ຜູ້ຊ່ຽວຊານເຫັນວ່າ ຈີນສະເໜີເຊັນສົນທິສັນຍາວ່າດ້ວຍໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນແລະການຮ່ວມມືກັນລະຫວ່າງຈີນ-ອາຊຽນແມ່ນເພື່ອເຮັດໃຫ້ປະເທດໃກ້ຄຽງມີຄວາມໄວ້ວາງໃຈຕໍ່ຈີນຫຼາຍກວ່າເກົ່າ
(GMT+08:00) 2013-10-14 16:53:00 cri
ໃນເວລາເຂົ້າຮ່ວມກອງປະຊຸມສຸດຍອດຈີນ-ອາຊຽນຄັ້ງທີ 16 ທີ່ຈັດຂຶ້ນຢູ່ບັນດາເສຣີເບກາວັນຂອງບຼູໄນໃນຫວ່າງມໍ່ໆນີ້, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ສະເໜີໃຫ້ຕັ້ງໜ້າຄົ້ນຄວ້າປຶກສາຫາລືແລະເຊັນຂໍ້ສະເໜີກ່ຽວກັບການເຊັນສົນທິສັນຍາວ່າດ້ວຍໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນແລະການຮ່ວມມືກັນລະຫວ່າງຈີນ-ອາຊຽນ. ຂໍ້ສະເໜີດັ່ງກ່າວແມ່ນຂໍ້ທຳອິດໃນຈຳນວນ 7 ຂໍ້ທີ່ທ່ານຫຼີເຄີ້ສຽງສະເໜີອອກ, ໄດ້ດຶງດູດຄວາມເອົາໃຈໃສ່ຫຼາຍທີ່ສຸດຈາກຝ່າຍຕ່າງໆ. ໃນເວລາໃຫ້ສຳພາດຕໍ່ນັກຂ່າວ CRI ຜູ້ຊ່ຽວຊານຈີນກ່ຽວກັບບັນຫາອາຊຽນກ່າວວ່າ, ຈີນໄດ້ສະເໜີຂໍ້ສະເໜີດັ່ງກ່າວມີຈຸດປະສົງເພື່ອເຮັດໃຫ້ປະເທດບ້ານໃກ້ເຮືອນຄຽງມີຄວາມໄວ້ວາງໃຈຕໍ່ຈີນຫຼາຍກວ່າເກົ່າ, ເພີ່ມທະວີຄວາມໄວ້ເນື້ອເຊື່ອໃຈກັນລະຫວ່າງຈີນ-ອາຊຽນຕື່ມອີກ.
ທ່ານສູ້ຊິ່ງ, ຫົວໜ້າສະຖາບັນຄົ້ນຄວ້າບັນຫາສາກົນຈີນເຫັນວ່າ, ຝ່າຍຈີນສະເໜີຂໍ້ສະເໜີດັ່ງກ່າວນັ້ນໄດ້ຕອບສະໜອງຕໍ່ຄວາມເອົາໃຈໃສ່ຂອງອາຊຽນຢ່າງຫຼວງຫຼາຍໃນການຂະຫຍາຍການພົວພັນກັບຈີນ. ທ່ານກ່າວວ່າ, ພວກຂ້າພະເຈົ້າສະເໜີໃຫ້ເຊັນສົນທິສັນຍາວ່າດ້ວຍໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນແລະການຮ່ວມມືກັນ, ໃນນັ້ນ ປະເທດບ້ານໃກ້ເຮືອນຄຽງທີ່ດີຕໍ່ກັນແມ່ນມີຄວາມສຳຄັນຫຼາຍ. ນັ້ນກໍ່ແມ່ນການຮັດແໜ້ນແລະຂະຫຍາຍການພົວພັນໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງສອງຝ່າຍດ້ວຍກົດໝາຍ, ກຳຈັດວິທີແກ້ໄຂຄວາມຂັດແຍ່ງກັນດ້ວຍກຳລັງທະຫານ. ພ້ອມດຽວກັນນັ້ນ, ຖ້າສາມາດເຊັນສົນທິສັນຍາສະບັບນີ້ກໍ່ສາມາດສ້າງພື້ນຖານທາງດ້ານກົດໝາຍທີ່ໝັ້ນແກ່ນໃຫ້ແກ່ການຂະຫຍາຍການພົວພັນລະຫວ່າງຈີນ-ອາຊຽນໃຫ້ກ້າວຂຶ້ນສູ່ລະດັບສູງໃໝ່.
ທ່ານຈ່າງສຸຍກ່າງ ຮອງຫົວໜ້າພະແນກຄົ້ນຄວ້າອາຊີໃຕ້ແລະອາຊີຕາເວັນອອກສຽງໃຕ້ຂອງສະຖາບັນຄົ້ນຄວ້າການພົວພັນສາກົນສະໄໝປະຈຸບັນຂອງຈີນເຫັນວ່າ, ຈີນສະເໜີໃຫ້ມີການຄົ້ນຄວ້າປຶກສາຫາລືແລະເຊັນສົນທິສັນຍາວ່າດ້ວຍໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນແລະການຮ່ວມມືກັນແມ່ນມາດຕະການທີ່ມີລັກສະນະປະດິດສ້າງໃໝ່, ມີຈຸດພິເສດຂອງຍຸກໃໝ່, ໄດ້ສະແດງໃຫ້ເຫັນທັດສະນະໄມຕີຈິດມິດຕະພາບແລະການຮ່ວມມືແບບໃໝ່ຂອງຈີນ, ຍັງມີບົດບາດຊີ້ນຳໃນການແກ້ໄຂຄວາມຂັດແຍ່ງກັນລະຫວ່າງຈີນ-ອາຊຽນຢູ່ເຂດທະເລຈີນໃຕ້ໂດຍສັນຕິ.
ທ່ານສູ້ຊິ່ງ, ຫົວໜ້າສະຖາບັນຄົ້ນຄວ້າບັນຫາສາກົນຈີນເຫັນວ່າ, ຝ່າຍຈີນສະເໜີຂໍ້ສະເໜີດັ່ງກ່າວນັ້ນໄດ້ຕອບສະໜອງຕໍ່ຄວາມເອົາໃຈໃສ່ຂອງອາຊຽນຢ່າງຫຼວງຫຼາຍໃນການຂະຫຍາຍການພົວພັນກັບຈີນ. ທ່ານກ່າວວ່າ, ພວກຂ້າພະເຈົ້າສະເໜີໃຫ້ເຊັນສົນທິສັນຍາວ່າດ້ວຍໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນແລະການຮ່ວມມືກັນ, ໃນນັ້ນ ປະເທດບ້ານໃກ້ເຮືອນຄຽງທີ່ດີຕໍ່ກັນແມ່ນມີຄວາມສຳຄັນຫຼາຍ. ນັ້ນກໍ່ແມ່ນການຮັດແໜ້ນແລະຂະຫຍາຍການພົວພັນໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນລະຫວ່າງສອງຝ່າຍດ້ວຍກົດໝາຍ, ກຳຈັດວິທີແກ້ໄຂຄວາມຂັດແຍ່ງກັນດ້ວຍກຳລັງທະຫານ. ພ້ອມດຽວກັນນັ້ນ, ຖ້າສາມາດເຊັນສົນທິສັນຍາສະບັບນີ້ກໍ່ສາມາດສ້າງພື້ນຖານທາງດ້ານກົດໝາຍທີ່ໝັ້ນແກ່ນໃຫ້ແກ່ການຂະຫຍາຍການພົວພັນລະຫວ່າງຈີນ-ອາຊຽນໃຫ້ກ້າວຂຶ້ນສູ່ລະດັບສູງໃໝ່.
ທ່ານຈ່າງສຸຍກ່າງ ຮອງຫົວໜ້າພະແນກຄົ້ນຄວ້າອາຊີໃຕ້ແລະອາຊີຕາເວັນອອກສຽງໃຕ້ຂອງສະຖາບັນຄົ້ນຄວ້າການພົວພັນສາກົນສະໄໝປະຈຸບັນຂອງຈີນເຫັນວ່າ, ຈີນສະເໜີໃຫ້ມີການຄົ້ນຄວ້າປຶກສາຫາລືແລະເຊັນສົນທິສັນຍາວ່າດ້ວຍໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນແລະການຮ່ວມມືກັນແມ່ນມາດຕະການທີ່ມີລັກສະນະປະດິດສ້າງໃໝ່, ມີຈຸດພິເສດຂອງຍຸກໃໝ່, ໄດ້ສະແດງໃຫ້ເຫັນທັດສະນະໄມຕີຈິດມິດຕະພາບແລະການຮ່ວມມືແບບໃໝ່ຂອງຈີນ, ຍັງມີບົດບາດຊີ້ນຳໃນການແກ້ໄຂຄວາມຂັດແຍ່ງກັນລະຫວ່າງຈີນ-ອາຊຽນຢູ່ເຂດທະເລຈີນໃຕ້ໂດຍສັນຕິ.
