ກອງປະຊຸມບໍ່ເປັນທາງການລະດັບລັດຖະມົນຕີ 2013 ຂອງອົງການການຮ່ວມມືເສດຖະກິດອາຊີປາຊີຟິກຫຼື APECຈັດຂຶ້ນຢູ່ເກາະບາຫຼີຂອງອິນໂດເນເຊຍ
(GMT+08:00) 2013-10-05 16:08:23 cri
ຕາມຂ່າວCRI: ວັນທີ 4 ຕຸລານີ້, ກອງປະຊຸມບໍ່ເປັນທາງການລະດັບລັດຖະມົນຕີ 2013 ຂອງອົງການການຮ່ວມມືເສດຖະກິດອາຊີປາຊີຟິກຫຼື APECໄດ້ເລີ່ມຈັດຂຶ້ນຢູ່ເກາະບາຫຼີ ຊຶ່ງເປັນແຫຼ່ງທ່ອງທ່ຽວທຳມະຊາດຂອງອິນໂດເນເຊຍ. ເຈົ້າໜ້າທີ່ລະດັບລັດຖະມົນຕີທັງໝົດ 27 ທ່ານໄດ້ເຂົ້າຮ່ວມກອງປະຊຸມຄັ້ງນີ້. ຫົວຂໍ້ຂອງກອງປະຊຸມຜູ້ນຳ APEC ປີນີ້ແມ່ນ "ອາຊີປາຊີຟິກທີ່ມີຊີວິດຊີວາ, ຫົວລົດໄຟຂອງທົ່ວໂລກ", ຫົວຂໍ້ປະຊຸມທີ່ສຳຄັນມີ 3 ຂໍ້ເຊັ່ນ: ບັນລຸເປົ້າໝາຍບໍກໍ, ການເຕີບໂຕແບບຍືນຍົງແລະຍຸດຕິທຳ ແລະການເຊື່ອມຈອດກັນຂອງອາຊີປາຊີຟິກ.
ປີ 2002 ແລະປີ 2005, ເກາະບາຫຼີເຄີຍຖືກໂຈມຕີແບບກໍ່ການຮ້າຍ 2 ເທື່ອ, ເຮັດໃຫ້ມີຜູ້ເສຍຊີວິດແລະບາດເຈັບຈຳນວນຫຼວງຫຼາຍ. ສະນັ້ນ, ບັນຫາປ້ອງກັນຄວາມປອດໄພຂອງກອງປະຊຸມບໍ່ເປັນທາງການຜູ້ນຳ APECຄັ້ງນີ້ໄດ້ກາຍເປັນຈຸດສຸມທີ່ຝ່າຍຕ່າງໆທີ່ກ່ຽວຂ້ອງສົນໃຈຮ່ວມກັນ. ແຕ່ວັນທີ 1 ຕຸລານີ້ເປັນຕົ້ນມາ, ອິນໂດເນເຊຍໄດ້ຍົກລະດັບປ້ອງກັນຄວາມປອດໄພຂອງເກາະບາຫຼີຢ່າງຮອບດ້ານ, ໄດ້ລະດົມທະຫານແລະຕຳຫຼວດ 1 ໝື່ນ 1 ພັນກວ່າຄົນເຂົ້າຮ່ວມວຽກງານປ້ອງກັນຄວາມປອດໄພຂອງກອງປະຊຸມ APECຄັ້ງນີ້. ນອກນີ້, ນອກຈາກເພີ່ມທະວີການກວດກາຄວາມປອດໄພຢູ່ສະໜາມບິນສາກົນບາຫຼີ ສະຖານທີ່ຈັດກອງປະຊຸມກໍ່ຄືເຂດຂ້ອມຂ້າງແລ້ວ, ອິນໂດເນເຊຍຍັງໄດ້ເພີ່ມທະວີການຕິດຕາມຄຸ້ມຄອງຕໍ່ທ່າເຮືອນ້ອຍ ໃຫຍ່ຂອງເກາະບາຫຼີອີກດ້ວຍ.
ປີ 2002 ແລະປີ 2005, ເກາະບາຫຼີເຄີຍຖືກໂຈມຕີແບບກໍ່ການຮ້າຍ 2 ເທື່ອ, ເຮັດໃຫ້ມີຜູ້ເສຍຊີວິດແລະບາດເຈັບຈຳນວນຫຼວງຫຼາຍ. ສະນັ້ນ, ບັນຫາປ້ອງກັນຄວາມປອດໄພຂອງກອງປະຊຸມບໍ່ເປັນທາງການຜູ້ນຳ APECຄັ້ງນີ້ໄດ້ກາຍເປັນຈຸດສຸມທີ່ຝ່າຍຕ່າງໆທີ່ກ່ຽວຂ້ອງສົນໃຈຮ່ວມກັນ. ແຕ່ວັນທີ 1 ຕຸລານີ້ເປັນຕົ້ນມາ, ອິນໂດເນເຊຍໄດ້ຍົກລະດັບປ້ອງກັນຄວາມປອດໄພຂອງເກາະບາຫຼີຢ່າງຮອບດ້ານ, ໄດ້ລະດົມທະຫານແລະຕຳຫຼວດ 1 ໝື່ນ 1 ພັນກວ່າຄົນເຂົ້າຮ່ວມວຽກງານປ້ອງກັນຄວາມປອດໄພຂອງກອງປະຊຸມ APECຄັ້ງນີ້. ນອກນີ້, ນອກຈາກເພີ່ມທະວີການກວດກາຄວາມປອດໄພຢູ່ສະໜາມບິນສາກົນບາຫຼີ ສະຖານທີ່ຈັດກອງປະຊຸມກໍ່ຄືເຂດຂ້ອມຂ້າງແລ້ວ, ອິນໂດເນເຊຍຍັງໄດ້ເພີ່ມທະວີການຕິດຕາມຄຸ້ມຄອງຕໍ່ທ່າເຮືອນ້ອຍ ໃຫຍ່ຂອງເກາະບາຫຼີອີກດ້ວຍ.
