ່າງໆທີ່ກ່ຽວຂ້ອງ, ອອກແຮງຈົນສຸດຄວາມສາມາດເພື່ອຊອກຄົ້ນຫາຜູ້ຫາຍສາບສູນແລະຊ່ວຍເຫຼືອຜູ້ປະສົບໄພ, ພະຍາຍາມຈົນສຸດຄວາມສາມາດແລະເຮັດໃຫ້ຈຳນວນຜູ້ເສຍຊີວິດແລະຜູ້ໄດ້ຮັບບາດເຈັບຫຼຸດລົງຮອດຈຳນວນຕ່ຳສຸດ ແລະໃຫ້ກຳລັງໃຈຕໍ່ຄອບຄົວຂອງຜູ້ປະສົບເຄາະຮ້າຍແລະຜູ້ຫາຍສາບສູນ, ພ້ອມທັງຮຽກຮ້ອງໃຫ້ກອງທະຫານທ້ອງຖິ່ນແລະພາກສ່ວນທີ່ກ່ຽວຂ້ອງຂອງສູນກາງຈີນພະຍາຍາມໃຫ້ການຊ່ວຍເຫຼືອ. ນອກນີ້, ທ່ານຫຼີເຄີ້ສຽງ ກຳມະການປະຈຳກົມການເມືອງສູນກາງພັກ ນາຍົກລັດຖະມົນຕີຈີນກໍ່ໄດ້ໃຫ້ຄຳຊີ້ນຳໃນທັນທີ.
ອີງຕາມຄຳຊີ້ນຳຂອງທ່ານສີຈິ້ນຜິງແລະຄຳຮຽກຮ້ອງຂອງທ່ານຫຼີເຄີ້ສຽງ, ແຂວງໄຫຫຼຳ ແຂວງກວາງຕຸ້ງແລະພາກສ່ວນທີ່ກ່ຽວຂ້ອງ ກອງທັບຈີນແລະພາກສ່ວນອື່ນໆໄດ້ຈັດຕັ້ງກອງກຳລັງຕ່າງໆແລະເລີ່ມດຳເນີນການຊອກຄົ້ນຫາແລະຊ່ວຍເຫຼືອຢ່າງວ່ອງໄວ, ກອງກຳລັງຊ່ວຍເຫຼືອຕ່າງໆເຊັ່ນ: ກອງຊ່ວຍເຫຼືອກູ້ໄພເທິງທະເລ ກອງຄຸ້ມຄອງການປະມົງ ກອງຕຳຫຼວດທາງທະເລແລະກອງທັບເຮືອຈີນເປັນຕົ້ນລ້ວນແຕ່ໄດ້ຮີບຮ້ອນເດີນທາງໄປເຂດທະເລທີ່ເກີດເຫດແລະພະຍາຍາມຊ່ວຍເຫຼືອກູ້ໄພຢ່າງຮີບດ່ວນ.
