ລັດຖະບານມຽນມາຮຽກຮ້ອງໃຫ້ປະຊາຊົນຈົ່ງປ້ອງກັນບໍ່ໃຫ້ເຫດຈະລາຈົນເກີດຂຶ້ນອີກ
(GMT+08:00) 2013-10-03 16:23:56 cri
ວິທະຍຸແຫ່ງຊາດມຽນມາໄດ້ລາຍງານໃນວັນທີ 2 ຕຸລານີ້ວ່າ, ວັນທີ 2 ຕຸລານີ້,ລັດຖະບານມຽນມາໄດ້ອອກປະກາດແຈ້ງຂ່າວກ່ຽວກັບເຫດຈະລາຈົນທີ່ເກີດຂຶ້ນຢູ່ເຂດທານດະວີລັດຍະໄຂ່ແຕ່ວັນທີ 29 ກັນຍາຜ່ານມາ, ໂດຍຮຽກຮ້ອງໃຫ້ປະຊາຊົນຈົ່ງໃຫ້ການຮ່ວມມືເພື່ອປົກປັກຮັກສາລະບຽບກົດໝາຍ, ປ້ອງກັນບໍ່ໃຫ້ເຫດຈະລາຈົນເກີດຂຶ້ນອີກ.
ປະກາດແຈ້ງຂ່າວຂຽນວ່າ, ເຫດຈະລາຈົນໄດ້ສົ່ງຜົນສະທ້ອນຕໍ່ພາບພົດຂອງລັດຍະໄຂ່ແລະມຽນມາ. ປະທານາທິບໍດີຮູ້ສຶກຜິດຫວັງຕໍ່ເລື່ອງນີ້, ລັດຖະບານຈະຄວບຄຸມສະຖານະການໃຫ້ໄດ້ໂດຍໄວ, ຈັບກຸມຜູ້ກໍ່ເຫດມາລົງໂທດຕາມກົດໝາຍ, ປຸກສ້າງເຮືອນທີ່ຖືກທຳລາຍນັ້ນຄືນໃໝ່.
ວັນທີ 29 ກັນຍາຜ່ານມານີ້, ເຂດທານດະວີຂອງລັດຍະໄຂ່ໄດ້ເກີດການປະທະກັນລະຫວ່າງນິກາຍສາສະໜາ, ວັນທີ 30 , ເຫດການມີຄວາມຮຸນແຮງຂຶ້ນຕື່ມ, ຊຶ່ງເຮັດໃຫ້ມີຜູ້ເສຍຊີວິດ 1 ຄົນ, ເຮືອນຫຼາຍແຫ່ງຖືກຈູດເຜົາທຳລາຍ. ວັນທີ 1 ຕຸລານີ້, ອົງການປົກຄອງເຂດທານດະວີ ຄວບຄຸມສະຖານະການໄດ້ໃນເບື້ອງຕົ້ນ. ທ່ານເທັນເຊັນ ປະທານາທິບໍດີມຽນມາໄດ້ເດີນທາງລົງເຮັດວຽກກວດກາຢູ່ລັດຍະໄຂ່ໃນວັນທີ 1 ຫາວັນທີ 2ຕຸລານີ້.
ປະກາດແຈ້ງຂ່າວຂຽນວ່າ, ເຫດຈະລາຈົນໄດ້ສົ່ງຜົນສະທ້ອນຕໍ່ພາບພົດຂອງລັດຍະໄຂ່ແລະມຽນມາ. ປະທານາທິບໍດີຮູ້ສຶກຜິດຫວັງຕໍ່ເລື່ອງນີ້, ລັດຖະບານຈະຄວບຄຸມສະຖານະການໃຫ້ໄດ້ໂດຍໄວ, ຈັບກຸມຜູ້ກໍ່ເຫດມາລົງໂທດຕາມກົດໝາຍ, ປຸກສ້າງເຮືອນທີ່ຖືກທຳລາຍນັ້ນຄືນໃໝ່.
ວັນທີ 29 ກັນຍາຜ່ານມານີ້, ເຂດທານດະວີຂອງລັດຍະໄຂ່ໄດ້ເກີດການປະທະກັນລະຫວ່າງນິກາຍສາສະໜາ, ວັນທີ 30 , ເຫດການມີຄວາມຮຸນແຮງຂຶ້ນຕື່ມ, ຊຶ່ງເຮັດໃຫ້ມີຜູ້ເສຍຊີວິດ 1 ຄົນ, ເຮືອນຫຼາຍແຫ່ງຖືກຈູດເຜົາທຳລາຍ. ວັນທີ 1 ຕຸລານີ້, ອົງການປົກຄອງເຂດທານດະວີ ຄວບຄຸມສະຖານະການໄດ້ໃນເບື້ອງຕົ້ນ. ທ່ານເທັນເຊັນ ປະທານາທິບໍດີມຽນມາໄດ້ເດີນທາງລົງເຮັດວຽກກວດກາຢູ່ລັດຍະໄຂ່ໃນວັນທີ 1 ຫາວັນທີ 2ຕຸລານີ້.
