ຈີນແລະອິນໂດເນເຊຍຈະເຊັນສັນຍາຮັບຮອງໃບຢັ້ງຢືນລະດັບການສຶກສາເຊິ່ງກັນແລະກັນ
(GMT+08:00) 2013-10-02 16:10:38 cri
ໃນເວລາໃຫ້ສຳພາດຕໍ່ນັກຂ່າວວິທະຍຸCRI, ທ່ານເຄຣູນ ອານວາ ທີ່ປຶກສາການສຶກສາຂອງສະຖານທູດອິນໂດເນເຊຍປະຈຳຈີນເຜີຍໃຫ້ຮູ້ວ່າ, ລັດຖະມົນຕີວ່າການກະຊວງສຶກສາທິການຂອງຈີນແລະອິນໂດເນເຊຍຈະລົງນາມໃນສັນຍາວ່າດ້ວຍການຮັບຮອງໃບຢັ້ງຢືນລະດັບການສຶກສາເຊິ່ງກັນແລະກັນ ໃນໄລຍະທີ່ທ່ານປະທານສີຈິ້ນຜິງຢ້ຽມຢາມອິນໂດເນເຊຍ.ທ່ານອານວາກ່າວວ່າ, ພາສາຈີນກຳລັງກາຍເປັນພາສາທີ່ໃຊ້ທົ່ວໄປໃນທົ່ວໂລກ, ນັກສຶກສາອິນໂດເນເຊຍທີ່ຄົ້ນຄວ້າຮ່ຳຮຽນຢູ່ຈີນນັບມື້ນັບເພີ່ມຫຼາຍຂຶ້ນ. ອິນໂດເນເຊຍຫວັງວ່າ, ການເຊັນສັນຍາດັ່ງກ່າວນີ້ຈະສາມາດຊຸກຍູ້ໃຫ້ນັກສຶກສາຈີນມາຮຽນຢູ່ອິນໂດເນເຊຍໃຫ້ຫຼາຍຂຶ້ນຕື່ມອີກ.
