ລັດຖະບານຈີນຈັດງານລ້ຽງສະຫຼອງວັນຊາດສປ ຈີນຄົບຮອບ 64 ປີ
ລັດຖະບານຈີນໄດ້ຈັດງານລ້ຽງສະຫຼອງວັນຊາດສປຈີນຄົບຮອບ 64 ປີຢູ່ຫໍສະພາປະຊາຊົນແຫ່ງຊາດຈີນທີ່ນະຄອນຫຼວງປັກກິ່ງໃນຕອນຄ່ຳວັນທີ 30 ກັນຍາແລ້ວນີ້. ທ່ານສີຈີ້ນຜິງ ທ່ານຫຼີເຄີສຽງ ທ່ານຈ່າງເຕີຈ່ຽງ, ທ່ານຢູເຈີ້ງເຊິ່ງ ທ່ານຫຼິວຢຸນຊານ ທ່ານຫວາງສີຊ່ານ ທ່ານຈ່າງກ່າວລີແລະຜູ້ນຳພັກແລະລັດທ່ານອື່ນໆພ້ອມດ້ວຍບຸກຄົນທີ່ມີຊື່ສຽງທັງພາຍໃນແລະຕ່າງປະເທດ 1100 ກວ່າທ່ານໄດ້ເຕົ້າໂຮມກັນຮ່ວມກັນສະເຫຼີມສະຫຼອງວັນສ້າງຕັ້ງສປ ຈີນຄົບຮອບ 64 ປີ.
ທ່ານຫຼີເຄີສຽງ ນາຍົກລັດຖະມົນຕີຈີນກ່າວຄຳປາໃສໃນງານລ້ຽງ
ທ່ານຫຼີເຄີສຽງ ນາຍົກລັດຖະມົນຕີຈີນໄດ້ກ່າວຄຳປາໃສໃນງານລ້ຽງວ່າ, ຈີນຈະກ້າວເດີນໄປຕາມເສັ້ນທາງພັດທະນາໂດຍສັນຕິຢ່າງເດັດດ່ຽວໜຽວແໜ້ນ, ຍຶດໝັ້ນຫຼັກການຕ່າງຝ່າຍຕ່າງໄດ້ຮັບຜົນປະໂຫຍດໃນການຮ່ວມມືສາກົນ, ຍິນດີຮ່ວມກັບປະເທດຕ່າງໆໃນໂລກຊົມໃຊ້ໂອກາດແຫ່ງການພັດທະນາ, ຮ່ວມກັນຮັບມືກັບສິ່ງທ້າທາຍ, ປົກປັກຮັກສາສັນຕິພາບຂອງໂລກແລະສະຖຽນລະພາບຂອງພາກພື້ນ, ຮ່ວມມືກັນສ້າງອະນາຄົດທີ່ດີງາມກວ່າເກົ່າຂອງມວນມະນຸດ.
