ບໍລິສັດໂທລະຄົມມະນາຄົມໂມບາຍONEຂອງສິງກະໂປຖືກປັບໃໝເປັນເງິນຈຳນວນຫຼວງຫຼາຍຍ້ອນເຄືອຂ່າຍຕົກຢູ່ໃນສະພາບອຳມະພາດ
(GMT+08:00) 2013-10-05 16:09:46 cri
ຕາມຂ່າວສານຊີນຮວາ: ວັນທີ 3 ຕຸລານີ້, ກົມຄຸ້ມຄອງແລະພັດທະນາຂໍ້ມູນຂ່າວສານແລະໂທລະຄົມມະນາຄົມສິງກະໂປໄດ້ອອກໃບສັ່ງປັບໃໝທີ່ມີມູນຄ່າສູງເຖິງ 1 ລ້ານ 5 ແສນໂດລາສິງກະໂປໃຫ້ແກ່ບໍລິສັດໂມບາຍONE ຊຶ່ງເປັນໜຶ່ງໃນ 3 ບໍລິສັດໂທລະຄົມມະນາຄົມໃຫຍ່ຂອງສິງກະໂປ, ສາເຫດ ແມ່ນຍ້ອນເຄືອຂ່າຍໂທລະສັບມືຖືຂອງບໍລິສັດນີ້ເຄີຍຕົກຢູ່ໃນສະພາບອຳມະພາດເປັນເວລາຫຼາຍວັນໃນເດືອນມັງກອນປີນີ້. ນີ້ກໍ່ແມ່ນໃບສັ່ງປັບໃໝທີ່ມີມູນຄ່າສູງສຸດໃນປະຫວັດສາດຂອງບໍລິສັດໂມບາຍONE ທີ່ກົມຄຸ້ມຄອງແລະພັດທະນາຂໍ້ມູນຂ່າວສານແລະໂທລະຄົມມະນາຄົມສິງກະໂປອອກໃຫ້.
ນັບແຕ່ວັນທີ 15 ມັງກອນປີນີ້ເປັນຕົ້ນມາ, ເຄືອຂ່າຍໂທລະສັບມືຖືຂອງບໍລິສັດໂມບາຍONEໄດ້ຕົກຢູ່ໃນສະພາບອຳມະພາດ, ການບໍລິການ 3G ໄດ້ເປັນອຳມະພາດຫຼາຍກວ່າ 63 ຊົ່ວໂມງ, ການບໍລິການ 2G ຫຼາຍກວ່າ 71 ຊົ່ວໂມງ, ແມ່ນເຄືອຂ່າຍໂທລະສັບມືຖືທີ່ຕິດຂັດເປັນເວລາດົນທີ່ສຸດຢູ່ສິງກະໂປ.
ຜົນການສຳຫຼວດສະແດງໃຫ້ເຫັນວ່າ, ສາເຫດທີ່ພາໃຫ້ເຄືອຂ່າຍຕົກຢູ່ໃນສະພາບອຳມະພາດ, ແມ່ນຍ້ອນໃນເວລາບໍລິສັດໂມບາຍONE ຍົກລະດັບໃຫ້ສູນປະຕິບັດງານຂອງເຄືອຂ່າຍສຳຄັນຂອງພື້ນຖານໂຄງລ່າງທາງດ້ານໂທລະຄົມມະນາຄົມນັ້ນ, ປັກສາຍໄຟຟ້າໄດ້ເກີດອຸປະຕິບັດເຫດ. ກົມຂໍ້ມູນຂ່າວສານແລະໂທລະຄົມມະນາຄົມສິງກະໂປເຫັນວ່າ, ບໍລິສັດໂມບາຍ ONE ບໍ່ໄດ້ດຳເນີນການປະເມີນຢ່າງເຕັມສ່ວນຕໍ່ຄວາມສ່ຽງທີ່ອາດຈະເກີດຂຶ້ນ, ກໍ່ບໍ່ໄດ້ໃຫ້ຄວາມເອົາໃຈໃສ່ເທົ່າທີ່ຄວນຕໍ່ການຫຼຸດຄວາມສ່ຽງ.
ນັບແຕ່ວັນທີ 15 ມັງກອນປີນີ້ເປັນຕົ້ນມາ, ເຄືອຂ່າຍໂທລະສັບມືຖືຂອງບໍລິສັດໂມບາຍONEໄດ້ຕົກຢູ່ໃນສະພາບອຳມະພາດ, ການບໍລິການ 3G ໄດ້ເປັນອຳມະພາດຫຼາຍກວ່າ 63 ຊົ່ວໂມງ, ການບໍລິການ 2G ຫຼາຍກວ່າ 71 ຊົ່ວໂມງ, ແມ່ນເຄືອຂ່າຍໂທລະສັບມືຖືທີ່ຕິດຂັດເປັນເວລາດົນທີ່ສຸດຢູ່ສິງກະໂປ.
ຜົນການສຳຫຼວດສະແດງໃຫ້ເຫັນວ່າ, ສາເຫດທີ່ພາໃຫ້ເຄືອຂ່າຍຕົກຢູ່ໃນສະພາບອຳມະພາດ, ແມ່ນຍ້ອນໃນເວລາບໍລິສັດໂມບາຍONE ຍົກລະດັບໃຫ້ສູນປະຕິບັດງານຂອງເຄືອຂ່າຍສຳຄັນຂອງພື້ນຖານໂຄງລ່າງທາງດ້ານໂທລະຄົມມະນາຄົມນັ້ນ, ປັກສາຍໄຟຟ້າໄດ້ເກີດອຸປະຕິບັດເຫດ. ກົມຂໍ້ມູນຂ່າວສານແລະໂທລະຄົມມະນາຄົມສິງກະໂປເຫັນວ່າ, ບໍລິສັດໂມບາຍ ONE ບໍ່ໄດ້ດຳເນີນການປະເມີນຢ່າງເຕັມສ່ວນຕໍ່ຄວາມສ່ຽງທີ່ອາດຈະເກີດຂຶ້ນ, ກໍ່ບໍ່ໄດ້ໃຫ້ຄວາມເອົາໃຈໃສ່ເທົ່າທີ່ຄວນຕໍ່ການຫຼຸດຄວາມສ່ຽງ.
