ໃນເວລາເຂົ້າຮ່ວມງານສະແດງວາງລົດໄຟຄວາມໄວສູງກັບທ່ານນາງຢິງລັກ ນາຍົກລັດຖະມົນຕີໄທ, ທ່ານຫຼີເຄີ້ຊຽງກ່າວເນັ້ນວ່າ, ຊຸກຍູ້ຄວາມເຊື່ອມຈອດກັນ, ສ້າງຄວາມສຸກໃຫ້ປະຊາຊົນສອງຊາດແລະພາກພື້ນ
ຕາມຂ່າວສານຊິນຮວາ: ຕອນເຊົ້າວັນທີ12 ຕຸລານີ້, ທ່ານຫຼີເຄີ້ຊຽງ ນາຍົກລັດຖະມົນຕີຈີນກັບທ່ານນາງຍິງລັກ ຊິນນະວັດ ນາຍົກລັດຖະມົນຕີໄທໄດ້ເຂົ້າຮ່ວມພິພີໄຂງານວາງສະແດງທາງລົດໄຟຄວາມໄວສູງຂອງຈີນຢູ່ສູນງານວາງສະແດງສິຣິກິດ ກິຕິຢາຄອນຂອງບາງກອກ.
ກ່ອນອື່ນ, ນາຍົກລັດຖະມົນຕີສອງປະເທດໄດ້ຕັດແຖບຜ້າໃຫ້ງານວາງະສດແດງທາງລົດໄຟຄວາມໄວສູງຈີນ. ຕາມແນະນຳວ່າ, ຖ້າໃຊ້ເຕັກນິກທາງລົດໄຟຄວາມໄວສູງຂອງຈີນແລ້ວ, ໄລຍະທາງ678 ກິໂລແມັດຈາກບາງກອກຫາຊຽງໃໝ່, ເວລາເດີນທາງຈະຈາກ11 ກວ່າຊົ່ວໂມງຫຼຸດລົງເປັນ 3 ຊົ່ວໂມງ.
ທ່ານຫຼີເຄີ້ຊຽງກ່າວເນັ້ນວ່າ, ຈີນໄທເພີ່ມທະວີການຮ່ວມມືທາງລົດໄຟ, ບໍ່ພຽງແຕ່ຈະຊຸກຍູ້ການສ້າງສາພື້ນຖານໂຄງລ່າງແລະການພັດທະນາເສດຖະກິດສັງຄົມຂອງໄທເທົ່ານັ້ນ, ຍັງມີຜົນດີຕໍ່ສອງປະເທດບັນລຸຕ່າງຝ່າຍຕ່າງມີຜົນປະໂຫຍດ, ແລະສ້າງຄວາມສຸກໃຫ້ປະຊາຊົນສອງຊາດ, ແລະປະກອບສ່ວນເຂົ້າໃນການສ້າງສາຄວາມເຊື່ອມຈອກກັນຂອງພາກພື້ນ.
ທ່ານນາງຍິງລັກໄດ້ແນະນຳແຜນການສ້າງສາທາງລົດໄຟຄວາມໄວສູງຂອງໄທແລະຖານະຂອງໄທໃນການເຊື່ອມຈອກກັນພາກພື້ນຕໍ່ທ່ານຫຼີເຄີ້ຊຽງ. ທ່ານນາງໄດ້ຍ້ອງຍໍຜົນສຳເລັດຂອງຈີນໃນການສ້າງທາງລົດໄຟຄວາມໄວສູງ, ແລະຊົມເຊີຍວິສາຫະກິດຈີນຕັ້ງໜ້າເຂົ້າຮ່ວມການສ້າງສາໂຄງການທາງລົດໄຟຄວາມໄວສູງຂອງໄທ.
