ເຫດການກ່ຽວກັບກຳມະກອນຈີນຈຳນວນ 135 ຄົນຖືກກົມກວດກາຄົນເຂົ້າເມືອງຟີລິບປິນກັກຕົວນັ້ນໄດ້ຮັບການແກ້ໄຂແລ້ວ
(GMT+08:00) 2013-10-14 15:05:23 cri
ຕາມສະຖານທູດຈີນປະຈຳຟີລິບປິນແຈ້ງໃຫ້ຊາບໃນວັນທີ 13 ຕຸລານີ້ວ່າ, ກຳມະກອນຈີນຈຳນວນ 135 ຄົນທີ່ຖືກເຈົ້າໜ້າທີ່ຟີລິບປິນ ກັກຕົວນັ້ນ, ມີ 40 ຄົນທີ່ຖືໜັງສືອະນຸຍາດເຮັດວຽກນັ້ນໄດ້ຮັບການອະນຸມັດໃຫ້ກັບຄືນສູ່ບ່ອນເຮັດວຽກແລ້ວ, 50ຄົນໄດ້ກັບຄືນປະເທດຈີນ, ຍັງມີ 45 ຄົນຈະກັບຄືນປະເທດໃນອີກບໍ່ເທົ່າໃດມື້ຂ້າງໜ້ານີ້.
ພາຍຫຼັງເກີດເຫດການທີ່ກຳມະກອນຈີນຖືກກົມກວດກາຄົນເຂົ້າເມືອງຟີລິບປິນກັກຕົວແລ້ວ, ຕອນຄ່ຳວັນດຽວກັນ, ເຈົ້າໜ້າທີ່ສະຖານທູດຈີນປະຈຳຟີລິບປິນຫຼາຍທ່ານໄດ້ເດີນທາງໄປແຂວງບາຕານກາສເປັນການດ່ວນເພື່ອຊອກຮູ້ແລະຢືນຢັນສະພາບທີ່ກ່ຽວຂ້ອງ, ແລະໄປຢາມກຳມະກອນຈີນທີ່ຖືກກັກຕົວ. ໃນເວລາພົບປະກັບເຈົ້າໜ້າທີ່ກົມກວດກາຄົນເຂົ້າເມືອງຟີລິບປິນ, ເຈົ້າໜ້າທີ່ສະຖານທູດຈີນໄດ້ຮຽກຮ້ອງໃຫ້ເຈົ້າໜ້າທີ່ຟີລິບປິນຈົ່ງປະຕິບັດກົດໝາຍດ້ວຍຄວາມເປັນທຳ,ໃຫ້ການປະຕິບັດຕໍ່ຜູ້ຖືກກັກຕົວຢ່າງມີມະນຸດສະທຳ,ແລະຮັບປະກັນຄວາມປອດໄພແລະສິດທີ່ຊອບດ້ວຍກົດໝາຍຂອງເຂົາເຈົ້າ. ຜ່ານຈາກການຕໍ່ວ່າທັກທ້ວງແລະປະສານງານຈາກຝ່າຍຕ່າງໆ, ກຳມະກອນຈີນ 40 ຄົນໄດ້ກັບຄືນສູ່ສະຖານທີ່ກໍ່ສ້າງໂຄງການເຂື່ອນໄຟຟ້າຂອງແຂວງບາຕານກາສແລ້ວ, ທີ່ຍັງເຫຼືອຈຳນວນ 95 ຄົນນັ້ນ, ມີ 50ຄົນໄດ້ແບ່ງເປັນສອງງວດກັບຄືນປະເທດດ້ວຍຍົນໂດຍສານພົນລະເຮືອນໃນຕອນຄ່ຳວັນທີ 12 ແລະຕອນເຊົ້າວັນທີ 13 ຕຸລານີ້. ສະຖານທູດຈີນປະຈຳຟີລິບປນຈະຊ່ວຍວິສາຫະກິດທີ່ກ່ຽວຂ້ອງເຮັດວຽກການຈັດສັນກຳມະກອນ 45 ຄົນທີ່ຍັງເຫຼືອນັ້ນກັບຄືນປະເທດໃນອີກບໍ່ເທົ່າໃດມືຂ້າງໜ້ານີ້.
ພາຍຫຼັງເກີດເຫດການທີ່ກຳມະກອນຈີນຖືກກົມກວດກາຄົນເຂົ້າເມືອງຟີລິບປິນກັກຕົວແລ້ວ, ຕອນຄ່ຳວັນດຽວກັນ, ເຈົ້າໜ້າທີ່ສະຖານທູດຈີນປະຈຳຟີລິບປິນຫຼາຍທ່ານໄດ້ເດີນທາງໄປແຂວງບາຕານກາສເປັນການດ່ວນເພື່ອຊອກຮູ້ແລະຢືນຢັນສະພາບທີ່ກ່ຽວຂ້ອງ, ແລະໄປຢາມກຳມະກອນຈີນທີ່ຖືກກັກຕົວ. ໃນເວລາພົບປະກັບເຈົ້າໜ້າທີ່ກົມກວດກາຄົນເຂົ້າເມືອງຟີລິບປິນ, ເຈົ້າໜ້າທີ່ສະຖານທູດຈີນໄດ້ຮຽກຮ້ອງໃຫ້ເຈົ້າໜ້າທີ່ຟີລິບປິນຈົ່ງປະຕິບັດກົດໝາຍດ້ວຍຄວາມເປັນທຳ,ໃຫ້ການປະຕິບັດຕໍ່ຜູ້ຖືກກັກຕົວຢ່າງມີມະນຸດສະທຳ,ແລະຮັບປະກັນຄວາມປອດໄພແລະສິດທີ່ຊອບດ້ວຍກົດໝາຍຂອງເຂົາເຈົ້າ. ຜ່ານຈາກການຕໍ່ວ່າທັກທ້ວງແລະປະສານງານຈາກຝ່າຍຕ່າງໆ, ກຳມະກອນຈີນ 40 ຄົນໄດ້ກັບຄືນສູ່ສະຖານທີ່ກໍ່ສ້າງໂຄງການເຂື່ອນໄຟຟ້າຂອງແຂວງບາຕານກາສແລ້ວ, ທີ່ຍັງເຫຼືອຈຳນວນ 95 ຄົນນັ້ນ, ມີ 50ຄົນໄດ້ແບ່ງເປັນສອງງວດກັບຄືນປະເທດດ້ວຍຍົນໂດຍສານພົນລະເຮືອນໃນຕອນຄ່ຳວັນທີ 12 ແລະຕອນເຊົ້າວັນທີ 13 ຕຸລານີ້. ສະຖານທູດຈີນປະຈຳຟີລິບປນຈະຊ່ວຍວິສາຫະກິດທີ່ກ່ຽວຂ້ອງເຮັດວຽກການຈັດສັນກຳມະກອນ 45 ຄົນທີ່ຍັງເຫຼືອນັ້ນກັບຄືນປະເທດໃນອີກບໍ່ເທົ່າໃດມືຂ້າງໜ້ານີ້.
