ອີຣານກ່າວວ່າ, ການຍອມຮັບອີຣານມີສິດກັ່ນເອົາທາດຢູເຣນ້ຽມຂຸ້ນແມ່ນເປົ້າໝາຍສຸດທ້າຍຂອງການເຈລະຈານີວເຄຼຍ
ວັນທີ 1 ຕຸລານີ້, ຢູ່ນະຄອນຫຼວງເຕເຮຣານຂອງອີຣານ, ທ່ານມາເຈ ອັຟຮາມ ໂຄສົກກະຊວງການຕ່າງປະເທດອີຣານກ່າວວ່າ, ການຍອມຮັບ ອີຣານມີສິດກັ່ນເອົາທາດຢູເຣນ້ຽມຂຸ້ນແມ່ນເປົ້າໝາຍສຸດທ້າຍຂອງການເຈລະຈາຮອບໃໝ່ລະຫວ່າງອີຣານກັບ6ປະເທດຄືອາເມລິກາ, ອັງກິດ,ຝະຣັ່ງ, ຣັດເຊຍ,ຈີນແລະເຢຍລະມັນ.
ຢູ່ທີ່ກອງປະຊຸມຂ່າວທີ່ຈັດຂຶ້ນໃນວັນທີ 1 ຕຸລານີ້, ທ່ານອັຟຮາມຍັງໄດ້ຮຽກຮ້ອງໃຫ້ປະເທດຕາເວັນຕົກຍົກເລີກການລົງໂທດຕໍ່ອີຣານ. ເພື່ອເປັນການຕອບຮັບກັບເລື່ອງນີ້, ອີຣານຈະໃຫ້ຄວາມກະຈ່າງແຈ້ງກ່ຽວກັບບັນຫາທີ່ຍັງມີຄວາມລະແຫວງສົງໃສໃນແຜນການນີວເຄຼຍຂອງອີຣານຕໍ່ 6 ປະເທດດັ່ງກ່າວນີ້. ອີຣານຫວັງໃຫ້ 6 ປະເທດນີ້ສາມາດວາງຂໍ້ກຳນົດລະອຽດກ່ຽວກັບການເລີ່ມຕົ້ນແລະການສິ້ນສຸດຂອງການເຈລະຈາຮອບໃໝ່.
ທ່ານອັຟຮາມໄດ້ທວງໃຫ້ອາເມລິກາປ່ຽນແປງການກະທຳຂອງຕົນໃນການແກ້ໄຂບັນຫານີວເຄຼຍຂອງອີຣານແລະການພົວພັນສອງຝ່າຍ, ເພື່ອຮັດໃຫ້ການເຈລະຈາສາມາດດຳເດີນໄປທ່າມກາງບັນຍາກາດທີ່ຜ່ອນຄາຍ.
