ທ່ານຫຼີເຄີ້ສຽງ ນາຍົກລັດຖະມົນຕີຈີນຕ້ອນຮັບການເຂົ້າສຳພາດຮ່ວມຂອງສື່ມວນຊົນປະເທດອາຊຽນ
(GMT+08:00) 2013-10-09 11:25:18 cri
ວັນທີ 8 ຕຸລານີ້ ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ຕ້ອນຮັບການເຂົ້າສຳພາດຮ່ວມຂອງສື່ມວນຊົນປະເທດອາຊຽນ.
ປີນີ້ແມ່ນການສ້າງການພົວພັນຄູ່ຍຸດທະສາດຈີນ-ອາຊຽນຄົບຮອບ 10 ປີ, ທ່ານຫຼີເຄີ້ສຽງກ່າວວ່າ ໃນ 10 ປີຜ່ານມາ, ຈີນແລະອາຊຽນໄດ້ຊຸກຍູ້ການຮ່ວມມືທີ່ຕິດແທດຕົວຈິງຢ່າງບໍ່ຢຸດຢັ້ງ, ໄດ້ສ້າງເຂດການຄ້າເສລີຂອງປະເທດທີ່ພວມພັດທະນາທີ່ໃຫຍ່ທີ່ສຸດໃນໂລກ. ຈີນແມ່ນຄູ່ການຄ້າອັນດັບທີໜຶ່ງຂອງອາຊຽນ, ອາຊຽນແມ່ນຄູ່ການຄ້າໃຫຍ່ອັນດັບທີ 3 ຂອງຈີນ. ການໄປມາຫາສູ່ດ້ານວັດທະນະທຳສັງຄົມລະຫວ່າງຈີນ-ອາຊຽນກໍ່ໄດ້ນັບມື້ນັບແໜ້ນແຟ້ນຂຶ້ນຕື່ມ. ທ່ານຫຼີເຄີ້ສຽງກ່າວວ່າ ການພົວພັນລະຫວ່າງຈີນ-ອາຊຽນພວມຢືນຢູ່ຈຸດເລີ່ມຕົ້ນທາງປະຫວັດສາດໃໝ່. ບົນພື້ນຖານ "ທົດສະວັດຄຳ", ສະແຫວງຫາຄວາມກ້າວໜ້າທາງດ້ານຍຸດທະສາດຄັ້ງໃໝ່, ຮ່ວມກັນສ້າງປະຊຄົມແຫ່ງຊາຕາຕຳຈີນ-ອາຊຽນທີ່ແໜ້ນແຟ້ນກວ່າເກົ່າ. ໃນຕໍ່ໜ້າຈະສະເໜີຂອບການຮ່ວມມືໃນຂົງເຂດອັນກວ້າງຂວາງ, ມີລວງເລິກແລະມີລະດັບສູງຂຶ້ນລະຫວ່າງຈີນ-ອາຊຽນໃນອີກ 10 ປີຂ້າງໜ້າ, ຊຸກຍູ້ການຮ່ວມມືລະຫວ່າງສອງຝ່າຍໃຫ້ກ້າວຂຶ້ນສູ່ລະດັບໃໝ່, ສ້າງຄວາມສົມບູນພຸນສຸກຫຼາຍກວ່າເກົ່າໃຫ້ແກ່ປະຊາຊົນໃນພາກພື້ນແຫ່ງນີ້.
ເມື່ອກ່າວເຖິງການຮ່ວມມືໃນພາກພື້ນອາຊີຕາເວັນອອກແລະນະໂຍບາຍຕໍ່ປະເທດອ້ອມຂ້າງຂອງລັດຖະບານຈີນຊຸດໃໝ່, ທ່ານຫຼີເຄີ້ສຽງກ່າວເນັ້ນວ່າ, ໃນຖານະເປັນສະມາຊິກໜຶ່ງໃນວົງຄະນະຍາດອາຊີ, ຊາຕາຕຳຂອງຈີນກັບບັນດາປະເທດອາຊີໄດ້ເຊື່ອມຕໍ່ກັນ. ການພັດທະນາຂອງຈີນຕ້ອງການສະພາບແວດລ້ອມອ້ອມຂ້າງທີ່ມີສັນຕິພາບແລະສະຖຽນລະພາບ ແລະຈະຍຶດໝັ້ນສຸມກຳລັງເຂົ້າໃນການຂະຫຍາຍການພົວພັນໄມຕີຈິດມິດຕະພາບຖານປະເທດໃກ້ຄຽງແລະການຮ່ວມມືແບບຕ່າງຝ່າຍຕ່າງມີຜົນປະໂຫຍດລະຫວ່າງຈີນ-ປະເທດອ້ອມຂ້າງ, ຕິດຕາມຄວບຄຸມຂໍ້ຂັດແຍ່ງ ຢ່າງເໝາະສົມ. ອາຊຽນແມ່ນທິດບຸລິດມະສິດໃນການພົວພັນການຕ່າງປະເທດຕໍ່ປະເທດອ້ອມຂ້າງຂອງຈີນ. ຈີນເດັດດ່ຽວສະໜັບສະໜູນການພັດທະນາເຕີບໃຫຍ່ຂອງອາຊຽນ, ສະໜັບສະໜູນອາຊຽນເສີມຂະຫຍາຍບົດບາດນຳພາໃນການຮ່ວມມືອາຊີຕາເວັນອອກ. ໃນດ້ານການຮ່ວມມືຂອງອາຊີຕາເວັນອອກ, ຈີນມີເຈດຈຳນົງໃຫ້ຍຶດໝັ້ນນ້ຳໃຈຮ່ວມມືອາຊີຕາເວັນອອກແລະຍຶດໝັ້ນຫຼັກການທີ່ມີຄວາມເປັນໄປໄດ້ແລະມີປະສິດທິຜົນຈຳນວນໜຶ່ງຄື: ຍຶດໝັ້ນອາຊຽນເປັນຜູ້ນຳພາ ປຶກສາຫາລືເປັນເອກະສັນກັນ,ພິຈາລະນາເຖິງຄວາມຮຽກຮ້ອງຕ້ອງການຂອງຝ່າຍຕ່າງໆທີ່ກ່ຽວຂ້ອງແລະອື່ນໆ, ເສີມຂະຫຍາຍຮູບແບບການຮ່ວມມືຂອງພາກພື້ນທີ່ມີເອກກະລັກພິເສດຂອງອາຊີຕາເວັນອອກ. ຈີນຕັ້ງໜ້າສະໜັບສະໜູນແລະເຂົ້າຮ່ວມການຮ່ວມມືຂອງກົນໄກຕ່າງໆ, ສຸມກຳລັງເຂົ້າໃນການສ້າງສະພາບຂອງການຮ່ວມມືທີ່ຊ່ວຍຊູຍູ້ໜູນກັນ ເປີດປະຕູແລະຜ່ອນສັ້ນຜ່ອນຍາວຕໍ່ກັນ.
ໃນບັນຫາທະເລຈີນໃຕ້, ທ່ານຫຼີເຄີ້ສຽງກ່າວວ່າ, ຄວາມຕັດສິນໃຈອັນເດັດດ່ຽວໜຽວແໜ້ນຂອງລັດຖະບານຈີນແມ່ນເດີນຕາມເສັ້ນທາງພັດທະນາແຫ່ງຊາດສັນຕິພາບເດັດດ່ຽວໜຽວແໜ້ນ, ມານະຈິດໃນການປົກປັກຮັກສາອະທິປະໄຕແລະຜືນແຜ່ນດິນອັນຄົບຖ້ວນຂອງຈີນຈະບໍ່ມີການຫວັ່ນໄຫວຄ່ອນແຄບ. ຍ້ອນແນວນັ້ນ, ຈີນຈຶ່ງດຳເນີນການສົນທະນາກັບປະເທດທີ່ກ່ຽວຂ້ອງແລະອາຊຽນຢ່າງບໍ່ລົດລະ, ເພື່ອສະແຫວງຫາຊ່ອງທາງທີ່ມີປະສິດທິພາບໃນການປົກປັກຮັກສາສະຖຽນລະພາບຂອງພາກພື້ນ.
ປີ 2002, ຈີນແລະປະເທດອາຊຽນໄດ້ເຊັນ "ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້", ນີ້ແມ່ນເອກະສານພື້ນຖານໃນການປົກປັກຮັກສາສັນຕິພາບແລະສະຖຽນລະພາບຂອງທະເລຈີນໃຕ້. ຖະແຫຼງການສະບັບນີ້ຄວນໄດ້ຮັບການປະຕິບັດແລະໄດ້ຮັບການປົກປັກຮັກສາຈາກຝ່າຍຕ່າງໆທີ່ກ່ຽວຂ້ອງ. ຈີນແລະປະເທດອາຊຽນຄວນຍຶດໝັ້ນການສົນທະນາແລະການຮ່ວມມື, ປົກປັກຮັກສາສັນຕິພາບແລະສະຖຽນລະພາບຂອງເຂດທະເລຈີນໃຕ້ຢ່າງແທ້ຈິງ.
ປີນີ້ແມ່ນການສ້າງການພົວພັນຄູ່ຍຸດທະສາດຈີນ-ອາຊຽນຄົບຮອບ 10 ປີ, ທ່ານຫຼີເຄີ້ສຽງກ່າວວ່າ ໃນ 10 ປີຜ່ານມາ, ຈີນແລະອາຊຽນໄດ້ຊຸກຍູ້ການຮ່ວມມືທີ່ຕິດແທດຕົວຈິງຢ່າງບໍ່ຢຸດຢັ້ງ, ໄດ້ສ້າງເຂດການຄ້າເສລີຂອງປະເທດທີ່ພວມພັດທະນາທີ່ໃຫຍ່ທີ່ສຸດໃນໂລກ. ຈີນແມ່ນຄູ່ການຄ້າອັນດັບທີໜຶ່ງຂອງອາຊຽນ, ອາຊຽນແມ່ນຄູ່ການຄ້າໃຫຍ່ອັນດັບທີ 3 ຂອງຈີນ. ການໄປມາຫາສູ່ດ້ານວັດທະນະທຳສັງຄົມລະຫວ່າງຈີນ-ອາຊຽນກໍ່ໄດ້ນັບມື້ນັບແໜ້ນແຟ້ນຂຶ້ນຕື່ມ. ທ່ານຫຼີເຄີ້ສຽງກ່າວວ່າ ການພົວພັນລະຫວ່າງຈີນ-ອາຊຽນພວມຢືນຢູ່ຈຸດເລີ່ມຕົ້ນທາງປະຫວັດສາດໃໝ່. ບົນພື້ນຖານ "ທົດສະວັດຄຳ", ສະແຫວງຫາຄວາມກ້າວໜ້າທາງດ້ານຍຸດທະສາດຄັ້ງໃໝ່, ຮ່ວມກັນສ້າງປະຊຄົມແຫ່ງຊາຕາຕຳຈີນ-ອາຊຽນທີ່ແໜ້ນແຟ້ນກວ່າເກົ່າ. ໃນຕໍ່ໜ້າຈະສະເໜີຂອບການຮ່ວມມືໃນຂົງເຂດອັນກວ້າງຂວາງ, ມີລວງເລິກແລະມີລະດັບສູງຂຶ້ນລະຫວ່າງຈີນ-ອາຊຽນໃນອີກ 10 ປີຂ້າງໜ້າ, ຊຸກຍູ້ການຮ່ວມມືລະຫວ່າງສອງຝ່າຍໃຫ້ກ້າວຂຶ້ນສູ່ລະດັບໃໝ່, ສ້າງຄວາມສົມບູນພຸນສຸກຫຼາຍກວ່າເກົ່າໃຫ້ແກ່ປະຊາຊົນໃນພາກພື້ນແຫ່ງນີ້.
ເມື່ອກ່າວເຖິງການຮ່ວມມືໃນພາກພື້ນອາຊີຕາເວັນອອກແລະນະໂຍບາຍຕໍ່ປະເທດອ້ອມຂ້າງຂອງລັດຖະບານຈີນຊຸດໃໝ່, ທ່ານຫຼີເຄີ້ສຽງກ່າວເນັ້ນວ່າ, ໃນຖານະເປັນສະມາຊິກໜຶ່ງໃນວົງຄະນະຍາດອາຊີ, ຊາຕາຕຳຂອງຈີນກັບບັນດາປະເທດອາຊີໄດ້ເຊື່ອມຕໍ່ກັນ. ການພັດທະນາຂອງຈີນຕ້ອງການສະພາບແວດລ້ອມອ້ອມຂ້າງທີ່ມີສັນຕິພາບແລະສະຖຽນລະພາບ ແລະຈະຍຶດໝັ້ນສຸມກຳລັງເຂົ້າໃນການຂະຫຍາຍການພົວພັນໄມຕີຈິດມິດຕະພາບຖານປະເທດໃກ້ຄຽງແລະການຮ່ວມມືແບບຕ່າງຝ່າຍຕ່າງມີຜົນປະໂຫຍດລະຫວ່າງຈີນ-ປະເທດອ້ອມຂ້າງ, ຕິດຕາມຄວບຄຸມຂໍ້ຂັດແຍ່ງ ຢ່າງເໝາະສົມ. ອາຊຽນແມ່ນທິດບຸລິດມະສິດໃນການພົວພັນການຕ່າງປະເທດຕໍ່ປະເທດອ້ອມຂ້າງຂອງຈີນ. ຈີນເດັດດ່ຽວສະໜັບສະໜູນການພັດທະນາເຕີບໃຫຍ່ຂອງອາຊຽນ, ສະໜັບສະໜູນອາຊຽນເສີມຂະຫຍາຍບົດບາດນຳພາໃນການຮ່ວມມືອາຊີຕາເວັນອອກ. ໃນດ້ານການຮ່ວມມືຂອງອາຊີຕາເວັນອອກ, ຈີນມີເຈດຈຳນົງໃຫ້ຍຶດໝັ້ນນ້ຳໃຈຮ່ວມມືອາຊີຕາເວັນອອກແລະຍຶດໝັ້ນຫຼັກການທີ່ມີຄວາມເປັນໄປໄດ້ແລະມີປະສິດທິຜົນຈຳນວນໜຶ່ງຄື: ຍຶດໝັ້ນອາຊຽນເປັນຜູ້ນຳພາ ປຶກສາຫາລືເປັນເອກະສັນກັນ,ພິຈາລະນາເຖິງຄວາມຮຽກຮ້ອງຕ້ອງການຂອງຝ່າຍຕ່າງໆທີ່ກ່ຽວຂ້ອງແລະອື່ນໆ, ເສີມຂະຫຍາຍຮູບແບບການຮ່ວມມືຂອງພາກພື້ນທີ່ມີເອກກະລັກພິເສດຂອງອາຊີຕາເວັນອອກ. ຈີນຕັ້ງໜ້າສະໜັບສະໜູນແລະເຂົ້າຮ່ວມການຮ່ວມມືຂອງກົນໄກຕ່າງໆ, ສຸມກຳລັງເຂົ້າໃນການສ້າງສະພາບຂອງການຮ່ວມມືທີ່ຊ່ວຍຊູຍູ້ໜູນກັນ ເປີດປະຕູແລະຜ່ອນສັ້ນຜ່ອນຍາວຕໍ່ກັນ.
ໃນບັນຫາທະເລຈີນໃຕ້, ທ່ານຫຼີເຄີ້ສຽງກ່າວວ່າ, ຄວາມຕັດສິນໃຈອັນເດັດດ່ຽວໜຽວແໜ້ນຂອງລັດຖະບານຈີນແມ່ນເດີນຕາມເສັ້ນທາງພັດທະນາແຫ່ງຊາດສັນຕິພາບເດັດດ່ຽວໜຽວແໜ້ນ, ມານະຈິດໃນການປົກປັກຮັກສາອະທິປະໄຕແລະຜືນແຜ່ນດິນອັນຄົບຖ້ວນຂອງຈີນຈະບໍ່ມີການຫວັ່ນໄຫວຄ່ອນແຄບ. ຍ້ອນແນວນັ້ນ, ຈີນຈຶ່ງດຳເນີນການສົນທະນາກັບປະເທດທີ່ກ່ຽວຂ້ອງແລະອາຊຽນຢ່າງບໍ່ລົດລະ, ເພື່ອສະແຫວງຫາຊ່ອງທາງທີ່ມີປະສິດທິພາບໃນການປົກປັກຮັກສາສະຖຽນລະພາບຂອງພາກພື້ນ.
ປີ 2002, ຈີນແລະປະເທດອາຊຽນໄດ້ເຊັນ "ຖະແຫຼງການແຫ່ງການປະພຶດຂອງບັນດາຝ່າຍໃນທະເລຈີນໃຕ້", ນີ້ແມ່ນເອກະສານພື້ນຖານໃນການປົກປັກຮັກສາສັນຕິພາບແລະສະຖຽນລະພາບຂອງທະເລຈີນໃຕ້. ຖະແຫຼງການສະບັບນີ້ຄວນໄດ້ຮັບການປະຕິບັດແລະໄດ້ຮັບການປົກປັກຮັກສາຈາກຝ່າຍຕ່າງໆທີ່ກ່ຽວຂ້ອງ. ຈີນແລະປະເທດອາຊຽນຄວນຍຶດໝັ້ນການສົນທະນາແລະການຮ່ວມມື, ປົກປັກຮັກສາສັນຕິພາບແລະສະຖຽນລະພາບຂອງເຂດທະເລຈີນໃຕ້ຢ່າງແທ້ຈິງ.
