ລັດຖະມົນຕີການຕ່າງປະເທດອາເມລິກາແລະຣັດເຊຍພົບປະເຈະລຈາຢູ່ເກາະບາຫຼີຂອງອິນໂດເນເຊຍ
(GMT+08:00) 2013-10-07 18:31:03 cri
ວັນທີ 7 ຕຸລານີ້ ທ່ານຈອນ ເຄຣີ, ລັດຖະມົນຕີວ່າການກະຊວງການຕ່າງປະເທດອາເມລິກາໄດ້ພົບປະເຈລະຈາກັບ ທ່ານເຊີເກ ລາຟຣົຟ ລັດຖະມົນຕີວ່າການກະຊວງການຕ່າງປະເທດຣັດເຊຍໃນໄລຍະກອງປະຊຸມສຸດຍອດຂອງອົງການຮ່ວມມືເສດຖະກິດອາຊີປາຊີຟິກຫຼືເອເປັກ, ແລະໄດ້ຮ່ວມກັນໃຫ້ສຳພາດຕໍ່ນັກຂ່າວ. ທ່ານຈອນ ເຄຣີກ່າວວ່າ, ຖ້າລັດຖະບານຊີຣີປະສານສົມທົບຢ່າງຮອບດ້ານກັບຂໍ້ຕົກລົງຂອງສະຫະປະຊາຊາດກ່ຽວກັບການທຳລາຍອາວຸດເຄມີ, ລັດຖະບານຊີຣີຈະສາມາດໄດ້ຮັບສັດທາແລະສື່ສຽງຄືນໃໝ່. ທ່ານເຊີເກ ລາຟຣົຟກ່າວວ່າ, ຈະຮັບປະກັນໃຫ້ລັດຖະບານຊີຣີປະສານສົມທົບຢ່າງຮອບດ້ານກັບວຽກງານຂອງສະຫະປະຊາຊາດແລະໜ່ວຍງານຊ່ຽວຊານຮ່ວມເພື່ອກວດກາອາວຸດເຄມີຂອງອົງການສັນຍາວ່າດ້ວຍການຫ້າມບໍ່ໃຫ້ໃຊ້ອາວຸດເຄມີ.
ໜ່ວຍຊ່ຽວຊານຂອງສະຫະປະຊາຊາດແລະອົງການສັນຍາວ່າດ້ວຍການຫ້າມບໍ່ໃຫ້ໃຊ້ອາວຸດເຄມີໄດ້ເລີ່ມເຮັດວຽກຊຳລະສະສາງອາວຸດເຄມີໃນສາງພາຍໃນປະເທດຊີຣີຢ່າງເປັນທາງການໃນວັນທີ 6 ຕຸລານີ້ຕາມເວລາທ້ອງຖິ່ນ. ຂ່າວແຈ້ງວ່າ, ອາວຸດເຫຼົ່ານີ້ລວມທັງຫົວລູກປືນເຄມີ ລູກລະເບີດເຄມີແລະອື່ນໆ. ທ່ານຈອນ ເຄຣີກ່າວໃນວັນທີ 7 ຕຸລານີ້ວ່າ, "ນີ້ມີຄວາມສຳຄັນຫຼາຍທີ່ສຸດຕໍ່ການແກ້ໄຂບັນຫາອາວຸດເຄມີຂອງຊີຣີ. ນີ້ແມ່ນການເລີ່ມຕົ້ນທີ່ດີ. ອາເມລິກາສະແດງຄວາມຊົມເຊີຍຕໍ່ຄວາມຄືບໜ້າດັ່ງກ່າວ."
ລັດຖະມົນຕີການຕ່າງປະເທດຂອງສອງປະເທດອາເມລິກາ-ຣັດເຊຍກ່າວຕື່ມວ່າ, ທັງສອງທ່ານຈະພົບປະເຈລະຈາກັບທ່ານລັກຮາດາ ບຼາຮີມີ ຜູ້ຕາງໜ້າພິເສດຮ່ວມກ່ຽວກັບບັນຫາຊີຣີຂອງສະຫະປະຊາຊາດ-ສັນນິບາດອາລັບໄວໆ, ແລະຍາດແຍ່ງຈັດກອງປະຊຸມສາກົນກ່ຽວກັບບັນຫາຊີຣີຄັ້ງທີ 2 ໃນກາງເດືອນພະຈິກປີນີ້.
ນອກນີ້, ທ່ານຈອນ ເຄຣີ ແລະທ່ານເຊີເກ ລາຟຣົຟຍັງໄດ້ກ່າວເຖິງບັນຫານິວເຄຼຍຂອງອີຣານ. ສອງຝ່າຍຫວັງວ່າ, ການເຈລະຈາລະຫວ່າງ 6 ຝ່າຍຄື: ອາເມລິກາ, ອັງກິດ, ຝະຣັ່ງ, ຣັດເຊຍ, ຈີນແລະເຢຍລະມັນແລະສະຫະພາບເອີລົບກັບອີຣານທີ່ຈະຈັດຂຶ້ນຢູ່ນະຄອນເຊີແນວຂອງສະວິສໃນວັນທີ 15 ຕຸລານີ້ຈົ່ງໄດ້ຮັບຄວາມຄືບໜ້າຢ່າງແທ້ຈິງ.
ໜ່ວຍຊ່ຽວຊານຂອງສະຫະປະຊາຊາດແລະອົງການສັນຍາວ່າດ້ວຍການຫ້າມບໍ່ໃຫ້ໃຊ້ອາວຸດເຄມີໄດ້ເລີ່ມເຮັດວຽກຊຳລະສະສາງອາວຸດເຄມີໃນສາງພາຍໃນປະເທດຊີຣີຢ່າງເປັນທາງການໃນວັນທີ 6 ຕຸລານີ້ຕາມເວລາທ້ອງຖິ່ນ. ຂ່າວແຈ້ງວ່າ, ອາວຸດເຫຼົ່ານີ້ລວມທັງຫົວລູກປືນເຄມີ ລູກລະເບີດເຄມີແລະອື່ນໆ. ທ່ານຈອນ ເຄຣີກ່າວໃນວັນທີ 7 ຕຸລານີ້ວ່າ, "ນີ້ມີຄວາມສຳຄັນຫຼາຍທີ່ສຸດຕໍ່ການແກ້ໄຂບັນຫາອາວຸດເຄມີຂອງຊີຣີ. ນີ້ແມ່ນການເລີ່ມຕົ້ນທີ່ດີ. ອາເມລິກາສະແດງຄວາມຊົມເຊີຍຕໍ່ຄວາມຄືບໜ້າດັ່ງກ່າວ."
ລັດຖະມົນຕີການຕ່າງປະເທດຂອງສອງປະເທດອາເມລິກາ-ຣັດເຊຍກ່າວຕື່ມວ່າ, ທັງສອງທ່ານຈະພົບປະເຈລະຈາກັບທ່ານລັກຮາດາ ບຼາຮີມີ ຜູ້ຕາງໜ້າພິເສດຮ່ວມກ່ຽວກັບບັນຫາຊີຣີຂອງສະຫະປະຊາຊາດ-ສັນນິບາດອາລັບໄວໆ, ແລະຍາດແຍ່ງຈັດກອງປະຊຸມສາກົນກ່ຽວກັບບັນຫາຊີຣີຄັ້ງທີ 2 ໃນກາງເດືອນພະຈິກປີນີ້.
ນອກນີ້, ທ່ານຈອນ ເຄຣີ ແລະທ່ານເຊີເກ ລາຟຣົຟຍັງໄດ້ກ່າວເຖິງບັນຫານິວເຄຼຍຂອງອີຣານ. ສອງຝ່າຍຫວັງວ່າ, ການເຈລະຈາລະຫວ່າງ 6 ຝ່າຍຄື: ອາເມລິກາ, ອັງກິດ, ຝະຣັ່ງ, ຣັດເຊຍ, ຈີນແລະເຢຍລະມັນແລະສະຫະພາບເອີລົບກັບອີຣານທີ່ຈະຈັດຂຶ້ນຢູ່ນະຄອນເຊີແນວຂອງສະວິສໃນວັນທີ 15 ຕຸລານີ້ຈົ່ງໄດ້ຮັບຄວາມຄືບໜ້າຢ່າງແທ້ຈິງ.
