ທ່ານສີຈິ້ນຜິງຮຽກຮ້ອງໃຫ້ປະຕິບັດຍຸດທະສາດຊຸກຍູ້ການພັດທະນາດ້ວຍການປະດິດສ້າງໃຫ້ສຳເລັດຜົນ
(GMT+08:00) 2013-10-02 16:21:04 cri
ເມື່ອມໍ່ໆມານີ້, ທ່ານສີຈິ້ນຜິງ ປະທານປະເທດຈີນໄດ້ລົງຢ້ຽມຢາມເຮັດວຽກຢູ່ເຂດນິຄົມເຕັກນິກສູງຈົ່ງກ່ວນຊຸນທີ່ນະຄອນຫຼວງປັກກິ່ງຊຶ່ງເປັນເຂດນິຄົມເຕັກນິກສູງແຫ່ງທຳອິດຂອງຈີນ.ທ່ານສີຈິ້ນຜິງກ່າວວ່າ, ການປະຕິບັດຍຸດທະສາດຊຸກຍູ້ການພັດທະນາດ້ວຍການປະດິດສ້າງເປັນສິ່ງທີ່ຕັດສິນໂຊກຊະຕາຂອງຊາດໃນອະນາຄົດ. ທ່ານຮຽກຮ້ອງໃຫ້ຮັບຮູ້ຢ່າງເຕັມສ່ວນຕໍ່ບົດບາດອັນໃຫຍ່ຫຼວງຂອງການປະດິດສ້າງດ້ານວິທະຍາສາດເຕັກໂນໂລຊີ, ກຳແໜ້ນທ່າອ່ຽງຂະຫຍາຍຕົວຂອງການປະດິດສ້າງດ້ານວິທະຍາສາດເຕັກໂນໂລຊີຂອງໂລກ, ກຳແໜ້ນແລະນຳໃຊ້ໂອກາດແຫ່ງການປະຕິວັດວິທະຍາສາດເຕັກໂນໂລຊີຮອບໃໝ່ແລະການປະຕິຮູບດ້ານອຸດສາຫະກຳໃຫ້ດີ, ຈັດຕັ້ງປະຕິບັດການຊຸກຍູ້ການພັດທະນາດ້ວຍການປະດິດສ້າງໃຫ້ເປັນຍຸດທະສາດສຳຄັນທີ່ຫັນໜ້າໄປສູ່ອະນາຄົດ.
ທ່ານສີຈິ້ນຜິງໄດ້ສະເໜີໜ້າທີ່ວຽກງານໃນ5 ດ້ານເພື່ອຈັດຕັ້ງປະຕິບັດຍຸດທະສາດດັ່ງກ່າວ,ຄື ໜຶ່ງ ສຸມກຳລັງເຂົ້າໃນການຊຸກຍູ້ການປະດິດສ້າງດ້ານວິທະຍາສາດເຕັກໂນໂລຊີໃຫ້ປະສານສົມທົບຢ່າງແໜ້ນແຟ້ນກັບການພັດທະນາເສດຖະກິດສັງຄົມ. ສອງ,ສຸມກຳລັງເຂົ້າໃນການເພີ່ມຄວາມສາມາດໃນດ້ານປະດິດສ້າງຢ່າງເປັນເຈົ້າຕົນເອງ. ສາມ,ສຸມໃສ່ການບູລະນະກົນໄກການພັດທະນາຜູ້ມີຄວາມຮູ້ຄວາມສາມາດໃຫ້ສົມບູນຂຶ້ນ. ສີ່ ,ສຸມກຳລັງເຂົ້າໃນການສ້າງສະພາບແວດລ້ອມດ້ານນະໂຍບາຍທີ່ດີ, ຫ້າ ສຸມກຳລັງເຂົ້າໃນການເປີດປະຕູສູ່ພາຍນອກແລະການຮ່ວມມືດ້ານວິທະຍາສາດເຕັກໂນໂລຊີ.
ທ່ານສີຈິ້ນຜິງໄດ້ສະເໜີໜ້າທີ່ວຽກງານໃນ5 ດ້ານເພື່ອຈັດຕັ້ງປະຕິບັດຍຸດທະສາດດັ່ງກ່າວ,ຄື ໜຶ່ງ ສຸມກຳລັງເຂົ້າໃນການຊຸກຍູ້ການປະດິດສ້າງດ້ານວິທະຍາສາດເຕັກໂນໂລຊີໃຫ້ປະສານສົມທົບຢ່າງແໜ້ນແຟ້ນກັບການພັດທະນາເສດຖະກິດສັງຄົມ. ສອງ,ສຸມກຳລັງເຂົ້າໃນການເພີ່ມຄວາມສາມາດໃນດ້ານປະດິດສ້າງຢ່າງເປັນເຈົ້າຕົນເອງ. ສາມ,ສຸມໃສ່ການບູລະນະກົນໄກການພັດທະນາຜູ້ມີຄວາມຮູ້ຄວາມສາມາດໃຫ້ສົມບູນຂຶ້ນ. ສີ່ ,ສຸມກຳລັງເຂົ້າໃນການສ້າງສະພາບແວດລ້ອມດ້ານນະໂຍບາຍທີ່ດີ, ຫ້າ ສຸມກຳລັງເຂົ້າໃນການເປີດປະຕູສູ່ພາຍນອກແລະການຮ່ວມມືດ້ານວິທະຍາສາດເຕັກໂນໂລຊີ.
