ຕອນຄ່ຳວັນທີ 9 ຕຸລານີ້,ທ່ານລີເຄີ້ສຽງ(ຜູ້ຢູ່ຊ້າຍ)ເຂົ້າຮ່ວມງານລ້ຽງອາຫານຄ່ຳ,ຊູນຕານຮາຊັນນານ ໂບນເກຍພ້ອມອັກຄະມະເຫສີໃຫ້ການຕ້ອນຮັບຢ່າງອົບອຸ່ນ
ຕອນຄ່ຳວັນທີ 9 ຕຸລານີ້, ຢູ່ນະຄອນຫຼວງບານດາເຊຣີເບກາວັນຂອງບຣູໄນ, ທ່ານລີເຄີ້ສຽງ ນາຍົກລັດຖະມົນຕີຈີນໄດ້ເຂົ້າຮ່ວມງານລ້ຽງອາຫານຄ່ຳທີ່ທ່ານຮາຊັນນານ ໂບນເກຍ ຊຸນຕານຂອງບຣູໄນຈັດຂຶ້ນຢູ່ສູນປະຊຸມສາກົນເພື່ອເປັນກຽດໃຫ້ແກ່ຜູ້ນຳຂອງບັນດາປະເທດທີ່ເຂົ້າຮ່ວມກອງປະຊຸມສຸດຍອດອາຊີຕາເວັນອອກ.
ໃນເວລາທ່ານລີເຄີ້ສຽງໄດ້ເດີນທາງໄປເຖິງສູນປະຊຸມສາກົນໃນຊຸດພື້ນເມືອງບຣູໄນ, ຊຸນຕານຮາຊັນນານ ໂບນເກຍພ້ອມອັກຄະມະເຫສີ ໄດ້ຕ້ອນຮັບທ່ານດ້ວຍຄວາມອົບອຸ່ນ. ທ່ານລີເຄີ້ສຽງໄດ້ສຳຜັດມືກັບສົມເດັດຊູນຕານແລະອັກຄະມະເຫສີຢ່າງສະໜິດສະໜົມແລະຖ່າຍຮູບຮ່ວມກັນ.
ຫຼັງຈາກນັ້ນ, ນັກສິລະປິນບຣູໄນໄດ້ສະແດງລາຍການສິລະປະວັນນະຄະດີທີ່ມີເອກະລັກສະເພາະຊົນເຜົ່າອັນເຂັ້ມຂຸ້ນເພື່ອຜູ້ນຳປະເທດຕ່າງໆ. ເພື່ອສະແດງເຖິງມິດໄມຕີຂອງປະຊາຊົນບຣູໄນທີ່ມີຕໍ່ປະຊາຊົນຈີນ, ຝ່າຍບຣູໄນໄດ້ກະກຽມເປັນພິເສດໃນການສະແດງລາຍການເພງຈີນທີ່ມີຊື່ສຽງຄືເພງ "ເຢລຽງຕ້າຍປຽວວົວເຕີຊິນ"ແປເປັນພາສາລາວແມ່ນ ດວງເດືອນແທນໃຈຂ້ອຍ.
ທ່ານລີເຄີສຽງໄດ້ສະແດງຄວາມຂອບໃຈນຳຊຸນຕານຮາຊັນນານ ໂບນເກຍພ້ອມອັກຄະມະເຫສີ ທີ່ໄດ້ຈັດວາງລາຍການຢ່າງສົມກຽດ, ແລະອວຍພອນໃຫ້ມິດຕະພານທີ່ມີມູນເຊື້ອລະຫວ່າງສອງຊາດຈີນ-ບຣູໄນຈົ່ງແຕກດອກອອກຜົນຍິ່ງໆຂຶ້ນ.
© China Radio International.CRI. All Rights Reserved. 16A Shijingshan Road, Beijing, China. 100040 |