ຫຼາຍແຫ່ງຂອງເອຢິບເກີດການປະທ້ວງ ເຮັດໃຫ້ມີຜູ້ເສຍຊີວິດ 4 ຄົນ
(GMT+08:00) 2013-10-06 16:18:55 cri
ຕາມຂ່າວສານຊີນຮວາ: ວັນທີ 4 ຕຸລານີ້, ຫຼາຍແຫ່ງຂອງເອຢິບໄດ້ເກີດ ການປະທ້ວງຂະໜາດໃຫຍ່ອີກ ເຮັດໃຫ້ມີຜູ້ເສຍຊີວິດ 4 ຄົນ. ຜູ້ສະໜັບສະໜູນກຸ່ມພະລາດອນພາບມຸສລິມແລະທ່ານໂມຮາເມັດ ໂມຊີ ອະດີດປະທານາທິບໍດີເອຢິບຫຼາຍພັນຄົນໄດ້ເກີດການປະທະກັນກັບຜູ້ຄັດຄ້ານແລະຕຳຫຼວດທະຫານເອຢິບ. ຫຼັງຈາກນັ້ນ, ຝ່າຍທະຫານເອຢິບໄດ້ປິດຖະໜົນສາຍສຳຄັນ ແລະຍິງລູກລະເບີດແກັສນ້ຳຕາເພື່ອຂັບໄລ່ຜູ້ປະທ້ວງ. ຕາມເວັບໄຊປິລາມິດຂອງເອຢິບລາຍງານວ່າ, ການປະທະກັນໄດ້ເຮັດໃຫ້ມີຜູ້ເສຍຊີວິດ 4 ຄົນ, ອີກ 20 ກວ່າຄົນໄດ້ຮັບບາດເຈັບ.
ການປະທະກັນທີ່ເກີດຂຶ້ນໃນວັນທີ 4 ຕຸລານີ້ແມ່ນການປະທະກັນທີ່ຮຸນແຮງທີ່ສຸດໃນ 1 ເດືອນມານີ້, ການປະທ້ວງກໍ່ມີຂະໜາດໃຫຍ່ກວ່າທຸກຄັ້ງທີ່ຜ່ານມາຢ່າງຈະແຈ້ງ.
ການປະທະກັນທີ່ເກີດຂຶ້ນໃນວັນທີ 4 ຕຸລານີ້ແມ່ນການປະທະກັນທີ່ຮຸນແຮງທີ່ສຸດໃນ 1 ເດືອນມານີ້, ການປະທ້ວງກໍ່ມີຂະໜາດໃຫຍ່ກວ່າທຸກຄັ້ງທີ່ຜ່ານມາຢ່າງຈະແຈ້ງ.
