ໂຄສົກກະຊວງການຕ່າງປະເທດຈີນແນະນຳໃຫ້ຮູ້ສະພາບຄວາມຄືບໜ້າຂອງວຽກງານກອບກູ້ຊ່ວຍເຫຼືອລູກເຮືອທີ່ປະສົບໄພໃນອຸປະຕິເຫດເຮືອຫຼົ້ມຂອງສ.ເກົາຫຼີ
(GMT+08:00) 2013-10-16 20:07:33 cri
ຕາມຂ່າວສານຊີນຮວາ: ຕອນບ່າຍວັນທີ 16 ຕຸລານີ້, ທ່ານນາງຮ້ວາຊຸ່ນອິງ, ໂຄສົກກະຊວງການຕ່າງປະເທດຈີນໄດ້ແນະນຳໃຫ້ຮູ້ສະພາບຄວາມຄືບໜ້າຂອງວຽກງານກອບກູ້ຊ່ວຍເຫຼືອລູກເຮືອທີ່ປະສົບໄພໃນອຸປະຕິເຫດເຮືອຫຼົ້ມຂອງສ.ເກົາຫຼີ.
ທ່ານນາງຮ້ວາຊຸ່ນອິງກ່າວໃນກອງປະຊຸມຂ່າວວ່າ, ຕອນຄ່ຳວັນທີ 15 ຕຸລານີ້, ເຮືອສິນຄ້າ "ເສີງລູ 15 "ທີ່ບັນທຸກລູກເຮືອຈີນ 18 ຄົນແລະລູກເຮືອຫວຽດນາມ 1 ຄົນໄດ້ຈົມລົງນ້ຳຢູ່ເຂດທະເລໃກ້ກັບໂປຮາງຂອງ ສ.ເກົາຫຼີຍ້ອນອາກາດບໍ່ດີ. ກະຊວງການຕ່າງປະເທດຈີນໄດ້ເອົາໃຈໃສ່ໃນລະດັບສູງຕໍ່ເລື່ອງນີ້, ໂດຍໄດ້ຮຽກຮ້ອງໃຫ້ສະຖານກົງສຸນໃຫຍ່ຈີນປະຈຳບູຊານດຳເນີນກົນໄກຮັບມືສຸກເສີນໃນທັນທີ, ໜ່ວຍງານຂອງສະຖານກົງສຸນໃຫຍ່ຈີນປະຈຳບູຊານໄດ້ເດີນທາງໄປທ່າກຳປັ່ນເຮືອທີ່ເກີດເຫດໂດຍດ່ວນເພື່ອກວດກາແລະຊອກຮູ້ສະພາບຕົວຈິງ, ແລະໄດ້ເຕືອນໃຫ້ ສ.ເກົາຫຼີ ພະຍາຍາມຊອກພົບລູກເຮືອຂອງຈີນຈົນສຸດຄວາມສາມາດຂອງຕົນ.
ທ່ານນາງຮ້ວາຊຸນອິງກ່າວຕື່ມວ່າ, ສ.ເກົາຫຼີໄດ້ປະສານສົມທົບຢ່າງຕັ້ງໜ້າ, ສົ່ງກຳປັ່ນ, ຍົນ ແລະພະນັກງານຈຳນວນຫຼວງຫຼາຍໄປກອບກູ້ຊ່ວຍເຫຼືອຜູ້ປະສົບໄພ, ປະຈຸບັນ ໄດ້ກອບກູ້ຜູ້ປະສົບໄພ 8 ຄົນ, ຊອກພົບສົບຂອງລູກເຮືອທີ່ເສຍຊີວິດ 9 ສົບ, ອີກ 2 ຄົນຫາຍສາບສູນ. ນັບມາຮອດປະຈຸບັນ ວຽກງານກອບກູ້ຍັງດຳເນີນຢູ່. ກົງສຸນໃຫຍ່ຈີນປະຈຳບູຊານໄດ້ເດີນທາງໄປໂຮງໝໍທ້ອງຖິ່ນແລະຢ້ຽມຢາມລູກເຮືອທີ່ໄດ້ຮັບການກອບກູ້.
ທ່ານນາງຮ້ວາຊຸ່ນອິງກ່າວວ່າ, ສູນປ້ອງກັນສະຖານກົງສຸນຂອງກະຊວງການຕ່າງປະເທດຈີນແລະສະຖານທູດຈີນປະຈຳ ສ.ເກົາຫຼີຈະສືບຕໍ່ຕິດຕາມສະພາບຄວາມຄືບໜ້າຂອງເຫດການນີ້ຢ່າງໃກ້ຊິດ, ປະສານງານແລະເຮັດວຽກງານຊອກຫາແລະກອບກູ້ຜູ້ປະສົບໄພ, ປິ່ນປົວຜູ້ທີ່ໄດ້ຮັບບາດເຈັບແລະແກ້ໄຂບັນຫາທີ່ກ່ຽວຂ້ອງອື່ນໆໃຫ້ດີ.
ທ່ານນາງຮ້ວາຊຸ່ນອິງກ່າວໃນກອງປະຊຸມຂ່າວວ່າ, ຕອນຄ່ຳວັນທີ 15 ຕຸລານີ້, ເຮືອສິນຄ້າ "ເສີງລູ 15 "ທີ່ບັນທຸກລູກເຮືອຈີນ 18 ຄົນແລະລູກເຮືອຫວຽດນາມ 1 ຄົນໄດ້ຈົມລົງນ້ຳຢູ່ເຂດທະເລໃກ້ກັບໂປຮາງຂອງ ສ.ເກົາຫຼີຍ້ອນອາກາດບໍ່ດີ. ກະຊວງການຕ່າງປະເທດຈີນໄດ້ເອົາໃຈໃສ່ໃນລະດັບສູງຕໍ່ເລື່ອງນີ້, ໂດຍໄດ້ຮຽກຮ້ອງໃຫ້ສະຖານກົງສຸນໃຫຍ່ຈີນປະຈຳບູຊານດຳເນີນກົນໄກຮັບມືສຸກເສີນໃນທັນທີ, ໜ່ວຍງານຂອງສະຖານກົງສຸນໃຫຍ່ຈີນປະຈຳບູຊານໄດ້ເດີນທາງໄປທ່າກຳປັ່ນເຮືອທີ່ເກີດເຫດໂດຍດ່ວນເພື່ອກວດກາແລະຊອກຮູ້ສະພາບຕົວຈິງ, ແລະໄດ້ເຕືອນໃຫ້ ສ.ເກົາຫຼີ ພະຍາຍາມຊອກພົບລູກເຮືອຂອງຈີນຈົນສຸດຄວາມສາມາດຂອງຕົນ.
ທ່ານນາງຮ້ວາຊຸນອິງກ່າວຕື່ມວ່າ, ສ.ເກົາຫຼີໄດ້ປະສານສົມທົບຢ່າງຕັ້ງໜ້າ, ສົ່ງກຳປັ່ນ, ຍົນ ແລະພະນັກງານຈຳນວນຫຼວງຫຼາຍໄປກອບກູ້ຊ່ວຍເຫຼືອຜູ້ປະສົບໄພ, ປະຈຸບັນ ໄດ້ກອບກູ້ຜູ້ປະສົບໄພ 8 ຄົນ, ຊອກພົບສົບຂອງລູກເຮືອທີ່ເສຍຊີວິດ 9 ສົບ, ອີກ 2 ຄົນຫາຍສາບສູນ. ນັບມາຮອດປະຈຸບັນ ວຽກງານກອບກູ້ຍັງດຳເນີນຢູ່. ກົງສຸນໃຫຍ່ຈີນປະຈຳບູຊານໄດ້ເດີນທາງໄປໂຮງໝໍທ້ອງຖິ່ນແລະຢ້ຽມຢາມລູກເຮືອທີ່ໄດ້ຮັບການກອບກູ້.
ທ່ານນາງຮ້ວາຊຸ່ນອິງກ່າວວ່າ, ສູນປ້ອງກັນສະຖານກົງສຸນຂອງກະຊວງການຕ່າງປະເທດຈີນແລະສະຖານທູດຈີນປະຈຳ ສ.ເກົາຫຼີຈະສືບຕໍ່ຕິດຕາມສະພາບຄວາມຄືບໜ້າຂອງເຫດການນີ້ຢ່າງໃກ້ຊິດ, ປະສານງານແລະເຮັດວຽກງານຊອກຫາແລະກອບກູ້ຜູ້ປະສົບໄພ, ປິ່ນປົວຜູ້ທີ່ໄດ້ຮັບບາດເຈັບແລະແກ້ໄຂບັນຫາທີ່ກ່ຽວຂ້ອງອື່ນໆໃຫ້ດີ.
