ເຈົ້າໜ້າທີ່ຮົງກົງຈີນກ່າວວ່າ ບັນຫາໜີ້ສິນຂອງອາເມລິກາຍັງບໍ່ທັນໄດ້ຮັບການແກ້ໄຂຢ່າງເຖິງຖອງ, ຮົງກົງໄດ້ກຽມພ້ອມມາດຕະການປ້ອງກັນແລ້ວ
(GMT+08:00) 2013-10-21 17:05:47 cri
ວັນທີ 20 ຕຸລານີ້, ເວັບໄຊທີ່ກ່ຽວຂ້ອງໄດ້ລົງພິມບົດຄວາມຂອງທ່ານເຈິ່ງຈຸ້ນຮວາ ຫົວໜ້າພະແນກການເງິນອົງການປົກຄອງເຂດບໍລິຫານພິເສດຮົງກົງຈີນໂດຍຂຽນວ່າ, ເຖິງວ່າອາເມລິກາໄດ້ເລື່ອນເວລາກຳນົດສຸດທ້າຍຂອງເພດານໜີ້ສິນຂອງລັດຖະບານອອກໄປເຖິງວັນທີ 7 ກຸມພາ ປີ2014ໜ້ານີ້ກໍ່ຕາມ, ແຕ່ບັນຫາໜີ້ສິນຍັງບໍ່ທັນໄດ້ຮັບການແກ້ໄຂຢ່າງເຖິງຖອງເທື່ອ. ທ່ານໄດ້ວິເຄາະວ່າ, ຖ້າຫາກອາເມລິກາເກີດມີປະກົດການລະເມີດສັນຍາດ້ານໜີ້ສິນ, ສະຖາບັນການເງິນຈຳນວນໜຶ່ງຂອງຮົງກົງກໍ່ອາດຈະໄດ້ຮັບຜົນກະທົບເຊັ່ນກັນ.ໂດຍປະເຊີນໜ້າກັບຜົນກະທົບທີ່ອາດຈະເກີດຂຶ້ນກັບຕະຫຼາດການເງິນ, ພາກສ່ວນທີ່ກ່ຽວຂ້ອງຂອງຮົງກົງໄດ້ກຽມພ້ອມມາດຕະການປ້ອງກັນແລ້ວ.
ທ່ານເຈິ່ງຈຸ້ນຮວາກ່າວວ່າ, ມາດຕະການທີໜຶ່ງ ແມ່ນຂະແໜງການທະນາຄານຮົງກົງຍັງຈະຮັກສາທຶນໝູນວຽນໃນອັດຕາສ່ວນອັນແນ່ນອນໄວ້ເພື່ອຮັບມືກັບຄວາມສ່ຽງທີ່ເງິນທຶນຈະໄຫຼອອກສູ່ພາຍນອກ. ມາດຕະການທີສອງແມ່ນ ຕະຫຼາດຫຼັກຊັບຮົງກົງໄດ້ທຳການກະກຽມມາກ່ອນແລ້ວໃນການວາງມາດຕະການເພື່ອຮັບມືກັບຄວາມສ່ຽງທີ່ພັນທະບັດໄລຍະສັ້ນຈະເພີ່ມຂຶ້ນ. ມາດຕະການທີສາມແມ່ນພະແນກຄຸ້ມຄອງການເງິນຮົງກົງໄດ້ຕັກເຕືອນມາຫຼາຍເທື່ອແລ້ວໃຫ້ທະນາຄານຮັບປະກັນສະພາບເງິນຄ່ອງຢ່າງພຽງພໍ, ມາດຕະການທີສີ່ແມ່ນຫຼັກຊັບກອງທຶນເງິນຕາຕ່າງປະເທດທີ່ມີມູນຄ່າ 750 ຕື້ໂດລາຮົງກົງຢູ່ໃນຕະຫຼາດຮົງກົງໃນປະຈຸບັນສາມາດເປັນຫຼັກປະກັນທີ່ພຽງພໍ,ເພື່ອຈະໄດ້ຮັບທຶນໝູນວຽນສະກຸນໂດລາຮົງກົງ.
ທ່ານເຈິ່ງຈຸ້ນຮວາກ່າວວ່າ, ມາດຕະການທີໜຶ່ງ ແມ່ນຂະແໜງການທະນາຄານຮົງກົງຍັງຈະຮັກສາທຶນໝູນວຽນໃນອັດຕາສ່ວນອັນແນ່ນອນໄວ້ເພື່ອຮັບມືກັບຄວາມສ່ຽງທີ່ເງິນທຶນຈະໄຫຼອອກສູ່ພາຍນອກ. ມາດຕະການທີສອງແມ່ນ ຕະຫຼາດຫຼັກຊັບຮົງກົງໄດ້ທຳການກະກຽມມາກ່ອນແລ້ວໃນການວາງມາດຕະການເພື່ອຮັບມືກັບຄວາມສ່ຽງທີ່ພັນທະບັດໄລຍະສັ້ນຈະເພີ່ມຂຶ້ນ. ມາດຕະການທີສາມແມ່ນພະແນກຄຸ້ມຄອງການເງິນຮົງກົງໄດ້ຕັກເຕືອນມາຫຼາຍເທື່ອແລ້ວໃຫ້ທະນາຄານຮັບປະກັນສະພາບເງິນຄ່ອງຢ່າງພຽງພໍ, ມາດຕະການທີສີ່ແມ່ນຫຼັກຊັບກອງທຶນເງິນຕາຕ່າງປະເທດທີ່ມີມູນຄ່າ 750 ຕື້ໂດລາຮົງກົງຢູ່ໃນຕະຫຼາດຮົງກົງໃນປະຈຸບັນສາມາດເປັນຫຼັກປະກັນທີ່ພຽງພໍ,ເພື່ອຈະໄດ້ຮັບທຶນໝູນວຽນສະກຸນໂດລາຮົງກົງ.
