ຮອງນາຍົກລັດຖະມົນຕີຈີນແລະຣັດເຊຍຈັດກອງປະຊຸມຄັ້ງທີ 17 ຂອງຄະນະກຳມະການພົບປະເຈລະຈາເປັນປະຈຳ
(GMT+08:00) 2013-10-19 14:39:59 cri
ຕາມຂ່າວສານຈີນ: ວັນທີ 18 ຕຸລານີ້, ຢູ່ນະຄອນຊີ່ອ່ານ, ທ່ານວ່າງຢາງ, ຮອງນາຍົກລັດຖະມົນຕີຈີນ, ປະທານຝ່າຍຈີນຂອງຄະນະກຳມະການພົບປະເຈລະຈາລະຫວ່າງນາຍົກລັດຖະມົນຕີຈີນແລະຣັດເຊຍເປັນປະຈຳ ກັບທ່ານໂຣໂກຊິນ, ຮອງນາຍົກລັດຖະມົນຕີຣັດເຊຍ, ປະທານຝ່າຍຣັດເຊຍ ໄດ້ຮ່ວມກັນຈັດກອງປະຊຸມຄັ້ງທີ 17 ຂອງຄະນະກຳມະການພົບປະເຈລະຈາລະຫວ່າງນາຍົກລັດຖະມົນຕີຈີນແລະຣັດເຊຍເປັນປະຈຳ, ເພື່ອທຳການກະກຽມເພື່ອການພົບປະເຈລະຈາລະຫວ່າງນາຍົກລັດຖະມົນຕີຈີນຣັດເຊຍເປັນປະຈຳຄັ້ງທີ 18 ທີ່ຈະຈັດຂຶ້ນໃນໄວໆນີ້.
ທ່ານວ່າງຢາງກ່າວວ່າ, ປີນີ້, ທ່ານຊີຈີ້ນພິງ, ປະທານປະເທດຈີນໄດ້ພົບປະກັບທ່ານວຼາດີເມຍ ປູຕິນ, ປະທານາທິບໍດີຣັດເຊຍ 5 ເທື່ອ, ໄດ້ວາງແຜນການພັດທະນາການພົວພັນຄູ່ປະສານງານຍຸດທະສາດຮອບດ້ານລະຫວ່າງຈີນກັບຣັດເຊຍ. ໜ້າທີ່ຕົ້ນຕໍຂອງສອງຝ່າຍ ແມ່ນຈັດຕັ້ງປະຕິບັດຄວາມເຫັນທີ່ເປັນເອກະສັນກັນຂອງຜູ້ນຳສອງປະເທດຢ່າງຮອບດ້ານ, ຫັນການພົວພັນການເມືອງທີ່ມີລະດັບສູງລະຫວ່າງຈີນກັບຣັດເຊຍ ໃຫ້ກາຍເປັນຜົນສຳເລັດຮ່ວມມືທີ່ຕິດແທດຕົວຈິງແລະອຸດົມສົມບູນ.
ທ່ານວ່າງຢາງກ່າວວ່າ, ຈີນກັບຣັດເຊຍແມ່ນປະເທດໃກ້ຄຽງທີ່ໃຫຍ່ກວ່າໝູ່ຂອງກັນ, ທັງເປັນປະເທດທີ່ເປັນຕະຫຼາດຈະເລີນໃໝ່ຄືກັນ, ມີທ່າແຮງທີ່ຊ່ວຍຊູຍູ້ໜູນກັນໃນດ້ານເສດຖະກິດຢ່າງຫຼວງຫຼາຍ, ການທີ່ເປີດກວ້າງແລະລົງເລິກການຮ່ວມມືທີ່ຕິດແທດຕົວຈິງຕື່ມອີກນັ້ນທັງມີຄວາມຈຳເປັນ ກໍ່ມີຄວາມອາດເປັນໄປໄດ້.
ທ່ານໂຣໂກຊິນກ່າວວ່າ, ຈີນແມ່ນຄູ່ຮ່ວມມືຍຸດທະສາດທີ່ສຳຄັນກວ່າໝູ່ຂອງຣັດເຊຍ, ຣັດເຊຍຖືການເປີດກວ້າງການຮ່ວມມືທີ່ຕິດແທດຕົວຈິງກັບຈີນ ເປັນທິດທາງບູລິມະສິດຂອງການຮ່ວມມືກັບຕ່າງປະເທດ, ຍິນດີຕ້ອນຮັບຈີນເຂົ້າຮ່ວມການປັບປຸງອຸດສາຫະກຳໃຫ້ທັນສະໄໝແລະການສ້າງພື້ນຖານໂຄງລ່າງ, ຕັ້ງໜ້າເພີ່ມທະວີການລົງທຶນຕໍ່ຣັດເຊຍ, ດຳເນີນການຮ່ວມມືໃນໂຄງການໃຫຍ່, ປັບປຸງພື້ນຖານທາງດ້ານວັດຖຸແຫ່ງການພົວພັນຄູ່ ປະສານງານຍຸດທະສາດຮອບດ້ານລະຫວ່າງຣັດເຊຍກັບຈີນຕື່ມອີກ.
ທ່ານວ່າງຢາງກ່າວວ່າ, ປີນີ້, ທ່ານຊີຈີ້ນພິງ, ປະທານປະເທດຈີນໄດ້ພົບປະກັບທ່ານວຼາດີເມຍ ປູຕິນ, ປະທານາທິບໍດີຣັດເຊຍ 5 ເທື່ອ, ໄດ້ວາງແຜນການພັດທະນາການພົວພັນຄູ່ປະສານງານຍຸດທະສາດຮອບດ້ານລະຫວ່າງຈີນກັບຣັດເຊຍ. ໜ້າທີ່ຕົ້ນຕໍຂອງສອງຝ່າຍ ແມ່ນຈັດຕັ້ງປະຕິບັດຄວາມເຫັນທີ່ເປັນເອກະສັນກັນຂອງຜູ້ນຳສອງປະເທດຢ່າງຮອບດ້ານ, ຫັນການພົວພັນການເມືອງທີ່ມີລະດັບສູງລະຫວ່າງຈີນກັບຣັດເຊຍ ໃຫ້ກາຍເປັນຜົນສຳເລັດຮ່ວມມືທີ່ຕິດແທດຕົວຈິງແລະອຸດົມສົມບູນ.
ທ່ານວ່າງຢາງກ່າວວ່າ, ຈີນກັບຣັດເຊຍແມ່ນປະເທດໃກ້ຄຽງທີ່ໃຫຍ່ກວ່າໝູ່ຂອງກັນ, ທັງເປັນປະເທດທີ່ເປັນຕະຫຼາດຈະເລີນໃໝ່ຄືກັນ, ມີທ່າແຮງທີ່ຊ່ວຍຊູຍູ້ໜູນກັນໃນດ້ານເສດຖະກິດຢ່າງຫຼວງຫຼາຍ, ການທີ່ເປີດກວ້າງແລະລົງເລິກການຮ່ວມມືທີ່ຕິດແທດຕົວຈິງຕື່ມອີກນັ້ນທັງມີຄວາມຈຳເປັນ ກໍ່ມີຄວາມອາດເປັນໄປໄດ້.
ທ່ານໂຣໂກຊິນກ່າວວ່າ, ຈີນແມ່ນຄູ່ຮ່ວມມືຍຸດທະສາດທີ່ສຳຄັນກວ່າໝູ່ຂອງຣັດເຊຍ, ຣັດເຊຍຖືການເປີດກວ້າງການຮ່ວມມືທີ່ຕິດແທດຕົວຈິງກັບຈີນ ເປັນທິດທາງບູລິມະສິດຂອງການຮ່ວມມືກັບຕ່າງປະເທດ, ຍິນດີຕ້ອນຮັບຈີນເຂົ້າຮ່ວມການປັບປຸງອຸດສາຫະກຳໃຫ້ທັນສະໄໝແລະການສ້າງພື້ນຖານໂຄງລ່າງ, ຕັ້ງໜ້າເພີ່ມທະວີການລົງທຶນຕໍ່ຣັດເຊຍ, ດຳເນີນການຮ່ວມມືໃນໂຄງການໃຫຍ່, ປັບປຸງພື້ນຖານທາງດ້ານວັດຖຸແຫ່ງການພົວພັນຄູ່ ປະສານງານຍຸດທະສາດຮອບດ້ານລະຫວ່າງຣັດເຊຍກັບຈີນຕື່ມອີກ.
