ທ່ານສີຈີ້ນພິງພົບປະທ່ານເຊບາສຕຽນ ປີເຍຣາ ປະທານາທິບໍດີຈີເລ
ຕາມຂ່າວສານຊິນຮວາ: ວັນທີ 6 ຕຸລານີ້, ທ່ານສີຈີ້ນພິງ ປະທານປະເທດຈີນໄດ້ພົບປະທ່ານເຊບາສຕຽນ ປີເຍຣາ ປະທານາທິບໍດີຈີເລຢູ່ເກາະປາຫຼີຂອງອິນໂດເນເຊຍ.
ທ່ານສີຈີ້ພິງກ່າວວ່າ, ໃນດ້ານການພົວພັນຕໍ່ຈີນ, ຈີເລຢູ່ແຖວໜ້າຂອງປະເທດອາເມລິກາລາຕິນໂດຍຕະຫຼອດ. ຈີນກັບຈີເລໄດ້ສ້າງການພົວພັນຄູ່ຍຸດທະສາດ, ໄດ້ສ້າງຕັ້ງເຂດການຄ້າເສລີສອງຝ່າຍຢ່າງຮອບດ້ານ, ການພົວພັນລະຫວ່າງສອງປະເທດຂະຫຍາຍຕົວໄປໜ້າຢ່າງໝັ້ນທ່ຽງແລະວ່ອງໄວ. ໃນຂະບວນການທີ່ລັນລຸເປົ້າໝາຍພັດທະນາຂອງປະເທດຕົນ, ການຮ່ວມມືລະຫວ່າງສອງປະເທດມີກຳລັງບົ່ມຊ້ອນຫຼາຍທີ່ສຸດ, ສາມາດຖືເປັນແບບຢ່າງທີ່ຈີນກັບປະເທດອາເມລິກາລາຕິນ ຮ່ວມມືກັນແບບຕ່າງຝ່າຍຕ່າງມີຜົນແລະພັດທະນາຮ່ວມກັນ. ທ່ານສີຈີ້ນພິງຍັງໄດ້ສະເໜີຂໍ້ສະໜີກ່ຽວກັບການຮ່ວມມືລະຫວ່າງສອງຝ່າຍ.
ທ່ານປີເຍຣາກ່າວວ່າ, ຍິນດີເພີ່ມທະວີການພົວພັນຄູ່ຍຸດທະສາດກັບຈີນ, ຍິນດີຮັກສາການຕິດຕໍ່ພົວພັນແລະປະສານງານກັບຝ່າຍຈີນໃນດ້ານການຮ່ວມມືພາກພື້ນອາຊີປາຊີຟິກເປັນຕົ້ນ.
ພາຍຫຼັງການພົບປະເຈລະຈາ, ປະມຸກລັກສອງປະເທດຍັງຮ່ວມກັນເປັນສັກຂີພິຍານໃນພິທີເຊັນສັນຍາກ່ຽວກັບການສ້າງຕັ້ງຄະນະກຳມະການປະຈຳລະຫວ່າງລັດຖະບານສອງປະເທດ, ກົນໄກການສົນທະນາຍຸດທະສາດການຮ່ວມມືແລະປະສານງານເສດຖະກິດ.
