ທ່ານໂອບາມາກ່າວວ່າຍິນດີຮັບເອົາແຜນການແກ້ໄຂບັນຫາການເງິນໄລຍະສັ້ນ
(GMT+08:00) 2013-10-09 16:29:43 cri
ວັນທີ 8 ຕຸລານີ້, ທ່ານບາຣັກໂອບາມາ ປະທານາທິບໍດີອາເມລິກາກ່າວວ່າ, ຖ້າວ່າລັດຖະສະພາສາມາດຜ່ານຮັບຮອງຍັດຕິວ່າດ້ວຍການຈັດສັນງົບປະມານຂອງລັດຖະບານແລະຍັດຕິກົດໝາຍວ່າດ້ວຍເພດານໜີ້ສິ້ນຢ່າງບໍ່ມີເງື່ອນໄຂ, ເຖິງຈະເປັນໄລຍະສັ້ນ, ທ່ານກໍ່ຍິນດີປຶກສາຫາລືກັບຊາວພັກລີພັບບີກັນກ່ຽວກັບບັນຫາຕ່າງໆເປັນຕົ້ນແມ່ນການຮັກສາສຸຂະພາບ, ລາຍຈ່າຍລັດຖະບານແລະຂຸມການເງິນແລະບັນຫາອື່ນໆ.
ໃນງານຖະແຫຼງຂ່າວທີ່ຈັດຂຶ້ນຢູ່ທຳນຽບຂາວໃນວັນທີ 8 ຕຸລານີ້, ທ່ານໂອບາມາກ່າວວ່າ, ທ່ານເຫັນວ່າ, ປະຈຸບັນ, ສະພາຕ່ຳມີຄະແນນສຽງອັນພຽງພໍທີ່ຈະຜ່ານຮັບຮອງຍັດຕິການຈັດສັນງົບປະມານເປັນການຊົ່ວຄາວຂອງລັດຖະບານສະບັບທີ່ສະພາສູງໄດ້ຮັບຮອງແລ້ວ, ຖ້າວ່າຈັດການລົງຄະແນນສຽງ, ກໍ່ຈະສາມາດສິ້ນສຸດສະພາບການທີ່ພາກສ່ວນທີ່ບໍ່ສຳຄັນຂອງລັດຖະບານຖືກປິດບໍລິການນັ້ນໃນທັນທີ, ສອງພັກຄືພັກເດໂມເຄຼັດແລະພັກລີພັບບີກັນກໍ່ຈະສາມາດສືບຕໍ່ເຈລະຈາກ່ຽວກັບບັນຫາການເງິນ. ພ້ອມດຽວກັນນັ້ນ, ທ່ານຍັງໄດ້ຮຽກຮ້ອງໃຫ້ລັດຖະສະພາຈົ່ງປັບຍົກເພດານໜີ້ສິນຂອງລັດຖະບານໂດຍໄວ, ທ່ານກ່າວວ່າ,ການລະເມີດສັນຍາໜີ້ສິນຈະນຳເອົາຜົນສະທ້ອນອັນໜັກໜ່ວງໃຫ້ແກ່ເສດຖະກິດ. ທ່ານໂອບາມາຍັງກ່າວຕື່ມອີກວ່າ, ຍິນດີຮ່ວມກັບຊາວພັກລີພັບບີກັນເຈລະຈາບັນຫາທຸກຢ່າງ, ແຕ່ຊາວພັກລີພັບບີກັນບໍ່ສາມາດຂົ່ມຂູ່ດ້ວຍບາງໜ່ວຍງານຂອງລັດຖະບານຖືກປິດບໍລິການແລະພາໃຫ້ເກີດສະພາບວຸ້ນວາຍດ້ານເສດຖະກິດຕາມມາ.
ໃນງານຖະແຫຼງຂ່າວທີ່ຈັດຂຶ້ນຢູ່ທຳນຽບຂາວໃນວັນທີ 8 ຕຸລານີ້, ທ່ານໂອບາມາກ່າວວ່າ, ທ່ານເຫັນວ່າ, ປະຈຸບັນ, ສະພາຕ່ຳມີຄະແນນສຽງອັນພຽງພໍທີ່ຈະຜ່ານຮັບຮອງຍັດຕິການຈັດສັນງົບປະມານເປັນການຊົ່ວຄາວຂອງລັດຖະບານສະບັບທີ່ສະພາສູງໄດ້ຮັບຮອງແລ້ວ, ຖ້າວ່າຈັດການລົງຄະແນນສຽງ, ກໍ່ຈະສາມາດສິ້ນສຸດສະພາບການທີ່ພາກສ່ວນທີ່ບໍ່ສຳຄັນຂອງລັດຖະບານຖືກປິດບໍລິການນັ້ນໃນທັນທີ, ສອງພັກຄືພັກເດໂມເຄຼັດແລະພັກລີພັບບີກັນກໍ່ຈະສາມາດສືບຕໍ່ເຈລະຈາກ່ຽວກັບບັນຫາການເງິນ. ພ້ອມດຽວກັນນັ້ນ, ທ່ານຍັງໄດ້ຮຽກຮ້ອງໃຫ້ລັດຖະສະພາຈົ່ງປັບຍົກເພດານໜີ້ສິນຂອງລັດຖະບານໂດຍໄວ, ທ່ານກ່າວວ່າ,ການລະເມີດສັນຍາໜີ້ສິນຈະນຳເອົາຜົນສະທ້ອນອັນໜັກໜ່ວງໃຫ້ແກ່ເສດຖະກິດ. ທ່ານໂອບາມາຍັງກ່າວຕື່ມອີກວ່າ, ຍິນດີຮ່ວມກັບຊາວພັກລີພັບບີກັນເຈລະຈາບັນຫາທຸກຢ່າງ, ແຕ່ຊາວພັກລີພັບບີກັນບໍ່ສາມາດຂົ່ມຂູ່ດ້ວຍບາງໜ່ວຍງານຂອງລັດຖະບານຖືກປິດບໍລິການແລະພາໃຫ້ເກີດສະພາບວຸ້ນວາຍດ້ານເສດຖະກິດຕາມມາ.
