ຈັດກອງປະຊຸມສຸດຍອດອຸດສາຫະກຳການຄ້າAPEC, ປະທານາທິບໍດີອິນໂດເນເຊຍຮຽກຮ້ອງໃຫ້ຊຸກຍູ້ການເຕີບໂຕດ້ານເສດຖະກິດໂດຍຜ່ານການຄ້າການລົງທຶນແບບເສລີ
ຕາມຂ່າວcri: ວັນທີ6 ຕຸລານີ້, ກອງປະຊຸມສຸດຍອດຜູ່ນຳອຸດສາຫະກຳການຄ້າ 2013 ຂອງອົງການ APEC ຈັດຂຶ້ນຢູ່ສູນປະຊຸມສາກົນເກາະບາຫຼີຂອງອິນໂດເນເຊຍ, ທ່ານຊູຊີໂລ ປະທານາທິບໍດີອິນໂດເນເຊຍໄດ້ກ່າວຄຳປາໄສໃນພິທີໄຂກອງປະຊຸມ, ຮຽກຮ້ອງໃຫ້ຊຸກຍູ້ການເຕີບໂຕດ້ານເສດຖະກິດໂດຍຜ່ານການຄ້າການລົງທຶແລະແບບເສລີ.
ຫົວຂໍ້ຂອງກອງປະຊຸມສຸດຍອດອຸດສາຫະກຳການຄ້າAPEC ໃນຄັ້ງນີ້ແມ່ນ" ກ້າວໄປສູ່ຄວາມມີຊີວິດຊີວາແລະການເຕີບໂຕ", ຜູ່ແທນທີ່ມາຈາກວົງການອຸດສາຫະກຳການຄ້າໃນພາກພື້ນແຫ່ງນີ້ລວມທັງໝົດ 1000 ກວ່າທ່ານໄດ້ເຂົ້າຮ່ວມກອງປະຊຸມທີ່ຈະດຳເນີນເປັນເວລາ 2 ມື້. ແຕ່ລະປີ, ກອງປະຊຸມສຸດຍອດອຸດສາຫະກຳການຄ້າAPECຈັດຂຶ້ນໃນເວລາດຽວກັນກັບກອງປະຊຸມບໍ່ເປັນທາງການຂອງຜູ່ນຳAPEC, ຊຶ່ງເປັນເວທີແລກປ່ຽນຄວາມເຫັນລະຫວ່າງວົງການອຸດສາຫະກຳການຄ້າກັບຜູ່ນຳສະມາຊິກ APEC.
