ນາຍົກລັດຖະມົນຕີຈີນຝາກຄວາມຫວັງນຳຊາວໜຸ່ມຈີນແລະຫວຽດນາມໃຫ້ສືບທອດມິດຕະພາບຈີນ-ຫວຽດນາມຕະຫຼອດໄປ
(GMT+08:00) 2013-10-16 16:22:13 cri
ວັນທີ 15 ຕຸລານີ້, ທ່ານຫຼີເຄີ້ສ໋ຽງ ນາຍົກລັດຖະມົນຕີຈີນໄດ້ເດີນທາງໄປເຖິງມະຫາວິທະຍາໄລແຫ່ງຊາດໂຮ່ໂນ້ຍຫວຽດນາມເພື່ອພົບປະສົນທະນາກັບຊາວໜຸ່ມຈີນແລະຫວຽດນາມ.
ທ່ານຫຼີເຄີ້ສ໋ຽງກ່າວວ່າ, ພື້ນຖານມິດຕະພາບລະຫວ່າງສອງປະເທດແມ່ນຢູ່ກັບປະຊາຊົນ, ສ່ວນອະນາຄົດຂອງມິດຕະພາບແມ່ນຢູ່ກັບຊາວໜຸ່ມ. ທ່ານໄດ້ຝາກຄວາມຫວັງນຳຊາວໜຸ່ມຈີນແລະຫວຽດນາມໃນ 3 ຂໍ້,ຄື ໜຶ່ງ, ຕັ້ງອຸດົມການທີ່ເປັນຜູ້ສືບທອດມິດຕະພາບຈີນຫວຽດນາມ,ເປັນຜູ້ທີ່ມີສ່ວນຮ່ວມຢ່າງຫ້າວຫັນແລະຜູ້ທີ່ມີຄວາມເດັດດ່ຽວໜຽວແໜ້ນໃນການຊຸກຍູ້ພາລະກິດອັນຍິ່ງໃຫຍ່ແຫ່ງມິດຕະພາບລະຫວ່າງສອງປະເທດ. ສອງ, ນຳໃຊ້ຊີວິດທີ່ສົດໃສຍາມໄວໜຸ່ມໃຫ້ມີຄຸນປະໂຫຍດ, ສ້າງພື້ນຖານວິຊາການທີ່ໜັກແໜ້ນ, ບໍ່ພຽງແຕ່ຮັບໃຊ້ປະເທດຊາດຂອງຕົນເທົ່ານັ້ນ,ຍັງຄວນປະກອບສ່ວນເຂົ້າໃນມິດຕະພາບຈີນ-ຫວຽດນາມອີກດ້ວຍ. ສາມ, ເພີ່ມທະວີມິດຕະພາບດ້ວຍການໄປມາຫາສູ່ກັນ.ລັດຖະບານຈີນຈະເພີ່ມຈຳນວນທຶນການສຶກສາໃຫ້ນັກສຶກສາຫວຽດນາມໄປຄົ້ນຄວ້າຮ່ຳຮຽນຢູ່ຈີນໃຫ້ຫຼາຍຂຶ້ນອີກ.
ສຸດທ້າຍ, ທ່ານຫຼີເຄີ້ສ໋ຽງກ່າວວ່າ, ພວກຂ້າພະເຈົ້າມີຄວາມໝັ້ນໃຈຢ່າງເຕັມປ່ຽມຕໍ່ອະນາຄົດຂອງການພົວພັນຈີນ-ຫວຽດນາມ. ຂໍແຕ່ຊາວໜຸ່ມສອງປະເທດຮ່ວມມືກັນ, ມິດຕະພາບຈີນ-ຫວຽດນາມກໍ່ຈະສາມາດສືບທອດຂະຫຍາຍຕົວໄປຕາມທຸກເຊັ່ນຄົນໄດ້ຢ່າງແນ່ນອນ.
ພາຍຫຼັງກິດຈະກຳແລກປ່ຽນໄດ້ສິ້ນສຸດລົງແລ້ວ, ທ່ານຫຼີເຄີ້ສ໋ຽງໄດ້ມອບປຶ້ມພາສາຈີນໃຫ້ຊາວໜຸ່ມທັງຫຼາຍແລະຖ່າຍຮູບຮ່ວມເພື່ອເປັນທີ່ລະນຶກ.
ທ່ານຫຼີເຄີ້ສ໋ຽງກ່າວວ່າ, ພື້ນຖານມິດຕະພາບລະຫວ່າງສອງປະເທດແມ່ນຢູ່ກັບປະຊາຊົນ, ສ່ວນອະນາຄົດຂອງມິດຕະພາບແມ່ນຢູ່ກັບຊາວໜຸ່ມ. ທ່ານໄດ້ຝາກຄວາມຫວັງນຳຊາວໜຸ່ມຈີນແລະຫວຽດນາມໃນ 3 ຂໍ້,ຄື ໜຶ່ງ, ຕັ້ງອຸດົມການທີ່ເປັນຜູ້ສືບທອດມິດຕະພາບຈີນຫວຽດນາມ,ເປັນຜູ້ທີ່ມີສ່ວນຮ່ວມຢ່າງຫ້າວຫັນແລະຜູ້ທີ່ມີຄວາມເດັດດ່ຽວໜຽວແໜ້ນໃນການຊຸກຍູ້ພາລະກິດອັນຍິ່ງໃຫຍ່ແຫ່ງມິດຕະພາບລະຫວ່າງສອງປະເທດ. ສອງ, ນຳໃຊ້ຊີວິດທີ່ສົດໃສຍາມໄວໜຸ່ມໃຫ້ມີຄຸນປະໂຫຍດ, ສ້າງພື້ນຖານວິຊາການທີ່ໜັກແໜ້ນ, ບໍ່ພຽງແຕ່ຮັບໃຊ້ປະເທດຊາດຂອງຕົນເທົ່ານັ້ນ,ຍັງຄວນປະກອບສ່ວນເຂົ້າໃນມິດຕະພາບຈີນ-ຫວຽດນາມອີກດ້ວຍ. ສາມ, ເພີ່ມທະວີມິດຕະພາບດ້ວຍການໄປມາຫາສູ່ກັນ.ລັດຖະບານຈີນຈະເພີ່ມຈຳນວນທຶນການສຶກສາໃຫ້ນັກສຶກສາຫວຽດນາມໄປຄົ້ນຄວ້າຮ່ຳຮຽນຢູ່ຈີນໃຫ້ຫຼາຍຂຶ້ນອີກ.
ສຸດທ້າຍ, ທ່ານຫຼີເຄີ້ສ໋ຽງກ່າວວ່າ, ພວກຂ້າພະເຈົ້າມີຄວາມໝັ້ນໃຈຢ່າງເຕັມປ່ຽມຕໍ່ອະນາຄົດຂອງການພົວພັນຈີນ-ຫວຽດນາມ. ຂໍແຕ່ຊາວໜຸ່ມສອງປະເທດຮ່ວມມືກັນ, ມິດຕະພາບຈີນ-ຫວຽດນາມກໍ່ຈະສາມາດສືບທອດຂະຫຍາຍຕົວໄປຕາມທຸກເຊັ່ນຄົນໄດ້ຢ່າງແນ່ນອນ.
ພາຍຫຼັງກິດຈະກຳແລກປ່ຽນໄດ້ສິ້ນສຸດລົງແລ້ວ, ທ່ານຫຼີເຄີ້ສ໋ຽງໄດ້ມອບປຶ້ມພາສາຈີນໃຫ້ຊາວໜຸ່ມທັງຫຼາຍແລະຖ່າຍຮູບຮ່ວມເພື່ອເປັນທີ່ລະນຶກ.
