ອັດກອງປະຊຸມລະດັບລັດຖະມົນຕີຂອງ APEC
ຕາມຂ່າວCRI: ຕອນບ່າຍວັນທີ5 ຕຸລານີ້ຕາມເວລາທ້ອງຖິ່ນ, ກອງປະຊຸມລະດັບລັດຖະມົນຕີ2013 ຂອງ APEC ທີ່ດຳເນີນເປັນເວລາ2 ມື້ໄດ້ອັດລົງຢູ່ເກາະປາຫຼີ ແຫຼ່ງທ່ອງທ່ຽວທີ່ມີຊື່ສຽງຂອງອິນໂດເນເຊຍ.
ຫຼັງກອງປະຊຸມ, ທ່ານມາຕີ ນາຕາເລກາວາ ລັດຖະມົນຕີວ່າການກະຊວງການຕ່າງປະເທດອິນໂດເນເຊຍແລະທ່ານຈີຕາ ວີຢາວັນ ລັດຖະມົນຕີວ່າການກະຊວງການຄ້າອິນໂດເນເຊຍເຊິ່ງເປັນປະທານສອງທ່ານຂອງກອງປະຊຸມລະດັບລັດຖະມົນຕີຄັ້ງນີ້ໄດ້ຈັດງານຖະແຫຼງຂ່າວຮ່ວມ. ທ່ານມາຕີກ່າວວ່າ, ກອງປະຊຸມລະດັບລັດຖະມົນຕີຄັ້ງນີ້ໄດ້ຕົກລົງເອກະສານຕ່າງໆກ່ຽວກັບການພັດທະນາແບບຍຶນຍົງແລະການນຳໃຊ້ພະລັງງານ, ຕ້ານການສໍ້ລາດບັງຫຼວງແລະສ້າງຕັ້ງລະບຽບການທີ່ໂປ່ງໃສເປັນຕົ້ນ, ຈະຍື່ນໃຫ້ກອງປະຊຸມບໍ່ເປັນທາງການຂອງຜູ່ນຳຄັ້ງທີ 21 ຂອງ APEC ນຳໄປປຶກສາຫາລື ກອງປະຊຸມລະດັບລັດຖະມົນຕີຍັງຕົກລົງ, ຈະຍື່ນຮ່າງຂໍ້ສະເໜີກ່ຽວກັບການເພີ່ມທະວີການເຊື່ອມຈອດກັນຂອງພາກພື້ນອາຊີປາຊີຟິກແລະຊຸກຍູ້ການພັດທະນາແລະການລົງທຶນຂອງພື້ນຖານໂຄງລ່າງຂອງພາກພື້ນນີ້ໃຫ້ກອງປະຊຸມບໍ່ເປັນທາງການຂອງຜູ່ນຳ.
