ທ່ານສີຈິ້ນຜິງເອົາໃຈໃສ່ສະພາບການເຈລະຈາລະຫວ່າງຜູ້ວ່າການເຂດບໍລິຫານພິເສດຮົງກົງຈີນກັບປະທານາທິບໍດີຟີລິບປິນ
(GMT+08:00) 2013-10-17 19:19:56 cri
ວັນທີ 17 ຕຸລານີ້, ທ່ານລຽງເຈິ້ນອິງ ຜູ້ວ່າການເຂດບໍລິຫານພິເສດຮົງກົງຈີນເຜີຍໃຫ້ຮູ້ວ່າ, ໃນໄລຍະເຂົ້າຮ່ວມກອງປະຊຸມສຸດຍອດຈີນ-ອາຊຽນຂອງອົງການຮ່ວມມືດ້ານເສດຖະກິດອາຊີປາຊີຟິກຫຼື APECຢູ່ເກາະບາຫຼີຂອງອິນໂດເນເຊຍ, ທ່ານສີຈິ້ນຜິງ ປະທານປະເທດຈີນໄດ້ຊັກຖາມເຖິງສະພາບການເຈລະຈາລະຫວ່າງທ່ານກັບປະທານາທິບໍດີຟີລິບປິນກ່ຽວກັບເຫດການຕົວປະກັນຢູ່ມານີລາ. ລັດຖະບານກາງເຫັນດີແລະສະໜັບສະໜູນເຂດພິເສດຮົງກົງແຕ່ງເຈົ້າໜ້າທີ່ໄປເຈລະຈາກັບເຈົ້າໜ້າທີ່ລັດຖະບານຟີລິບປິນຢ່າງເປັນທາງການ.
ໃນເວລາເຂົ້າຮ່ວມງານຕອບຄຳຖາມຂອງສະພານິຕິບັນຍັດໃນມື້ດຽວກັນ, ສະມາຊິກສະພາຫຼາຍທ່ານໄດ້ຖາມວ່າອົງການປົກຄອງເຂດພິເສດຮົງກົງຈະຕິດຕາມເຫດການຕົວປະກັນຢູ່ມານີລາແນວໃດ.
ທ່ານລຽງເຈີ້ນອິ່ງຊີ້ອອກວ່າ, ໃນ 3 ປີຜ່ານມາ, ວຽກງານຕິດຕາມເຫດການຕົວປະກັນຂອງອົງການປົກຄອງເຂດພິເສດຮົງກົງມີຄວາມຫຍຸ້ງຍາກລຳບາກຫຼາຍ. ພາຍຫຼັງທ່ານຂຶ້ນດຳລົງຕຳແໜ່ງຜູ້ວ່າການເຂດພິເສດຮົງກົງເປັນຕົ້ນມາ ທ່ານໄດ້ພົບປະກັບຄອບຄົວຂອງຜູ້ເສຍຊີວິດແລະຜູ້ທີ່ໄດ້ຮັບບາດເຈັບ,ຮັບປາກວ່າຈະທວງເອົາຄວາມຍຸດຕິທຳໃຫ້ເຂົາເຈົ້າ, ຍາດແຍ່ງບັນລຸຄຳຮຽກຮ້ອງ 4 ຂໍ້ເຊັ່ນ: ໃຫ້ລັດຖະບານຟີລິບປິນຂໍອະໄພແລະແທນຄ່າເສຍຫາຍເປັນຕົ້ນ.
ທ່ານລຽງເຈີ້ນອິ່ງກ່າວວ່າ, ລັດຖະບານກາງເອົາໃຈໃສ່ຫຼາຍຕໍ່ເລື່ອງນີ້, ທ່ານສີຈິ້ນຜິງ ປະທານປະເທດຈີນກໍ່ໄດ້ໃຫ້ຄວາມເອົາໃຈໃສ່, ນາຍົກລັດຖະມົນຕີແລະໂຄສົກກະຊວງການຕ່າງປະເທດຈີນແລະທ່ານອື່ນໆຕ່າງກໍ່ໄດ້ສະແດງທ່າທີຕໍ່ເລື່ອງນີ້. ທ່ານລຽງເຈິ້ນອິ່ງກ່າວວ່າ, ໃນການຈັດວາງວຽກງານໃນຂັ້ນຕອນຕໍ່ໄປ, ມີວຽກງານຫຼາຍສົມຄວນຕ້ອງການໃຫ້ລັດຖະບານກາງສືບຕໍ່ສະໜັບສະໜູນແລະປະສານສົມທົບກັນກັບວຽກງານຂອງເຂດພິເສດຮົງກົງຈີນ, ຈະລາຍງານສະພາບຄວາມຄືບໜ້າຂອງວຽກງານໃຫ້ລັດຖະບານກາງຮູ້ໃນທຸກໂອກາດ, ຖ້າມີຄວາມຈຳເປັນກໍ່ຈະສະເໜີຄຳຮ້ອງຂໍຕໍ່ລັດຖະບານກາງ.
ໃນເວລາເຂົ້າຮ່ວມງານຕອບຄຳຖາມຂອງສະພານິຕິບັນຍັດໃນມື້ດຽວກັນ, ສະມາຊິກສະພາຫຼາຍທ່ານໄດ້ຖາມວ່າອົງການປົກຄອງເຂດພິເສດຮົງກົງຈະຕິດຕາມເຫດການຕົວປະກັນຢູ່ມານີລາແນວໃດ.
ທ່ານລຽງເຈີ້ນອິ່ງຊີ້ອອກວ່າ, ໃນ 3 ປີຜ່ານມາ, ວຽກງານຕິດຕາມເຫດການຕົວປະກັນຂອງອົງການປົກຄອງເຂດພິເສດຮົງກົງມີຄວາມຫຍຸ້ງຍາກລຳບາກຫຼາຍ. ພາຍຫຼັງທ່ານຂຶ້ນດຳລົງຕຳແໜ່ງຜູ້ວ່າການເຂດພິເສດຮົງກົງເປັນຕົ້ນມາ ທ່ານໄດ້ພົບປະກັບຄອບຄົວຂອງຜູ້ເສຍຊີວິດແລະຜູ້ທີ່ໄດ້ຮັບບາດເຈັບ,ຮັບປາກວ່າຈະທວງເອົາຄວາມຍຸດຕິທຳໃຫ້ເຂົາເຈົ້າ, ຍາດແຍ່ງບັນລຸຄຳຮຽກຮ້ອງ 4 ຂໍ້ເຊັ່ນ: ໃຫ້ລັດຖະບານຟີລິບປິນຂໍອະໄພແລະແທນຄ່າເສຍຫາຍເປັນຕົ້ນ.
ທ່ານລຽງເຈີ້ນອິ່ງກ່າວວ່າ, ລັດຖະບານກາງເອົາໃຈໃສ່ຫຼາຍຕໍ່ເລື່ອງນີ້, ທ່ານສີຈິ້ນຜິງ ປະທານປະເທດຈີນກໍ່ໄດ້ໃຫ້ຄວາມເອົາໃຈໃສ່, ນາຍົກລັດຖະມົນຕີແລະໂຄສົກກະຊວງການຕ່າງປະເທດຈີນແລະທ່ານອື່ນໆຕ່າງກໍ່ໄດ້ສະແດງທ່າທີຕໍ່ເລື່ອງນີ້. ທ່ານລຽງເຈິ້ນອິ່ງກ່າວວ່າ, ໃນການຈັດວາງວຽກງານໃນຂັ້ນຕອນຕໍ່ໄປ, ມີວຽກງານຫຼາຍສົມຄວນຕ້ອງການໃຫ້ລັດຖະບານກາງສືບຕໍ່ສະໜັບສະໜູນແລະປະສານສົມທົບກັນກັບວຽກງານຂອງເຂດພິເສດຮົງກົງຈີນ, ຈະລາຍງານສະພາບຄວາມຄືບໜ້າຂອງວຽກງານໃຫ້ລັດຖະບານກາງຮູ້ໃນທຸກໂອກາດ, ຖ້າມີຄວາມຈຳເປັນກໍ່ຈະສະເໜີຄຳຮ້ອງຂໍຕໍ່ລັດຖະບານກາງ.
