ນາຍົກລັດຖະມົນຕີຈີນພົບປະກັບປະທານສະພາແຫ່ງຊາດຫວຽດນາມ
ທ່ານຫຼີເຄີ້ສ໋ຽງ ນາຍົກລັດຖະມົນຕີຈີນໄດ້ພົບປະກັບທ່ານຫງວຽນຊິງຮຸ່ງ ປະທານສະພາແຫ່ງຊາດຫວຽດນາມໃນຕອນບ່າຍວັນທີ 14 ຕຸລານີ້ຢູ່ສະພາແຫ່ງຊາດຫວຽດນາມ.
ທ່ານຫຼີເຄີ້ສ໋ຽງ ນາຍົກລັດຖະມົນຕີຈີນໄດ້ພົບປະກັບທ່ານຫງວຽນຊິງຮຸ່ງ ປະທານສະພາແຫ່ງຊາດຫວຽດນາມໃນຕອນບ່າຍວັນທີ 14 ຕຸລານີ້ຢູ່ສະພາແຫ່ງຊາດຫວຽດນາມ.
ທ່ານຫຼີເຄີ້ສ໋ຽງກ່າວວ່າ, ຈີນແລະຫວຽດນາມເປັນບ້ານໃກ້ເຮືອນຄຽງເຊິ່ງກັນແລະກັນແລະຄູ່ຮ່ວມມືທີ່ສຳຄັນ.ຈີນຍິນດີຮ່ວມກັບຫວຽດນາມຮັກສາການແລກປ່ຽນກັນທາງຍຸດທະສາດລະຫວ່າງການນຳຂັ້ນສູງ,ຊຸກຍູ້ການຮ່ວມມືຕົວຈິງຢ່າງຮອບດ້ານ, ແກ້ໄຂຄວາມຂັດແຍ້ງຢ່າງເໝາະສົມ, ຊຸກຍູ້ການພົວພັນລະຫວ່າງສອງພັກສອງລັດໃຫ້ພັດທະນາກ້າວໄປໜ້າຢ່າງປອດໃສແລະໝັ້ນຄົງ. ສະພາປະຊາຊົນແຫ່ງຊາດຈີນກັບສະພາແຫ່ງຊາດຫວຽດນາມຮັກສາການແລກປ່ຽນແລະຮ່ວມມືກັນຢ່າງໃກ້ຊິດຍາວນານ. ຫວັງວ່າສະພາແຫ່ງຊາດຫວຽດນາມຈະສະໜັບສະໜູນຄວາມຮັບຮູ້ທີ່ເປັນເອກະສັນກັນທີ່ສຳຄັນທີ່ລັດຖະບານສອງປະເທດໄດ້ຕົກລົງຮ່ວມກັນຄືຊຸກຍູ້ການຮ່ວມມືທາງທະເລ,ທາງບົກແລະທາງດ້ານການເງິນໄປພ້ອມໆກັນ, ຊຸກຍູ້ການພົວພັນລະຫວ່າງຈີນຫວຽດນາມໃຫ້ໄດ້ຮັບການພັດທະນາຫຼາຍກວ່າເກົ່າ.
ທ່ານຫງວຽນຊິງຮຸ່ງກ່າວວ່າ, ການຢ້ຽມຢາມຂອງທ່ານນາຍົກຫຼີເຄີ້ສ໋ຽງໃນຄັ້ງນີ້ໄດ້ເປີດໜ້າໃໝ່ປະຫວັດການພົວພັນລະຫວ່າງສອງປະເທດ, ຄວາມຮັບຮູ້ທີ່ເປັນເອກະສັນກັນຂອງ ນາຍົກ ລັດຖະມົນຕີສອງປະເທດກ່ຽວກັບການຊຸກຍູ້ການຮ່ວມມືທາງທະເລ, ທາງບົກແລະທາງ ດ້ານ ການເງິນໄປພ້ອມໆກັນນັ້ນແມ່ນສອດຄ່ອງກັບຄວາມປາຖະໜາຮ່ວມຂອງປະຊາຊົນ ສອງ ຊາດແລະຜົນປະໂຫຍດຮ່ວມຂອງສອງປະເທດ,ຫວຽດນາມຍິນດີຮ່ວມກັບຝ່າຍຈີນຈັດຕັ້ງປະຕິບັດຄວາມຮັບຮູ້ທີ່ເປັນເອກະສັນກັນໃຫ້ດີ. ສະພາແຫ່ງຊາດຫວຽດນາມຍິນດີ ເພີ່ມທະວີການແລກປ່ຽນແລະຮ່ວມມືກັບສະພາປະຊາຊົນແຫ່ງຊາດຈີນ,ແລະເສີມຂະຫຍາຍບົດບາດທີ່ດີເພື່ອການພັດທະນາຂອງການພົວພັນລະຫວ່າງສອງປະເທດ.
