ໜ່ວຍຜູ່ຊ່ຽວຊານຂອງອົງການເກືອດຫ້າມອາວຸດເຄມີອາດຈະດຳເນີນການກວດກາກັບບ່ອນຢູ່ຊີຣີໃນອາທິດໜ້າ
ຕາມຂ່າວສານຊິນຮວາ: ວັນທີ3 ຕຸລານີ້, ຢູ່ດາມັສ, ກອງໜ້າຂອງໜ່ວຍຊ່ຽວຊານກວດກາອາວຸດເຄມີຊີຣີທີ່ສັງກັດອົງການສົນທິສັນຍາເກືອດຫ້າມອາວຸດເຄມີກ່າວວ່າ, ໜ່ວຍງານນີ້ມີຫວັງຈະດຳເນີນວຽກງານກວດກາອາວຸດເຄມີກັບບ່ອນຢູ່ຊີຣີໃນອາທິດໜ້າ, ແລະສຳເລັດໜ້າທີ່ຫ້າມໃຊ້ສິ່ງກໍ່ສ້າງອາວຸດເຄມີໃນເບື້ອງຕົ້ນ.
ມື້ດຽວກັນ, ໃນຖະແຫຼງການສະບັບໜຶ່ງທີ່ໜ່ວຍງານນີ້ເຜີຍແຜ່ຮ່ວມກັບສຳນັກງານສະຫະປະຊາຊາດປະຈຳດາມັສໄດ້ຂຽນວ່າຈະສາມາດດຳເນີນການກວດກາກັບບ່ອນຕາມເວລາກຳນົດໄດ້ຫຼືບໍ່ຕັດສິນຢູ່ກັບການສ້າງຕັ້ງໜ່ວຍເຕັກນິກທີ່ມີຊ່ວຍຊານຝ່າຍຊີຣີເຂົ້າຮ່ວມ. ຖະແຫຼງການກ່າວວ່າ, ໜ້າທີ່ເບື້ອງຕົ້ນຂອງໜ່ວຍຊ່ຽວຊານຕົ້ນຕໍ່ແມ່ນກວດກາຂໍ້ມູນຂ່າວສານກ່ຽວກັບອາວຸດເຄມີທີ່ລັດຖະບານຊີຣີເອົາໃຫ້, ຮັບປະກັນຄວາມປອດໄພຂອງສະມາຊິກໜ່ວຍງານໃນຂະບວນການກວດກາແລະວາງແຜນການຈັດຕັ້ງປະຕິປັດມະຕິຂອງອົງການເກືອດຫ້າມອາວຸດເຄມີ.
ຖະແຫຼງການກ່າວວ່າ, ເນື້ອໃນຂອງເອກະສານທີ່ກ່ຽວຂ້ອງທີ່ລັດຖະບານຊີຣີມອບໃຫ້ໜ່ວຍຊ່ຽວຊານກວດກາອາວຸດເຄມີຂອງຊີຣີໃນວັນທີ 2 ຕຸລານີ້ເຮັດໃຫ້ຄົນມອງເຫັນຄວາມຫວັງ, ແຕ່ຍັງມີຂໍ້ຂ້ອງໃຈຄອຍຖ້າຄຳຕອບ.
