ກະຊວງການຕ່າງປະເທດຈີນກ່າວວ່າ, ການພົວພັນພັນທະມິດບໍ່ຄວນກາຍເປັນຂໍ້ອ້າງທີ່ເຂົ້າກ່ຽວຂ້ອງກັບການໂຕ້ຖຽງກັນດ້ານອະທິປະໄຕເໜືອດິນແດນ
ຕາມຂ່າວສານຊິນຮວາ: ວັນທີ7 ຕຸລານີ້, ໃນເວລາຕອບຄຳຖາມຂອງນັກຂ່າວກ່ຽວກັບກອງປະຊຸມລະດັບລັດຖະມົນຕີຂອງການສົນທະນາຍຸດທະສາດສາມຝ່າຍຄືອາເມລິກາ ຍີ່ປຸ່ນ ອົສຕຼາລີຄັ້ງທີ5 ອອກຖະແຫຼງການຮ່ວມທີ່ມີເນື້ອໃນກ່ຽວພັນເຖິງບັນຫາທະເລຈີນຕາເວັນອອກ, ທະເລຈີນໃຕ້, ທ່ານນາງຮວ້າຊຸ່ນຢິງ ໂຄສົກກະຊວງການຕ່າງປະເທດຈີນກ່າວວ່າ, ອາເມລິກາ ຍີ່ປຸ່ນແລະອົສຕຼາລີແມ່ນພັນທະມິດເຊິ່ງກັນແລະກັນ, ແຕ່ນີ້ບໍ່ຄວນກາຍເປັນຂໍ້ອ້າງທີ່ເຂົ້າກ່ຽວຂ້ອງກັບການໂຕ້ຖຽງກັນດ້ານອະທິປະໄຕເໜືອດິນແດນ, ຖ້າບໍ່ດັ່ງນັ້ນມີແຕ່ຈະເຮັດໃຫ້ບັນຫາສັບສົນກວ່າເກົ່າ, ທຳລາຍຜົນປະໂຫຍດຂອງຝ່າຍຕ່າງໆເທົ່ານັ້ນ.
ມີນັກຂ່າວຖາມວ່າ, ອີງການລາຍງານຂ່າວ, ຫວ່າງມໍ່ໆນີ້, ລັດຖະມົນຕີວ່າການກະຊວງການຕ່າງປະເທດອາເມລິກາ ຍີ່ປຸ່ນແລະອົສຕຼາລີໄດ້ຈັດກອງປະຊຸມລະດັບລັດຖະມົນຕີຂອງການສົນທະນາຍຸດທະສາດສາມຝ່າຍອາເມລິກາ ຍີປຸ່ນ ອົສຕຼາລີຄັ້ງທີ5 ໃນໄລຍະກອງປະຊຸມລະດັບລັດຖະມົນຕີຂອງອົງການ APEC ທີ່ຈັດຂຶ້ນຢູ່ເກາະບາຫຼີ, ແລະອອກຖະແຫຼງການຮ່ວມທີ່ມີເນື້ອໃນກ່ຽວພັນເຖິງບັນຫາທະເລຈີນຕາເວັນອອກແລະທະເລຈີນໃຕ້. ຝາຍຈີນມີຄຳວິຈານຍຫຍັງຕໍ່ເລື່ອງນີ້?
ທ່ານນາງຮວ້າຊຸ່ນຢິງກ່າວວ່າ, ຫຼັກໝັ້ນຫຼັກການຂອງຝ່າຍຈີນໃນບັນຫາທີ່ກ່ຽວຂ້ອງແມ່ນສະເໝີຕົ້ນສະເໝີປາຍແລະຈະແຈ້ງ. ພົວຂ້າພະເຈົ້າເຕືອນໃຫ້ປະເທດທີ່ກ່ຽວຂ້ອງເຄົາລົບຄວາມເປັນຈິງ, ຈຳແນກຄວາມຖືກຄວາມຜິດ, ລະມັດລະວັງໃນດ້ານກິລະຍາວາຈາ, ຢຸດກິລິຍາວາຈາໃດໆທີ່ບໍ່ມີຜົນດີຕໍ່ການແກ້ໄຂບັນຫາຢ່າງເໝາະສົມແລະທຳລາຍສະຖຽນລະພາບຂອງພາກພື້ນ.
