ທີ່ປຶກສາການເມືອງສະຖານທູດອິນໂດເນເຊຍປະຈຳຈີນກ່າວວ່າເຊື່ອວ່າການຢ້ຽມຢາມອິນໂດເນເຊຍຂອງທ່ານປະທານສີຈິ້ນຜິງຈະຍົກລະດັບການພົວພັນລະຫວ່າງສອງປະເທດໃຫ້ສູງຂຶ້ນຕື່ມອີກ
(GMT+08:00) 2013-10-02 16:06:10 cri
ໂດຍຕອບສະໜອງຕາມຄຳເຊີນຂອງທ່ານຊູຊີໂລ ບຳບັງ ໂຢໂດໂຢໂນ ປະທານາທິບໍດີອິນໂດເນເຊຍ, ທ່ານສີຈິ້ນຜິງ ປະທານປະເທດຈີນເລີ່ມ ຢ້ຽມຢາມອິນໂດເນເຊຍແຕ່ວັນທີ 2 ຕຸລານີ້ເປັນຕົ້ນໄປ, ແລະຈະເຂົ້າຮ່ວມກອງປະຊຸມບໍ່ເປັນທາງການຂອງຜູ້ນຳອົງການຮ່ວມມືເສດຖະກິດອາຊີປາຊີຟິກຫຼືເອເປັກຄັ້ງທີ 21 ທີ່ຈະຈັດຂຶ້ນຢູ່ເກາະບາຫຼີຂອງອິນໂດເນເຊຍ. ທ່ານຊູເກງ ວາໂຮໂນ ທີ່ປຶກສາການເມືອງຂອງສະຖານທູດອິນໂດເນເຊຍປະຈຳຈີນໄດ້ໃຫ້ສຳພາດຕໍ່ນັກຂ່າວວິທະຍຸCRIວ່າ, ການພັດທະນາຂອງຈີນບໍ່ແມ່ນໄພຂົ່ມຂູ່. ເຊື່ອວ່າ, ການຢ້ຽມຢາມຂອງທ່ານປະທານສີຈິ້ນຜິງໃນຄັ້ງນີ້ຈະສາມາດຍົກລະດັບການພົວພັນລະຫວ່າງອິນໂດເນເຊຍກັບຈີນໃຫ້ສູງຂຶ້ນຕື່ມອີກ, ແລະຊຸກຍູ້ການຮ່ວມມືລະຫວ່າງສອງປະເທດໃນຂົງເຂດຕ່າງໆໃຫ້ໄດ້ຮັບຜົນສຳເລັດຫຼາຍກວ່າເກົ່າ.
ທ່ານຊູເກງ ວາໂຮໂນ ກ່າວວ່າ: ພວກຂ້າພະເຈົ້າບໍ່ຄວນເຂົ້າຫຍຸ້ງໃນເລື່ອງອະດີດ, ເລື່ອງອະດີດໄດ້ກາຍເປັນປະຫວັດສາດແລ້ວ. ປະຈຸບັນ, ຈີນໄດ້ພັດທະນາກາຍເປັນປະເທດເຂັ້ມແຂງໃນດ້ານເສດຖະກິດແລະວິທະຍາສາດເຕັກໂນໂລຊີທີ່ຈະເລີນຮຸ່ງເຮືອງ. ພວກຂ້າພະເຈົ້າບໍ່ຄວນຖືການພັດທະນາຂອງຈີນເປັນໄພຂົ່ມຂູ່.
ທ່ານຊູເກງ ວາໂຮໂນເຜີຍໃຫ້ຮູ້ວ່າ, ໃນໄລຍະ ທ່ານປະທານສີຈິ້ນຜິງຢ້ຽມຢາມອິນໂດເນເຊຍ, ທ່ານປະທານາທິບໍດີຊູຊີໂລ ຈະພົບປະເຈລະຈາກັບທ່ານປະທານສີຈິ້ນຜິງ, ແລະເປັນສັກຂີພິຍານລົງນາມບົດບັນທຶກຄວາມເຂົ້າໃຈການຮ່ວມມືຫຼາຍສະບັບ, ຊຶ່ງກ່ຽວພັນກັບການປະມົງ, ການທ່ອງທ່ຽວ, ອຸດສາຫະກຳແລະອື່ນໆ. ສອງຝ່າຍຍັງຈະປຶກສາຫາລືການສ້າງຕັ້ງສະຖານກົງສຸນຈີນປະຈຳຢູ່ເກາະບາຫຼີແລະບັນຫາອື່ນໆອີກ.
ທ່ານຊູເກງ ວາໂຮໂນ ກ່າວວ່າ: ພວກຂ້າພະເຈົ້າບໍ່ຄວນເຂົ້າຫຍຸ້ງໃນເລື່ອງອະດີດ, ເລື່ອງອະດີດໄດ້ກາຍເປັນປະຫວັດສາດແລ້ວ. ປະຈຸບັນ, ຈີນໄດ້ພັດທະນາກາຍເປັນປະເທດເຂັ້ມແຂງໃນດ້ານເສດຖະກິດແລະວິທະຍາສາດເຕັກໂນໂລຊີທີ່ຈະເລີນຮຸ່ງເຮືອງ. ພວກຂ້າພະເຈົ້າບໍ່ຄວນຖືການພັດທະນາຂອງຈີນເປັນໄພຂົ່ມຂູ່.
ທ່ານຊູເກງ ວາໂຮໂນເຜີຍໃຫ້ຮູ້ວ່າ, ໃນໄລຍະ ທ່ານປະທານສີຈິ້ນຜິງຢ້ຽມຢາມອິນໂດເນເຊຍ, ທ່ານປະທານາທິບໍດີຊູຊີໂລ ຈະພົບປະເຈລະຈາກັບທ່ານປະທານສີຈິ້ນຜິງ, ແລະເປັນສັກຂີພິຍານລົງນາມບົດບັນທຶກຄວາມເຂົ້າໃຈການຮ່ວມມືຫຼາຍສະບັບ, ຊຶ່ງກ່ຽວພັນກັບການປະມົງ, ການທ່ອງທ່ຽວ, ອຸດສາຫະກຳແລະອື່ນໆ. ສອງຝ່າຍຍັງຈະປຶກສາຫາລືການສ້າງຕັ້ງສະຖານກົງສຸນຈີນປະຈຳຢູ່ເກາະບາຫຼີແລະບັນຫາອື່ນໆອີກ.
