ປະທານປະເທດຈີນບັນລະຍາຍຈຸດຢືນຂອງຈີນກ່ຽວກັບລະບົບການຄ້າຫຼາຍຝ່າຍ
(GMT+08:00) 2013-10-08 18:46:07 cri
ວັນທີ 7 ຕຸລານີ້, ຢູ່ທີ່ກອງປະຊຸມບໍ່ເປັນທາງການຂອງຜູ້ນຳອົງການຮ່ວມມືເສດຖະກິດອາຊີປາຊີຟິກຫຼືເອເປັກ, ທ່ານສີຈິ້ນຜິງ ປະທານປະເທດຈີນໄດ້ບັນລະຍາຍຈຸດຢືນຂອງຈີນກ່ຽວກັບການຈັດວາງການຄ້າເສລີເຂດອາຊີປາຊີຟິກແລະລະບົບການຄ້າຫຼາຍຝ່າຍ.ທ່ານສີຈິ້ນຜິງກ່າວເນັ້ນວ່າ, ໜຶ່ງ, ຄວນກາຍເປັນກຳລັງແຮງສັງລວມ, ຮ່ວມກັນຊຸກຍູ້ຂະບວນການເຊື່ອມໂຍງເຂົ້າກັນດ້ານເສດຖະກິດຂອງອາຊີປາຊີຟິກ.ຈີນມີທ່າທີທີ່ເປີດປະຕູຕໍ່ການຈັດວາງກົນໄກທຸກຢ່າງທີ່ມີຜົນດີຕໍ່ການເຊື້ອມໂຍງເຂົ້າກັນຂອງເຂດອາຊີປາຊີປາຊີຟິກ, ການຈັດວາງທີ່ກ່ຽວຂ້ອງຄວນຖອດຖອນບົດຮຽນນຳກັນ, ຊວຍຊູຍູ້ໜູນກັນ, ເຊື່ອມໂຍງເຂົ້າກັນແລະຈຸນເຈືອກັນ. ສະມາຊິກອົງການເອເປັກຄວນປະຕິບັດຕາມຫຼັກການທີ່ເປີດປະຕູ, ຜ່ອນຜັນຕໍ່ກັນແລະໂປ່ງໃສ, ສ່ອງແສງໃຫ້ເຫັນຄວາມຄ່ອງແຄ້ວ, ພະຍາຍາມສ້າງຕັ້ງແລະເລີ່ມຕົ້ນການປະຕິບັດກົນໄກແລກປ່ຽນຂໍ້ມູນຂ່າວສານຂອງເຂດການຄ້າເສລີໂດຍໄວເທົ່າທີ່ຈະໄວໄດ້. ອັນທີສອງ, ຄວນສຸມກຳລັງເຂົ້າໃນການພັດທະນາແບບໄຂປະຕູ, ເດັດດ່ຽວຄັດຄ້ານລັດທິປົກປ້ອງການຄ້າ. ພວກເຮົາຄວນປະຕິບັດຕາມເນື້ອໃນຈິດໃຈຂອງເປົ້າໝາຍໂບໂກ, ສະມາຊິກທີ່ພັດທະນາແລ້ວຄວນເປັນແບບຢ່າງທີ່ດີໃນການເປີດກວ້າງການເປີດຕະຫຼາດ. ອັນສຸດທ້າຍແມ່ນຄວນມີຄວາມໝັ້ນໃຈທີ່ເດັດດ່ຽວໜຽວແໜ້ນ, ເພີ່ມຄວາມມີຊີວິດຊີວາຫຼາຍກວ່າເກົ່າເຂົ້າສູ່ກົນໄກການຄ້າຫຼາຍຝ່າຍ. ພວກເຮົາຄວນກ້າຫາບແບກຄວາມຮັບຜິດຊອບ,ສົ່ງສັນຍານການເມືອງທີ່ເຂັ້ມແຂງ, ຊຸກຍູ້ການເຈລະຈາຮອບໂດຮາໃຫ້ໄດ້ຮັບຜົນສຳເລັດໃນເບຶ້ອງຕົ້ນແລະຕົກລົງແຜນທີ່ເສັ້ນທາງລະອຽດກ່ຽວກັບການເຮັດໃຫ້ການເຈລະຈາສຳເລັດຢ່າງຮອບດ້ານ.
