ຜູ້ນຳຊຸດໃໝ່ຂອງຈີນຢ້ຽມຢາມອາຊຽນອີກ ຈະສະເໜີຂໍ້ສະເໜີກ່ຽວກັບຂອບການຮ່ວມມືຈີນ-ອາຊຽນໃນຂ້າງໜ້າ
(GMT+08:00) 2013-10-08 16:02:36 cri
ວັນທີ 9 ຫາວັນທີ 15 ຕຸລານີ້ ທ່ານຫຼີເຄີ້ສຽງ ນາຍົກລັດຖະມົນຕີຈີນຈະໄປບຼູໄນເພື່ອເຂົ້າຮ່ວມບັນດາກອງປະຊຸມຜູ້ນຳອາຊີຕາເວັນອອກ, ແລະຈະຢ້ຽມຢາມບຼູໄນ, ໄທແລະຫວຽດນາມຢ່າງເປັນທາງການ. ທ່ານສີຈິ້ນຜິງ ປະທານປະເທດຈີນຈະສຳເລັດການຢ້ຽມຢາມອາຊີຕາເວັນອອກສຽງໃຕ້ແລ້ວ, ທ່ານຫຼີເຄີ້ສຽງ ນາຍົກລັດຖະມົນຕີຈີນກໍ່ໄດ້ເດີນທາງໄປຢ້ຽມຢາມ 3 ປະເທດອາຊຽນ. ພຽງແຕ່ໃນເຄິ່ງເດືອນໜຶ່ງທໍ່ນັ້ນ, ຜູ້ນຳຈີນສອງທ່ານໄດ້ໄປຢ້ຽມຢາມປະເທດອາຊຽນຕາມໆກັນ, ນີ້ໄດ້ເຫັນມີໜ້ອຍໃນປະຫວັດກິດຈະກຳການຕ່າງປະເທດຂອງຈີນທີ່ມີຕໍ່ປະເທດອ້ອມຂ້າງ.
ທ່ານລີວເຈິ້ນມິນ ລັດຖະມົນຕີຊ່ວຍວ່າການກະຊວງການຕ່າງປະເທດຈີນກ່າວວ່າ, ປີນີ້ແມ່ນການສ້າງການພົວພັນຄູ່ຮ່ວມມືຍຸດທະສາດລະຫວ່າງຈີນ-ອາຊຽນຄົບຮອບ 10 ປີ, ການຢ້ຽມຢາມຂອງທ່ານຫຼີເຄີ້ສຽງໃນຄັ້ງນີ້ຈະສະຫຼຸບຜົນສຳເລັດແລະບົດຮຽນຂອງສອງຝ່າຍໃນ "10 ປີຄຳ"ທີ່ຜ່ານມາໃນກອງປະຊຸມຜູ້ນຳຈີນ-ອາຊຽນ, ແລະວາງແຜນພັດທະນາໃນອະນາຄົດ:
"ທ່ານຫຼີເຄີ້ສຽງ ນາຍົກລັດຖະມົນຕີຈີນຈະບັນລະຍາຍນະໂຍບາຍການຕ່າງປະເທດຂອງລັດຖະບານຈີນຊຸດໃໝ່ໃນການເພີ່ມທະວີການພົວພັນລະຫວ່າງຈີນ-ອາຊຽນ, ສະເໜີຂໍ້ສະເໜີແລະປະກອບຄຳຄິດຄຳເຫັນກ່ຽວກັບຂອບການຮ່ວມມືລະຫວ່າງຈີນ-ອາຊຽນໃນຂ້າງໜ້າ, ບັນລະຍາຍຫຼັກໝັ້ນແລະທັດສະນະຂອງຕົນໃນການລົງເລິກການຮ່ວມມືໃນຂົງເຂດຕ່າງໆຕື່ມອີກເຊັ່ນ:ຄວາມໝັ້ນຄົງທາງການເມືອງ, ເສດຖະກິດການຄ້າ, ການເຊື່ອມຈອດກັນ, ການຮ່ວມມືທາງທະເລ ແລະວັດທະນະທຳສັງຄົມເປັນຕົ້ນ."
ຕາມກະຊວງການຕ່າງປະເທດຈີນເຜີຍໃຫ້ຮູ້ວ່າ, ການຄົ້ນຄວ້າປຶກສາຫາລືການເຊັນ"ສົນທິສັນຍາວ່າດ້ວຍໄມຕີຈິດມິດຕະພາບຖານປະເທດເພື່ອບ້ານໃກ້ຄຽງແລະການຮ່ວມມືຈີນ-ອາຊຽນ", ຍົກລະດັບຂອງເຂດການຄ້າເສລີຈີນ-ອາຊຽນ, ການສ້າງທະນາຄານການລົງທຶນພື້ນຖານໂຄງລ່າງອາຊີ, ສ້າງການຮ່ວມມືທາງທະເລແລະອື່ນໆຈະແມ່ນເນື້ອໃນສຳຄັນຂອງຂໍ້ສະເໜີທີ່ກ່ຽວຂ້ອງຂອງທ່ານຫຼີເຄີ້ສຽງ ນາຍົກລັດຖະມົນຕີຈີນ.
ນອກຈາກເຂົ້າຮ່ວມກອງປະຊຸມສຸດຍອດຈີນ-ອາຊຽນແລ້ວ, ທ່ານຫຼີເຄີ້ສຽງ ນາຍົກລັດຖະມົນຕີຈີນຍັງຈະເຂົ້າຮ່ວມກອງປະຊຸມສຸດຍອດອາຊຽນແລະຈີນ ຍີ່ປຸ່ນ ສ.ເກົາຫຼີ ຫຼື 10+3 ແລະກອງປະຊຸມສຸດຍອດອາຊີຕາເວັນອອກ. ທ່ານຫຼີເຄີ້ສຽງຈະສະເໜີຂໍ້ລິເລີ່ມແລະຄວາມຄິດດ້ານການຮ່ວມມືໃນຂົງເຂດຕ່າງໆເຊັ່ນ: ການຮ່ວມມືດ້ານການເງິນ, ຄວາມປອດໄພດ້ານສະບຽງອາຫານ, ການເຊື່ອມຈອດກັນ ພະລັງງານແລະການອະນຸລັກສິ່ງແວດລ້ອມເປັນຕົ້ນ, ໃນກອງປະຊຸມສຸດຍອດອາຊີຕາເວັນອອກ, ທ່ານຫຼີເຄີ້ສຽງ ນາຍົກລັດຖະມົນຕີຈີນຈະກ່າວຢ້ຳໃຫ້ກອງປະຊຸມສຸດຍອດຍຶດໝັ້ນເວທີປຶກສາຫາລືຍຸດທະສາດທີ່ນຳພາໂດຍຜູ້ນຳ, ຮ່ວມກັບປະເທດອື່ນໆຊຸກຍູ້ການສົນທະນາແລະການຮ່ວມມືທາງດ້ານເສດຖະກິດສັງຄົມແລະຄວາມໝັ້ນຄົງທາງການເມືອງ. ນອກນີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນຍັງຈະຢ້ຽມຢາມບຼູໄນ, ໄທແລະຫວຽດນາມຢ່າງເປັນທາງການ. ໃນໄລຍະຢ້ຽມຢາມ, ຈີນແລະບຼູໄນຈະອອກຖະແຫຼງການຮ່ວມ, ຈີນແລະໄທຈະເປີດເຜີຍແຜນການຂະຫຍາຍການພົວພັນລະຫວ່າງສອງປະເທດໃນໄລຍະຍາວ, ຈີນ-ຫວຽດນາມຈະອອກ"ຖະແຫຼງການຮ່ວມກ່ຽວກັບການລົງເລິກການຮ່ວມມືຍຸດທະສາດຮອບດ້ານຈີນ-ຫວຽດນາມໃນໄລຍະໃໝ່", ຈີນຍັງຈະຮ່ວມກັບ 3 ປະເທດດັ່ງກ່າວເຊັນເອກະສານການຮ່ວມມືທີ່ກ່ຽວຂ້ອງຫຼາຍສະບັບ.
ທ່ານລີວເຈິ້ນມິນ ລັດຖະມົນຕີຊ່ວຍວ່າການກະຊວງການຕ່າງປະເທດຈີນກ່າວວ່າ, ປີນີ້ແມ່ນການສ້າງການພົວພັນຄູ່ຮ່ວມມືຍຸດທະສາດລະຫວ່າງຈີນ-ອາຊຽນຄົບຮອບ 10 ປີ, ການຢ້ຽມຢາມຂອງທ່ານຫຼີເຄີ້ສຽງໃນຄັ້ງນີ້ຈະສະຫຼຸບຜົນສຳເລັດແລະບົດຮຽນຂອງສອງຝ່າຍໃນ "10 ປີຄຳ"ທີ່ຜ່ານມາໃນກອງປະຊຸມຜູ້ນຳຈີນ-ອາຊຽນ, ແລະວາງແຜນພັດທະນາໃນອະນາຄົດ:
"ທ່ານຫຼີເຄີ້ສຽງ ນາຍົກລັດຖະມົນຕີຈີນຈະບັນລະຍາຍນະໂຍບາຍການຕ່າງປະເທດຂອງລັດຖະບານຈີນຊຸດໃໝ່ໃນການເພີ່ມທະວີການພົວພັນລະຫວ່າງຈີນ-ອາຊຽນ, ສະເໜີຂໍ້ສະເໜີແລະປະກອບຄຳຄິດຄຳເຫັນກ່ຽວກັບຂອບການຮ່ວມມືລະຫວ່າງຈີນ-ອາຊຽນໃນຂ້າງໜ້າ, ບັນລະຍາຍຫຼັກໝັ້ນແລະທັດສະນະຂອງຕົນໃນການລົງເລິກການຮ່ວມມືໃນຂົງເຂດຕ່າງໆຕື່ມອີກເຊັ່ນ:ຄວາມໝັ້ນຄົງທາງການເມືອງ, ເສດຖະກິດການຄ້າ, ການເຊື່ອມຈອດກັນ, ການຮ່ວມມືທາງທະເລ ແລະວັດທະນະທຳສັງຄົມເປັນຕົ້ນ."
ຕາມກະຊວງການຕ່າງປະເທດຈີນເຜີຍໃຫ້ຮູ້ວ່າ, ການຄົ້ນຄວ້າປຶກສາຫາລືການເຊັນ"ສົນທິສັນຍາວ່າດ້ວຍໄມຕີຈິດມິດຕະພາບຖານປະເທດເພື່ອບ້ານໃກ້ຄຽງແລະການຮ່ວມມືຈີນ-ອາຊຽນ", ຍົກລະດັບຂອງເຂດການຄ້າເສລີຈີນ-ອາຊຽນ, ການສ້າງທະນາຄານການລົງທຶນພື້ນຖານໂຄງລ່າງອາຊີ, ສ້າງການຮ່ວມມືທາງທະເລແລະອື່ນໆຈະແມ່ນເນື້ອໃນສຳຄັນຂອງຂໍ້ສະເໜີທີ່ກ່ຽວຂ້ອງຂອງທ່ານຫຼີເຄີ້ສຽງ ນາຍົກລັດຖະມົນຕີຈີນ.
ນອກຈາກເຂົ້າຮ່ວມກອງປະຊຸມສຸດຍອດຈີນ-ອາຊຽນແລ້ວ, ທ່ານຫຼີເຄີ້ສຽງ ນາຍົກລັດຖະມົນຕີຈີນຍັງຈະເຂົ້າຮ່ວມກອງປະຊຸມສຸດຍອດອາຊຽນແລະຈີນ ຍີ່ປຸ່ນ ສ.ເກົາຫຼີ ຫຼື 10+3 ແລະກອງປະຊຸມສຸດຍອດອາຊີຕາເວັນອອກ. ທ່ານຫຼີເຄີ້ສຽງຈະສະເໜີຂໍ້ລິເລີ່ມແລະຄວາມຄິດດ້ານການຮ່ວມມືໃນຂົງເຂດຕ່າງໆເຊັ່ນ: ການຮ່ວມມືດ້ານການເງິນ, ຄວາມປອດໄພດ້ານສະບຽງອາຫານ, ການເຊື່ອມຈອດກັນ ພະລັງງານແລະການອະນຸລັກສິ່ງແວດລ້ອມເປັນຕົ້ນ, ໃນກອງປະຊຸມສຸດຍອດອາຊີຕາເວັນອອກ, ທ່ານຫຼີເຄີ້ສຽງ ນາຍົກລັດຖະມົນຕີຈີນຈະກ່າວຢ້ຳໃຫ້ກອງປະຊຸມສຸດຍອດຍຶດໝັ້ນເວທີປຶກສາຫາລືຍຸດທະສາດທີ່ນຳພາໂດຍຜູ້ນຳ, ຮ່ວມກັບປະເທດອື່ນໆຊຸກຍູ້ການສົນທະນາແລະການຮ່ວມມືທາງດ້ານເສດຖະກິດສັງຄົມແລະຄວາມໝັ້ນຄົງທາງການເມືອງ. ນອກນີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນຍັງຈະຢ້ຽມຢາມບຼູໄນ, ໄທແລະຫວຽດນາມຢ່າງເປັນທາງການ. ໃນໄລຍະຢ້ຽມຢາມ, ຈີນແລະບຼູໄນຈະອອກຖະແຫຼງການຮ່ວມ, ຈີນແລະໄທຈະເປີດເຜີຍແຜນການຂະຫຍາຍການພົວພັນລະຫວ່າງສອງປະເທດໃນໄລຍະຍາວ, ຈີນ-ຫວຽດນາມຈະອອກ"ຖະແຫຼງການຮ່ວມກ່ຽວກັບການລົງເລິກການຮ່ວມມືຍຸດທະສາດຮອບດ້ານຈີນ-ຫວຽດນາມໃນໄລຍະໃໝ່", ຈີນຍັງຈະຮ່ວມກັບ 3 ປະເທດດັ່ງກ່າວເຊັນເອກະສານການຮ່ວມມືທີ່ກ່ຽວຂ້ອງຫຼາຍສະບັບ.
