ເລຂາທິການໃຫຍ່ສັນນິບາດອາຣັບກ່າວວ່າ ກອງປະຊຸມເຊີແນວກ່ຽວກັບບັນຫາຊີຣີຄັ້ງທີ 2 ຄາດວ່າຈະໄຂຂຶ້ນໃນເດືອນພະຈິກໜ້ານີ້
(GMT+08:00) 2013-10-21 17:00:25 cri
ວັນທີ 20 ຕຸລານີ້, ທ່ານນາບິນ ອານ ອາຣາບີ ເລຂາທິການໃຫຍ່ສັນນິບາດອາຣັບກ່າວວ່າ, ກອງປະຊຸມເຊີແນວກ່ຽວກັບບັນຫາຊີຣີຄັ້ງທີ 2 ຄາດວ່າຈະຈັດຂຶ້ນແຕ່ວັນທີ 23ຫາ ວັນທີ 24 ພະຈິກໜ້ານີ້.
ໃນວັນດຽວກັນຢູ່ສຳນັກງານໃຫຍ່ສັນນິບາດອາຣັບທີ່ນະຄອນຫຼວງເລີແກຂອງເອຢິບ,ທ່ານອາຣາບີໄດ້ພົບປະກັບທ່ານລັກດາ ບຼາຮິມີຜູ້ຕາງໜ້າພິເສດຮ່ວມຂອງອົງການສະຫະປະຊາຊາດແລະສັນນິບາດອາຣັບກ່ຽວກັບບັນຫາຊີຣີ,ໂດຍໄດ້ປຶກສາຫາລືສະພາບຫຼ້າສຸດຂອງບັນຫາຊີຣີແລະຄວາມຄືບໜ້າການແກ້ໄຂວິກິດການການເມືອງຂອງຊີຣີ, ແລະທຳການກະກຽມເພື່ອກອງປະຊຸມເຊີແນວກ່ຽວກັບບັນຫາຊີຣີຄັ້ງທີ 2 .
ທ່ານບຼາຮິມີ ໄດ້ຢ້ຽມຢາມເຂດຕາເວັນອອກກາງໃນເມື່ອມໍ່ໆມານີ້,ທ່ານຍັງຈະເດີນທາງໄປຊີຣີແລະອີຣັກອີກ. ການຢ້ຽມຢາມໃນພາກພື້ນເທື່ອນີ້ຂອງທ່ານບຼາຮິມີເປັນການກະກຽມເພື່ອຈັດກອງປະຊຸມເຊີແນວກ່ຽວກັບບັນຫາຊີຣີ.
ກອງປະຊຸມສາກົນກ່ຽວກັບບັນຫາຊີຣີຄັ້ງທຳອິດໄດ້ຈັດຂຶ້ນໃນເດືອນມິຖຸນາປີ2012ຢູ່ນະຄອນເຊີແນວແຫ່ງສວິສ. ຖ້າວ່າກອງປະຊຸມຄັ້ງໃໝ່ຈະສາມາດໄຂຂຶ້ນຕາມເວລາກຳນົດ, ມັນຈະເປັນເທື່ອທີສອງທີ່ຝ່າຍຕ່າງໆທີ່ກ່ຽວຂ້ອງນັ່ງລົງມາປຶກສາຫາລືການແກ້ໄຂບັນຫາຊີຣີດ້ວຍວິທີທາງການເມືອງ.
ໃນວັນດຽວກັນຢູ່ສຳນັກງານໃຫຍ່ສັນນິບາດອາຣັບທີ່ນະຄອນຫຼວງເລີແກຂອງເອຢິບ,ທ່ານອາຣາບີໄດ້ພົບປະກັບທ່ານລັກດາ ບຼາຮິມີຜູ້ຕາງໜ້າພິເສດຮ່ວມຂອງອົງການສະຫະປະຊາຊາດແລະສັນນິບາດອາຣັບກ່ຽວກັບບັນຫາຊີຣີ,ໂດຍໄດ້ປຶກສາຫາລືສະພາບຫຼ້າສຸດຂອງບັນຫາຊີຣີແລະຄວາມຄືບໜ້າການແກ້ໄຂວິກິດການການເມືອງຂອງຊີຣີ, ແລະທຳການກະກຽມເພື່ອກອງປະຊຸມເຊີແນວກ່ຽວກັບບັນຫາຊີຣີຄັ້ງທີ 2 .
ທ່ານບຼາຮິມີ ໄດ້ຢ້ຽມຢາມເຂດຕາເວັນອອກກາງໃນເມື່ອມໍ່ໆມານີ້,ທ່ານຍັງຈະເດີນທາງໄປຊີຣີແລະອີຣັກອີກ. ການຢ້ຽມຢາມໃນພາກພື້ນເທື່ອນີ້ຂອງທ່ານບຼາຮິມີເປັນການກະກຽມເພື່ອຈັດກອງປະຊຸມເຊີແນວກ່ຽວກັບບັນຫາຊີຣີ.
ກອງປະຊຸມສາກົນກ່ຽວກັບບັນຫາຊີຣີຄັ້ງທຳອິດໄດ້ຈັດຂຶ້ນໃນເດືອນມິຖຸນາປີ2012ຢູ່ນະຄອນເຊີແນວແຫ່ງສວິສ. ຖ້າວ່າກອງປະຊຸມຄັ້ງໃໝ່ຈະສາມາດໄຂຂຶ້ນຕາມເວລາກຳນົດ, ມັນຈະເປັນເທື່ອທີສອງທີ່ຝ່າຍຕ່າງໆທີ່ກ່ຽວຂ້ອງນັ່ງລົງມາປຶກສາຫາລືການແກ້ໄຂບັນຫາຊີຣີດ້ວຍວິທີທາງການເມືອງ.
