ບຸກຄົນສື່ມວນຊົນບຣູໄນຕີລາຄາຢ່າງຕັ້ງໜ້າຕໍ່ຂໍ້ສະເໜີຂອງທ່ານຫຼີເຄີ້ຊຽງກ່ຽວກັບການເພີ່ມທະວີການພົວພັນຈີນ-ອາຊຽນ
(GMT+08:00) 2013-10-10 16:39:18 cri
ໃນກອງປະຊຸມສຸດຍອດຈີນ-ອາຊຽນຄັ້ງທີ 16 ທີ່ໄຂຂຶ້ນໃນວັນທີ 9 ຕຸລານີ້, ທ່ານຫຼີເຄີ້ຊຽງ ນາຍົກລັດຖະມົນຕີຈີນໄດ້ມີຂໍ້ສະເໜີກ່ຽວກັບການເພີ່ມທະວີການຮ່ວມມືລະຫວ່າງຈີນກັບອາຊຽນໃນ 7 ຂົງເຂດ. ນັກຂ່າວຂອງໜັງສືພິມ"ບຣູໄນແທັມ" ສື່ມວນຊົນສະບັບພາສາອັງກິດຕົ້ນຕໍຂອງບຣູໄນກ່າວວ່າ, ທ່ານມີຄວາມສົນໃຈທີ່ສຸດຕໍ່ຂໍ້ສະເໜີຂອງທ່ານຫຼີເຄີ້ຊຽງກ່ຽວກັບການເສີມສ້າງພື້ນຖານໂຄງລ່າງ, ເພາະວ່າຂໍ້ສະເໜີດັ່ງກ່າວສອດຄ່ອງກັບຄວາມຕ້ອງການຕົວຈິງຂອງບາງປະເທດອາຊຽນ, ເພາະວ່າຫຼາຍປະເທດສະມາຊິກຂອງອາຊຽນຍັງບໍ່ທັນພັດທະນາປານໃດໃນດ້ານນີ້, ຂໍ້ສະເໜີຂໍ້ນີ້ຂອງນາຍົກລັດຖະມົນຕີຈີນຈະມີຜົນປະໂຫຍດຫຼາຍຕໍ່ບາງປະເທດອາຊຽນ, ໂດຍສະເພາະປະເທດລາວ, ມຽນມາແລະຫວຽດນາມ.
ນອກຈາກເລັ່ງລັດການເຊື່ອມຈອດກັນແລະການກໍ່ສ້າງພື້ນຖານໂຄງລ່າງແລ້ວ, ນັກຂ່າວຜູ້ນີ້ຍັງເວົ້າວ່າ, ປັດຈຸບັນ ຫຼາຍປະເທດອາຊຽນຍັງຂາດຄວາມສາມາດໃນດ້ານການຄຸ້ມຄອງການທະນາຄານແລະການເງິນ, ສ່ວນຂໍ້ສະເໜີຂອງທ່ານຫຼີເຄີ້ຊຽງກ່ຽວກັບການເພີ່ມທະວີການຮ່ວມມືດ້ານການທະນາຄານຂອງພາກພື້ນແຫ່ງນີ້ຈະມີຜົນດີຕໍ່ການຍົກຄວາມສາມາດຄຸ້ມຄອງການທະນາຄານຂອງບາງປະເທດອາຊຽນໃຫ້ສູງຂຶ້ນ, ແລະຈະມີຜົນດີຕໍ່ສະຖຽນລະພາບດ້ານການທະນາຄານຂອງພາກພື້ນ.
ນອກຈາກເລັ່ງລັດການເຊື່ອມຈອດກັນແລະການກໍ່ສ້າງພື້ນຖານໂຄງລ່າງແລ້ວ, ນັກຂ່າວຜູ້ນີ້ຍັງເວົ້າວ່າ, ປັດຈຸບັນ ຫຼາຍປະເທດອາຊຽນຍັງຂາດຄວາມສາມາດໃນດ້ານການຄຸ້ມຄອງການທະນາຄານແລະການເງິນ, ສ່ວນຂໍ້ສະເໜີຂອງທ່ານຫຼີເຄີ້ຊຽງກ່ຽວກັບການເພີ່ມທະວີການຮ່ວມມືດ້ານການທະນາຄານຂອງພາກພື້ນແຫ່ງນີ້ຈະມີຜົນດີຕໍ່ການຍົກຄວາມສາມາດຄຸ້ມຄອງການທະນາຄານຂອງບາງປະເທດອາຊຽນໃຫ້ສູງຂຶ້ນ, ແລະຈະມີຜົນດີຕໍ່ສະຖຽນລະພາບດ້ານການທະນາຄານຂອງພາກພື້ນ.
